ગુજરાતમાં અત્યાર સુધીમાં સિઝનનો ક્યાં કેટલો વરસાદ વરસ્યો, જાણો કેટલું ચિંતાજનક છે ચોમાસું?

Gujarat Rain Weather Forecast Update: ગુજરાતમાં થોડા સમયના વિરામ બાદ ફરીવાર મેઘરાજાએ બેટિંગ શરૂ કરી છે. ગુજરાતમાં સિઝનનો 54.67 ટકા વરસાદ વરસ્યો છે. કચ્છ ઝોનમાં સૌથી વધારે 63.95 ટકા વરસાદ નોંધાયો છે. દક્ષિણ ગુજરાતમાં 57.89%, સૌરાષ્ટ્રમાં 53.60% વરસાદ, ઉત્તર ગુજરાત 53.91%, મધ્ય ગુજરાતમાં 51.29% વરસાદ નોંધાયો છે.

207 જળાશયોમાં હાલમાં 58.10 ટકા પાણીનો જથ્થો
રાજ્યના 206 જળાશયોમાં 60.60 ટકા જળસંગ્રહ થયો છે. સરદાર સરોવર ડેમમાં 58.19 ટકા જળસંગ્રહ થયો છે. રાજ્યના 28 ડેમ 100 ટકા પાણીથી છલોછલ ભરાયા છે. જ્યારે 48 જળાશયો હાઈએલર્ટ અને 17 જળાશયોમાં એલર્ટ થયું છે.

રાજ્યના 207 જળાશયોમાં હાલમાં 58.10 ટકા પાણીનો જથ્થો છે. ઝોન વાઈઝ જોઈએ તો, ઉત્તર ગુજરાતના 15 ડેમમાં 52.48, મધ્ય ગુજરાતના 17 ડેમમાં 65.31, દક્ષિણ ગુજરાતના 13 ડેમમાં 58.80, કચ્છના 20 ડેમમાં 55.36 અને સરદાર સરોવર ડેમમાં 55.40 ટકા પાણીનો જથ્થો છે. રાજ્યમાં સૌથી ઓછો પાણીનો જથ્થો ઉત્તર ગુજરાતમાં છે.