BCCI એ સેન્ટ્રલ કોન્ટ્રાક્ટની કરી જાહેરાત, 34 ખેલાડીઓનું ભાગ્ય ચમકી ગયું, જાણો કોને મળ્યું પ્રમોશન

મુંબઈઃ આખરે છેલ્લા કેટલાક દિવસથી ચાલી રહેલી અટકળોનો અંત આવી ગયો છે. ભારતીય ક્રિકેટ બોર્ડે ખેલાડીઓના વાર્ષિક કોન્ટ્રાક્ટની જાહેરાત કરી દીધી છે. આ વખતે A+ કેટેગરીમાં ચાર ખેલાડીઓને સામેલ કરવામાં આવ્યા છે, જેમાં રોહિત શર્મા, વિરાટ કોહલી, જસપ્રીત બુમરાહ અને રવીન્દ્ર જાડેજાનું નામ સામેલ છે. બીસીસીઆઈના કોન્ટ્રાક્ટમાં કુલ 34 ખેલાડીઓ સામેલ છે. 

શ્રેયસ અય્યર અને ઈશાન કિશાનની વાપસી
પાછલા વર્ષે બીસીસીઆઈએ સેન્ટ્રલ કોન્ટ્રાક્ટમાંથી ઈશાન કિશન અને શ્રેયસ અય્યરને બહાર કરી દીધા હતા. પરંતુ આ વર્ષે બંને ખેલાડીઓને સામેલ કરવામાં આવ્યા છે. શ્રેયસ અય્યરને ગ્રેડ બી તો ઈશાન કિશનને ગ્રેડ સીનો કોન્ટ્રાક્ટ આપવામાં આવ્યો છે. નોંધનીય છે કે શ્રેયસ અય્યરે ચેમ્પિયન્સ ટ્રોફીમાં શાનદાર પ્રદર્શન કર્યું હતું. જ્યારે ઈશાન કિશન લાંબા સમયથી ટીમમાંથી બહાર છે.

કેટલા રૂપિયા મળશે?
ભારતીય ક્રિકેટ બોર્ડ ગ્રેડ પ્રમાણે ખેલાડીઓને વાર્ષિક પૈસા ચુકવે છે. A+ ગ્રેડના ખેલાડીઓને વાર્ષિક 7 કરોડ રૂપિયા આપવામાં આવે છે. A ગ્રેડના ખેલાડીઓને પાંચ કરોડ તો B ગ્રેડના ખેલાડીઓને 3 કરોડ રૂપિયા અને C ગ્રેડના ખેલાડીઓને વાર્ષિક 1 કરોડ રૂપિયા આપવામાં આવે છે.

બીસીસીઆઈએ એ પ્લસ ગ્રેડમાં 4, એ ગ્રેડમાં 6, બી ગ્રેડમાં 5 અને સી ગ્રેડમાં કુલ 19 ખેલાડીઓને સામેલ કર્યાં છે. એ પ્લસ ગ્રેડમાં કેપ્ટન રોહિત શર્મા, બેટર વિરાટ કોહલી, જસપ્રીત બુમરાહ અને જાડેજા સામેલ છે. રોહિત, વિરાટ અને જાડેજાએ ટી20 ક્રિકેટમાંથી નિવૃત્તિ લઈ લીધી છે. છતાં તેને બોર્ડે ટોપ ગ્રેડમાં રાખ્યા છે. જસપ્રીત બુમરાહ એકમાત્ર ટોપ ગ્રેડ ખેલાડી છે, જે ભારત માટે ત્રણેય ફોર્મેટ રમે છે.

GRADE	NUMBER	PLAYERS
A+	1	Rohit Sharma
	2	Virat Kohli
	3	Jasprit Bumrah
	4	Ravindra Jadeja
A	5	Md. Siraj
	6	KL Rahul
	7	Shubman Gill
	8	Hardik Pandya
	9	Md. Shami
	10	Rishabh Pant
B	11	Suryakumar Yadav
	12	Kuldeep Yadav
	13	Axar Patel
	14	Yashasvi Jaiswal
	15	Shreyas Iyer
C	16	Rinku Singh
	17	Tilak Verma
	18	Ruturaj Gaikwad
	19	Shivam Dube
	20	Ravi Bishnoi
	21	Washington Sundar
	22	Mukesh Kumar
	23	Sanju Samson
	24	Arshdeep Singh
	25	Prasidh Krishna
	26	Rajat Patidar
	27	Dhruv Jurel
	28	Sarfaraz Khan
	29	Nitish Kumar Reddy
	30	Ishan Kishan
	31	Abhishek Sharma
	32	Akash Deep
	33	Varun Chakaravarthy
	34	Harshit Rana