ચોમાસામાં ધ્યાન રાખવા છતાં ઘણીવાર કપડા પર કીચડ ઉડે છે અને ડાઘ પડી જાય છે.
સમસ્યા ત્યારે સર્જાય છે જ્યારે જીન્સ કીચડવાળું થઈ જાય. કારણ કે જીન્સ પરથી કીચડ સાફ કરવું મુશ્કેલ થઈ જાય છે.
આજે તમને ચોમાસામાં કામ લાગે એવી ટ્રિક્સ વિશે જણાવીએ જેને અપનાવી તમે ચિંતામુક્ત થઈ શકો છો.
સૌથી પહેલા કીચડવાળા કપડાને સુકાઈ જવા દો. ત્યારબાદ તેના પર બ્રશ ઘસો જેથી માટી ખરી જાય.
કીચડના કારણે થયેલા ડાઘ દુર કરવા માટે ટુથબ્રશનો ઉપયોગ કરી શકાય છે.
ટુથબ્રશને ડીટર્જન્ટ લિક્વિડમાં બોળી અને ડાઘ પર સારી રીતે રગડો. તેનાથી ડાઘ ઝડપથી આછા થઈ જશે.
જીન્સને સાફ કરવા માટે બેકિંગ સોડાનો ઉપયોગ પણ કરી શકાય છે.
ડિટર્જન્ટ પાવડર અને બેકિંગ સોડાને મિક્સ કરી જીન્સને ધોવાથી ડાઘ ઝડપથી નીકળી જાય છે.