નાનખટાઈ નાના-મોટા સૌ કોઈને ભાવતી હોય છે. નાનખટાઈ ઘરે બનાવવી એકદમ ઈઝી છે.
આજે તમને વસ્તુઓના પરફેક્ટ માપ સાથે ઘરે નાનખટાઈ કેવી રીતે બનાવવી.
1 કપ મેંદો, અડધો કપ ખાંડનો પાવડર, અડધો કપ ઘી, 2 ચમચી રવો, 2 ચમચી ચણાનો લોટ, 1 નાની ચમચી બેકિંગ સોડા, એલચી પાવડર અને બદામ-પિસ્તાની કતરણ લેવી.
સૌથી પહેલા એક બાઉલમાં ઘી અને ખાંડ લઈ ત્યાં સુધી ફેંટો જ્યાં સુધી ક્રીમી વાઈટ મિશ્રણ તૈયાર ન થઈ જાય.
અન્ય એક બાઉલમાં મેંદો, રવો, ચણાનો લોટ અને બેકિંગ સોડા સારી રીતે મિક્સ કરો.
લોટના મિશ્રણને ઘી અને ખાંડમાં મિક્સ કરો. ધ્યાન રાખવું કે લોટમાં ગાંઠા ન રહે. સાથે તેમાં એલચી પાવડર મિક્સ કરો.
લોટને બરાબર ગુંથી લો અને જો લોટ ડ્રાય લાગતો હોય તો થોડું ઘી ઉમેરવું. લોટમાંથી નાનખટાઈનો શેપ બનાવી ગ્રીસ કરેલી ટ્રેમાં રાખો.
નાનખટાઈ ઉપર બદામ-પિસ્તાની કતરણ છાંટી દો અને ટ્રેને માઈક્રોવેવમાં બેક કરવા મુકો.
નાનખટાઈનો રંગ ચેન્જ થાય અને થોડી ફુલી જાય ત્યાં સુધી બેક કરવી.