શ્રાવણ મહિનામાં લસણ-ડુંગળી વિનાનું સ્વાદિષ્ટ શાક બનાવવું હોય તો એકવાર આ રીતે શક્કરીયાનું શાક બનાવજો.
શક્કરીયાનું શાક બનાવવા માટે શક્કરીયા, ટમેટા, દહીં, મરચા-આદુની પેસ્ટ, જીરું, લાલ મરચું, હીંગ, લીલા ધાણા, મરી પાવડર, મીઠું અને તેલની જરૂર પડશે.
સૌથી પહેલા ટમેટાના ટુકડા કરી તેમાં આદુ, મરચાં ઉમેરી પેસ્ટ બનાવી લો. સાથે એક બાઉલમાં દહીં લઈ તેમાં મરચું પાવડર ઉમેરી ફેંટી લો.
શક્કરીયાની છાલ ઉતારી તેના ટુકડા કરી લો. એક પેનમાં તેલ ગરમ કરી તેમાં જીરું અને હીંગ વઘારે તેમાં શક્કરીયા ઉમેરો.
શક્કરીયા થોડા કુક થઈ જાય એટલે તેમાં ટમેટાની પેસ્ટ ઉમેરી મિડિયમ ફ્લેમ પર કુક કરો. 1 મિનિટ પછી તેમાં પાણી ઉમેરી શક્કરીયા બફાઈ જાય ત્યાં સુધી કુક કરો.
શક્કરીયા કુક થઈ જાય એટલે તેમાં સ્વાદ પ્રમાણે મીઠું દહીંની પેસ્ટ ઉમેરો અને 10 મિનિટ કુક કરી ગેસ બંધ કરો.
ગરમાગરમ શક્કરીયાનું શાક લીલા ધાણા ઉમેરી સર્વ કરો.