Sonam Raghuwanshi: ରାଜା ରଘୁବଂଶୀ ହତ୍ୟା ଘଟଣାରେ ନୂଆ ଟ୍ବିଷ୍ଟ,ସୋନମର ପ୍ଲାନ୍ ବି’ କ’ଣ ଥିଲା ?

ମେଘାଳୟ ପୋଲିସ ଅନୁସାରେ, ରାଜାଙ୍କ ପତ୍ନୀ ସୋନମ ରଘୁବଂଶୀ ଏବଂ ତାଙ୍କ ପ୍ରେମିକ ରାଜ କୁଶୱାହା ଏହି ହତ୍ୟାର ମୁଖ୍ୟ ଯୋଜନାକାରୀ ଥିଲେ। ଏହି ମାମଲାରେ ସୋନମ ସମେତ ରାଜ କୁଶୱାହା, ଆକାଶ ରାଜପୁତ, ବିଶାଲ ସିଂ ଚୌହାନ ଓ ଆନନ୍ଦ କୁର୍ମୀଙ୍କୁ ଗିରଫ କରାଯାଇଛି। 

ALSO READ: Gold Rate Today: ସୁନାଦରରେ ବୃହତ ବୃଦ୍ଧି,ଆଜି ଓଡି଼ଶାରେ ୨୨ କ୍ୟାରେଟ୍ ର ରେଟ୍ ରହିଛି ...

ALSO READ: Petrol And Diesel Price Today: ନୂଆ ତୈଳ ଦର ଜାରି, ଜାଣନ୍ତୁ ଓଡ଼ିଶାରେ କେତେ ରହିଛି ପେଟ୍ରୋଲ୍ -ଡିଜେଲ୍ ରେଟ୍?

ପୋଲିସ କହିଛି ସୋନମ ତାଙ୍କ ବିବାହର ମାତ୍ର ୫ ଦିନ ପରେ ରାଜାଙ୍କୁ ହତ୍ୟା କରିବା ପାଇଁ ଯୋଜନା ପ୍ରସ୍ତୁତ କରିଥିଲେ । ସେ ହତ୍ୟାକାରୀଙ୍କୁ ୧୫ ହଜାର ଟଙ୍କା ନଗଦ ମଧ୍ୟ ଦେଇଥିଲେ । ଏବଂ ପରେ ୨୦ ଲକ୍ଷ ଟଙ୍କା ଦେବାକୁ ପ୍ରତିଶ୍ରୁତି ଦେଇଥିଲେ । କେବଳ ଏତିକି ନୁହେଁ ସେ ନିଜ ଆଖିରେ ରାଜାଙ୍କୁ ହତ୍ୟା କରାଯାଉଥିବାର ଦେଖିଥିଲେ । ଏବେ କିନ୍ତୁ ଆଉ ଏକ କଥା ସମ୍ନାକୁ ଆସିଛି । ଗୋଟିଏ ପ୍ଲାନ ଯଦି କାମ ନ କରେ ତାହାଲେ' ପ୍ଲାନ୍- ବି 'ମଧ୍ୟ ସୋନମ ପ୍ରସ୍ତୁତ କରିଥିଲେ ।

ପୋଲିସର କହିବା ଅନୁସାରେ, ସୋନମ ରାଜା ରଘୁବଂଶୀଙ୍କୁ ହତ୍ୟା କରିବା ପାଇଁ ଦୁଇଟି ଯୋଜନା ପ୍ରସ୍ତୁତ କରିଥିଲେ । ପ୍ରଥମ ଯୋଜନା ଥିଲା ହତ୍ୟାକାରୀମାନଙ୍କ ଦ୍ବାରା ତାଙ୍କୁ ହତ୍ୟା କରିବା । ଏବଂ ସେହି ସମୟରେ ଯଦି ହତ୍ୟା କରିବାରେ ବିଫଳ ହୁଅନ୍ତି ତାହାଲେ ସୋନମ ନିଜେ ହତ୍ୟା କରିବେ । ସେଲଫି ନେବା ବାହାନାରେ ତାଙ୍କୁ ପର୍ବତ ଉପରକୁ ନେଇଯିବେ ଏବଂ ସୁଯୋଗ ପାଇଲେ ତଳକୁ ଠେଲିଦେବେ । ପ୍ଲାନ ଥିଲା ଯେ,ଯାହା ବି ହେଇଯାଉ ତାଙ୍କୁ ମାରିବେ ହିଁ ମାରିବେ ।

ସୂଚନା ଯୋଗ୍ୟ କି, ମେ ୨୧ ତାରିଖରେ ମଧ୍ୟ ପ୍ରଦେଶ ଇନ୍ଦୋରର ଏକ ଦମ୍ପତି ରାଜା ରଘୁବଂଶୀ ଓ ସୋନାମ ହନିମୁନ ପାଇଁ ମେଘାଲୟ ଯାଇଥିଲେ । ପରେ ମାଆ କାମାକ୍ଷାଙ୍କ ଦର୍ଶନ ପରେ ଶିଲଂ ଚାଲିଯାଇଥିଲେ । ମେ ୨୩ ତାରିଖରୁ ଉଭୟେ ନିଖୋଜ ଥିଲେ । ଜୁନ ୨ ତାରିଖରେ ପୋଲିସ ରାଜାଙ୍କ ମୃତଦେହ ଉଦ୍ଧାର କରିଥିଲା । ତଦନ୍ତ ପରେ ପତ୍ନୀ ସୋନମ ସୁପାରି କିଲରଙ୍କୁ ଲଗାଇ ରାଜାଙ୍କୁ ହତ୍ୟା କରିଥିବା ପୋଲିସ ଜାଣିବାକୁ ପାଇଥିଲା । ସ୍ୱତନ୍ତ୍ର ତଦନ୍ତକାରୀ ଦଳ ଉତ୍ତରପ୍ରଦେଶରୁ ଜଣଙ୍କୁ ଗିରଫ କରିଥିବା ବେଳେ ଅନ୍ୟଜଣଙ୍କୁ ଇନ୍ଦୋରରୁ ଗିରଫ କରିଥିଲା । ଗିରଫ ଅଭିଯୁକ୍ତମାନେ ରାଜାଙ୍କୁ ହତ୍ୟା କରିଥିବା ଓ ଏଥିପାଇଁ ସୋନମ ତାଙ୍କୁ ନିଯୁକ୍ତ କରିଥିବା ସ୍ୱୀକାର କରିଛନ୍ତି । ପରେ ସୋନମ ଉତ୍ତରପ୍ରଦେଶର ଗାଜିପୁର ପୋଲିସ ଆଗରେ ଆତ୍ମସମର୍ପଣ କରିଥିଲେ । ଘଟଣାର ଏବେ ତଦନ୍ତ ଜାରି ରହିଛି।