Odisha Weather Report: ରାଜ୍ୟରେ ପୁଣି ବଢିବ ତାତି। ଆସନ୍ତା ତିନି ଦିନ ଭିତରେ ତାପମାତ୍ରା ୨ ରୁ ୪ ଡିଗ୍ରୀ ବଢିବା ନେଇ ଆଶଙ୍କା ରହିଛି। ୧୦ ରୁ ୧୪ ତାରିଖ ପର୍ଯ୍ୟନ୍ତ କଲବଲ କରିବ ଗ୍ରୀଷ୍ମ ଜ୍ବଳା। ତେବେ, ଆସନ୍ତୁ ଜାଣିବା ପାଣିପାଗ ବିଭାଗ କେଉଁସବୁ ଅଞ୍ଚଳ ପାଇଁ ଆଜି ବର୍ଷା ଆଲର୍ଟ ଜାରି କରିଛି।...
)
ଆଭ୍ୟନ୍ତରୀଣ ଓଡି଼ଶାରେ ନିଆଁ ବର୍ଷାକୁ ଉପକୂଳରେ ଗରମ ଗୁଳୁଗୁଳି ଅସମ୍ଭାଳ ହେବ।
)
ଯଦିଓ କିଛି ସ୍ଥାନରେ କାଳବୈଶାଖି ଜନିତ ବର୍ଷା ହେବ। ମାତ୍ର ବିସ୍ତୁତ ଅଞ୍ଚଳରେ ଏହାର ପ୍ରଭାବ ପଡିବନି। ଆଇଏମଡି ରୁ ମିଳିଥିବା ସୂଚନା ଅନୁସାରେ, ଆଗାମୀ ୨ ସପ୍ତାହ ପାଇଁ ବିସ୍ତାରିତ ପୂର୍ବାନୁମାନ ଜାରି ରହିଛି।
)
ଏହି ଆକଳନ ଅନୁସାରେ ୧୦ ରୁ ୧୪ ତାରିଖ ପର୍ଯ୍ୟନ୍ତ ରାଜ୍ୟରେ ତାପମାତ୍ରା ୩୮ ରୁ ୪୧ ଡିଗ୍ରୀ ସେଲସିୟସ୍ ରହିପାରେ।
)
ସ୍ବାଭାବିକ ଠାରୁ ୧.୬ ଡିଗ୍ରୀରୁ ୩ ଡିଗ୍ରୀ ପର୍ଯ୍ୟନ୍ତ ଅଧିକ ରହିପାରେ।
)
ଆସନ୍ତାକାଲି ଠାରୁ କିଛି ସ୍ଥାନରେ ଗ୍ରୀଷ୍ମ ପ୍ରବାହ (ହିଟ୍ ଓ୍ବେଭ୍) ଏବଂ କେତେକ ସ୍ଥାନରେ ଗରମ ଓ ଗୁଳୁଗୁଳି ନେଇ ନାକେଦମ୍ କରିବ।
)
ଆଜି ବିଶେଷକରି, କିଛି ସ୍ଥାନରେ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି। ସେହି ଜିଲ୍ଲା ଗୁଡିକ ହେଲା ମୟୂରଭଂଜ, ବାଲେଶ୍ବର, କେନ୍ଦୁଝର,କୋରାପୁଟ୍, ରାୟଗଡା, ଗଂଜାମ ଓ ଗଜପତି। ଏହି ସବୁ ସ୍ଥାନରେ ବିଜୁଳି ଘଡ଼ଘଡି ସହ ବର୍ଷା ହେବାର ସମ୍ଭାବନା ରହିଛି। ଏହି ଜିଲ୍ଲା ଗୁଡିକରେ ପବନର ବେଗ ୩୦ ରୁ ୪୦ କିଲୋମିଟର ପର୍ଯ୍ୟନ୍ତ ରହିବ। ବୌଦ୍ଧ, ଭଦ୍ରକ,ବଲାଙ୍ଗୀରର କିଛି ସ୍ଥାନରେ ଝଡ଼ିବର୍ଷା ହେବାର ଆଶଙ୍କା ରହିଛି।
)
ସେହିପରି, ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡା, କଟକ, ଜଗତସିଂହପୁର, ପୁରୀ, ଖୋର୍ଧା ଓ ନୟାଗଡରେ ଗରମ ଓ ଗୁଳୁଗୁଳି ଅନୁଭୂତ ହେବ।
)
ସେହିପରି, ଆସନ୍ତାକାଲି ସମ୍ବଲପୁର, ଝାରସୁଗୁଡା, ବଲାଙ୍ଗୀର, ବୌଦ୍ଧରେ ଗ୍ରୀଷ୍ମ ପ୍ରବାହ ଅନୁଭୂତ ହେବା ସହ ଉପକୂଳ ଓଡ଼ିଶାରେ ଗୁଳୁଗୁଳି ହେବ। ଏଭଳି ସ୍ଥିତି ୧୪ ତାରିଖ ଯାଏଁ ଲାଗି ରହିଲେ ମଧ୍ୟ କେତେକ ସ୍ଥାନରେ ବର୍ଷା ହେବାର ସମ୍ଭାବନା ରହିଛି।
ପରବର୍ତ୍ତୀ ଫଟୋ ଗ୍ୟାଲେରି
ट्रेन्डिंग फोटोज़
5)
8)
)
)
)
