2 એપ્રિલથી લાગુ થશે અમેરિકાનો રેસિપ્રોકલ ટેરિફ, ટ્રમ્પની મોટી જાહેરાત, ભારતનો પણ કર્યો ઉલ્લેખ

Reciprocal Tariff:  અમેરિકાના રાષ્ટ્રપતિ ડોનાલ્ડ ટ્રમ્પે બુધવારે એક મહત્વપૂર્ણ જાહેરાત કરતા કહ્યું કે 2 એપ્રિલ, 2025 થી ભારત, જાપાન અને કોરિયા જેવા દેશો પર રેસિપ્રોકલ ટેરિફ લાદવામાં આવશે. ટ્રમ્પે પોતાના ભાષણમાં આ નીતિને અમેરિકન અર્થતંત્રમાં "નિષ્પક્ષતા અને સંતુલન લાવવાના પગલા તરીકે વર્ણવી છે. 

સંયુક્ત સંબોધનમાં ભારત ઉપરાંત ચીનનું પણ નામ લીધું

ટ્રમ્પે યુએસ કોંગ્રેસને પોતાના સંયુક્ત સંબોધનમાં ભારત ઉપરાંત ચીનનું પણ નામ લીધું હતું. તેમણે કહ્યું કે શરૂઆતમાં તેઓ તેને 1 એપ્રિલથી લાગુ કરવા માંગતા હતા પરંતુ પછી એપ્રિલ ફૂલના કારણે તેઓ તેને 2 એપ્રિલથી લાગુ કરશે. ટ્રમ્પે કહ્યું કે આ ટેરિફ અમેરિકાને ફરીથી સમૃદ્ધ અને મહાન બનાવવા માટે છે.

અમે તેમની પાસેથી પણ તે જ ટેરિફ વસૂલ કરીશું: ટ્રમ્પ

ટ્રમ્પે કહ્યું કે અમે ભારત અને ચીન પર રેસિપ્રોકલ ટેરિફ લગાવવા જઈ રહ્યા છીએ. જે પણ દેશો અમારી પાસેથી ચાર્જ વસૂલશે, અમે તેમની પાસેથી પણ તે જ ટેરિફ વસૂલ કરીશું. તે ખૂબ જ સરળ છે. અમે પહેલાં આવું કર્યું નથી, પરંતુ હવે સમય આવી ગયો છે કે અમે અમેરિકાને પ્રથમ સ્થાન આપીએ. તેમણે વધુમાં કહ્યું કે આ પગલું અમેરિકન ખેડૂતો, ઉત્પાદકો અને કામદારોના હિતોનું રક્ષણ કરવા માટે લેવામાં આવી રહ્યું છે, જેઓ લાંબા સમયથી અસંતુલિત વેપાર નીતિઓથી પ્રભાવિત છે.

#WATCH | While addressing a joint session of US Congress, US President Donald Trump says, " Other countries have used tariffs against us for decades and now it is our turn to start using them against those other countries. On average, the European Union, China, Brazil,… pic.twitter.com/7lRu4udKEN

— ANI (@ANI) March 5, 2025

આ જાહેરાત મુજબ, આ ટેરિફનો હેતુ એવા દેશોને જવાબ આપવાનો છે જે અમેરિકન ઉત્પાદનો પર ભારે ડ્યુટી લગાવે છે, જ્યારે અમેરિકા તેમના માલ પર પ્રમાણમાં ઓછી અથવા કોઈ ડ્યુટી લગાવતું નથી. ટ્રમ્પે ખાસ કરીને ભારત અને ચીનનો ઉલ્લેખ કરતા કહ્યું કે આ દેશોની વેપાર નીતિઓ અમેરિકન બજારો માટે "અન્યાયી" રહી છે. તેમણે એવો પણ સંકેત આપ્યો કે આ નીતિ વૈશ્વિક વેપારમાં એક નવો અધ્યાય શરૂ કરી શકે છે, જે વૈશ્વિક પુરવઠા શૃંખલા અને કિંમતોને અસર કરી શકે છે.