કોરોના પછી ભૂકંપની પણ સાચી પડી ભવિષ્યવાણી, ભારતના આ છોકરાએ 21 દિવસ પહેલા કરી હતી આગાહી

થાઈલેન્ડ અને મ્યાનમારમાં આવેલા શક્તિશાળી ભૂકંપના કારણે અત્યાર સુધીમાં 1000થી વધુ લોકોએ જીવ ગુમાવ્યા છે. જ્યારે 2300થી વધુ લોકો ઘાયલ થયા છે. ભૂકંપ બાદ મ્યાનમારમાં ઈમરજન્સી લાદવામાં આવી છે. શુક્રવારે બપોરે થાઈલેન્ડ અને મ્યાનમારમાં 7.7ની તીવ્રતાનો ભૂકંપ આવ્યો હતો. જેના કારણે બેંગકોકમાં નિર્માણાધીન એક ઈમારત ધરાશાયી થઈ હતી. દરમિયાન એવો દાવો કરવામાં આવી રહ્યો છે કે અભિજ્ઞા આનંદે 3 અઠવાડિયા પહેલા જ મોટા ભૂકંપની આગાહી કરી હતી. 

1 માર્ચના રોજ અભિજ્ઞાની યુટ્યુબ ચેનલ પર અપલોડ કરાયેલા એક વીડિયોમાં દાવો કરવામાં આવ્યો છે કે ભૂકંપ આવતા થોડા અઠવાડિયામાં અથવા વર્ષના મધ્ય સુધીમાં ભારે તબાહી સર્જી શકે છે. આવી સ્થિતિમાં ચાલો જાણીએ કોણ છે અભિજ્ઞા આનંદ જેણે કોરોના વિશે ભવિષ્યવાણી કરી હતી.

નાની ઉંમરે સંસ્કૃત શીખવાનું શરૂ કર્યું
કર્ણાટકના મૈસુરના રહેવાસી અભિજ્ઞ આનંદ સૌથી નાની વયના જ્યોતિષી છે. તે 11 વર્ષની ઉંમરથી જ્યોતિષ શીખી રહ્યો છે. અભિજ્ઞ 20 વર્ષનો છે. તેમણે માત્ર 7 વર્ષની ઉંમરે ભગવદ્ ગીતા કંઠસ્થ કરી લીધી હતી. આ માટે તેમણે નાની ઉંમરમાં જ સંસ્કૃત શીખવાનું શરૂ કર્યું. અભિજ્ઞ એક વીડિયો ચેનલ ચલાવે છે, જેમાં સેંકડો વીડિયો અપલોડ કરવામાં આવ્યા છે, જેમાં તેણે ઘણી મોટી ભવિષ્યવાણીઓ કરી છે.

સંશોધકો શીખવે છે અભિજ્ઞ
તમને જણાવી દઈએ કે અભિજ્ઞા આનંદે 3 અઠવાડિયા પહેલા કહ્યું હતું કે વિનાશક ભૂકંપ આવવાનો છે. આ સિવાય તેમણે તારીખની સાથે જગ્યાઓ વિશે પણ જણાવ્યું હતું. અભિજ્ઞ આનંદે સંસ્કૃત અને જ્યોતિષ શીખ્યું પરંતુ હવે તે 1200 બાળકોને અને 150 સંશોધકોને પણ શીખવી રહ્યા છે. જેની શરૂઆત તેમણે 2018માં કરી હતી. 

ઉલ્લેખનીય છે કે અભિજ્ઞ આનંદે આ પહેલા પણ આ ભવિષ્યવાણી કરી હતી. તેમણે 2020 માં કોવિડ મહામારી, 2022 માં રશિયા-યુક્રેન યુદ્ધ, 2023 માં હમાસ-ઈઝરાયેલ સંઘર્ષ અને 2024 માં બાંગ્લાદેશમાં બળવા વિશે પણ જણાવ્યું હતું.