2025 મંગળનું છે વર્ષ, ભારે ઉથલપાથલો વચ્ચે પણ આ 4 રાશિવાળાને ડિસેમ્બર સુધી થશે છપ્પરફાડ ધનલાભ! પદ-પ્રતિષ્ઠા વધશે

અંકશાસ્ત્ર મુજબ 2025નો મૂળાંક 9 છે. જે મંગળ ગ્રહનો પ્રતિક છે. જ્યોતિષમાં મંગળને સાહસ, ઉર્જા, અને આત્મવિશ્વાસનો કારક ગ્રહ મનાય છે. આ ગ્રહોનો સેનાપતિ પણ ગણાય છે. કેટલીક રાશિઓને આ મંગળનું વર્ષ ભાગ્યશાળી સાબિત થઈ શકે છે. આ દરમિયાન તેમને ખુબ લાભ થશે. આર્થિક સ્થિતિમાં પણ સુધારો આવશે. જાણો 2025ના બાકીના 7 મહિના કોના માટે ભાગ્યશાળી રહી શકે છે?

મેષ રાશિના જાતકો માટે હવેનો સમય ખુબ શાનદાર રહેશે. આ રાશિના સ્વામી મંગળ છે. આથી તમને દરેક કામમાં સફળતા મળશે. તમારો આત્મવિશ્વાસ વધશે અને તમે મોટા નિર્ણયો લઈ શકશો. આર્થિક સ્થિતિ મજબૂત રહેશે. તમે બચત પણ કરી શકશો. નોકરીયાતોને પ્રમોશન થઈ શકે છે. આવકમાં વધારો થઈ શકે છે. આવકના નવા નવા સ્ત્રોત બનશે. કુટુંબીજનોનો સહયોગ મળશે.   

કર્ક રાશિવાળા માટે પણ આ વર્ષનો હવેનો સમય સારો રહેશે. કમ્ફર્ટ ઝોનમાંથી બહાર નીકળીને તમે કઈક મોટું કરવાનું વિચારશો. કરિયરમાં પ્રગતિ થશે. અંગત જીવનમાં પણ ખુશીઓ આવશે. 2025નું વર્ષ રોકાણ માટે ઉત્તમ રહેશે. પ્રોપ્રટી અને શેર માર્કેટમાં રોકાણ કરી શકશો. આવકમાં જબરદસ્ત વધારો થઈ શકે છે. નોકરીયાતોને પ્રમોશનની સાથે પગારમાં પણ વધારો થઈ શકે છે. 

સિંહ રાશિના જાતકો માટે મંગળની કૃપાથી હવેનો સમય ખુશીઓ અને પ્રગતિનો રહેશે. વેપાર અને નોકરીમાં પ્રગતિ થશે. તમે તમારા પર ધ્યાન આપશો અને તમારી નબળાઈઓ દૂર કરશો. આ વર્ષ તમારા માટે નવી તકો અને સફળતા લઈને આવેલું છે. લાંબા  સમયથી અટકેલા કામો પૂરા થશે અને આત્મવિશ્વાસ વધશે, જેનાથી તમે દરેક ક્ષેત્રમાં સફળતા મેળવી શકશો. લાંબા સમયથી ચાલતી પરેશાનીઓ અને આર્થિક તંગીથી છૂટકારો મળશે. 

કુંભ રાશિવાળા માટે પણ હવેનો સમય ખુબ સારો રહેશે. આર્થિક સ્થિતિ મજબૂત બનશે. આ વર્ષે લક્ષ્યાંકો પૂરા થશે. સ્વાસ્થ્યનું ધ્યાન રાખજો. નોકરીયાતોને પગાર વધારાની સાથે પદોન્નતિનો લાભ મળી શકે છે. આ વર્ષે ખુશખબરી મળી શકે છે. કરિયરમાં આવતી પરેશાનીઓ દૂર થશે. 

અહીં અપાયેલી માહિતી જ્યોતિષ માન્યતાઓ, સામાન્ય માન્યતાઓ અને જાણકારીઓ પર આધારિત છે, ZEE 24 કલાક તેની પુષ્ટિ કરતું નથી.