ગુજરાતમાં ચોમાસાની 'ડેન્જર એન્ટ્રી'! આ વિસ્તારોમાં આવી શકે છે પૂર, ખુબ જ ખતરનાક છે આગાહી

કચ્છ પછી હવે ચોમાસાએ સુરતમાં પ્રવેશ કર્યો છે. પહેલા જ દિવસે ચોમાસાએ જનજીવન અસ્તવ્યસ્ત કરી દીધું છે. 22 જૂનની રાતથી વરસાદ શરૂ થયો હતો. સોમવારે સવારે 8 થી 10 વાગ્યા દરમિયાન 5.5 ઇંચ વરસાદ નોંધાયો હતો. સવારે 10 થી 12 વાગ્યા દરમિયાન 2 ઇંચ વરસાદ પડ્યો હતો અને બપોરે 12 થી 2 વાગ્યા દરમિયાન 1.5 ઇંચ વરસાદ પડ્યો હતો. સતત વરસાદને કારણે ઘણા વિસ્તારોમાં પાણી ભરાઈ ગયા છે. 

અંબાલાલ પટેલે કહ્યું કે, હમણાં ઉતર ગુજરાત, પૂર્વ ગુજરાતમાં વરસાદની ઘાત છે. મહેસાણા, પાલનપુર બનાસકાંઠા, સાબરકાંઠાના ભાગોમાં ભારે વરસાદની શક્યતા રહેશે. તો પંચમહાલ જિલ્લાના ભાગોમાં ભારે વરસાદની શક્યતા રહેશે. સૌરાષ્ટ્રના કેટલાક જિલ્લામાં ભારે વરસાદની શક્યતા રહેશે. દક્ષિણ ગુજરાતના નવસારી, સુરત વગેરે ભાગોમાં ભારેથી અતિભારે વરસાદની આગાહી રહેશે. મધ્ય ગુજરાતના ભાગોમાં ભારે વરસાદની શક્યતા રહેશે. મહીસાગર જિલ્લાના ભાગોમાં ભારે વરસાદની શક્યતા રહેશે.

25 જૂનથી વરસાદ મધ્ય પ્રદેશના ભાગો સુધી આવરી લેવાની શક્યતા રહેશે. 26 જૂનથી જુલાઈના પ્રથમ સપ્તાહમાં બંગાળના ઉપસાગરમાંથી ભારેખમ વરસાદનું વહન આવતા રાજ્યના ઘણા ભાગોમાં ભારેથી અતિભારે વરસાદ થવાની શક્યતા છે. દક્ષિણ ગુજરાત તેમજ ગુજરાતની અન્ય નદીઓમાં પૂરની સ્થિતિ થઈ શકે છે કેટલાક ભાગો જળબંબાકાર બની શકે છે. નર્મદા બે કાંઠે થવાની શક્યતા સાબરમતી નદીમાં પાણીનો પ્રવાહ વધવાની શક્યતા છે. આ ઉપરાંત કાવેરી નદીમાં તાપી નદીમાં જળતર વધવાની શક્યતા રહેશે. 

વહીવટીતંત્રે જવાબદારી સંભાળવાનું શરૂ કરી દીધું છે. સવારથી કુલ 9 ઇંચ વરસાદ નોંધાયો હતો. સ્થાનિક રહેવાસીઓએ જણાવ્યું હતું કે તેમના ઘરોમાં ત્રણ ફૂટ સુધી પાણી ભરાઈ ગયા છે. બાળકો પણ સવારથી ભૂખ્યા છે, કારણ કે ઘરમાં પાણી ઘૂસી જવાથી ખોરાક રાંધી શકાયો નથી. લોકો ખૂબ જ પરેશાન છે અને વહીવટીતંત્ર પાસેથી તાત્કાલિક રાહતની માંગ કરી રહ્યા છે. એલપી સવાણી સર્કલ પાસે ટ્યુશન ક્લાસમાં 8 બાળકો ફસાયા હતા. સરથાણા ફાયર સ્ટેશન પાસે મારુતિ વાનમાં 5 બાળકો ફસાયા હતા. બચાવ ટીમે સમયસર તમામ બાળકોને સલામત સ્થળે પહોંચાડ્યા હતા.

સોમવાર સવારથી ભારે વરસાદને કારણે કલેક્ટરે સૂચના આપી હતી કે શાળાઓની પહેલી પાળીના બાળકોને વહેલા ઘરે મોકલવામાં આવે અને બપોરની પાળીના બાળકોને રજા આપવામાં આવે. જેના કારણે શહેરની તમામ શાળાઓમાં રજા જાહેર કરવામાં આવી છે.  

સુરત સેન્ટ્રલ બસ સ્ટેશનથી દોડતી એસટી બસ સેવાઓ હંગામી ધોરણે બંધ કરવામાં આવી છે. ડ્રાઇવરોને પાણી ભરાયેલા વિસ્તારોમાં બસો ન લેવાની સૂચના આપવામાં આવી છે. વરાછા, અડાજણ સહિતના ઘણા વિસ્તારોમાં પાણી ભરાવાના કારણે ભોંયરામાં આવેલી દુકાનોમાં પાણી ઘૂસી ગયા છે, જેના કારણે વેપારીઓને મોટું નુકસાન થયું છે.

ભારે વરસાદને કારણે ઘણા મુખ્ય રસ્તા બંધ કરવા પડ્યા. જોકે, મહાનગરપાલિકાએ કમાન્ડ એન્ડ કંટ્રોલ સેન્ટર (ICCC) થી પરિસ્થિતિ પર નજર રાખી હતી અને ઋષભ ચાર રસ્તા, ગુજરાત ગેસ સર્કલ, ગલ્લા મંડી જેવા વિસ્તારોના રસ્તાઓ ફરીથી ખોલવામાં આવ્યા છે. રાંદેર ઝોનના અડાજણ પાટિયા, ધનમોર કોમ્પ્લેક્સ, પ્રાઇમ આર્કેડ, મોટા ભાગલ, સુભાષ ગાર્ડન, રાંદેર રોડ, સાંઈ આશિષ શાકભાજી માર્કેટ જેવા વિસ્તારોમાં પાણી દૂર કરીને રસ્તાઓ ફરીથી ખોલવામાં આવ્યા હતા. કતારગામના સૈયદપુરા, હોદી બંગલા, ગોતાલાવાડી વિસ્તારના રસ્તાઓ પણ ફરીથી ખોલવામાં આવ્યા છે.