Gold Rate Today: નવા અઠવાડિયાના પહેલા જ દિવસે પછડાયું સોનું, ઘટીને કેટલો થયો સોનાનો ભાવ? ચેક કરો લેટેસ્ટ રેટ

ઈન્ડિયા બુલિયન જ્વેલર્સ એસોસિએશનના જણાવ્યાં મુજબ 24 કેરેટ 10  ગ્રામ સોનાના ભાવ 284 રૂપિયા તૂટીને 96737 રૂપિયા પર પહોંચ્યો છે જે લાસ્ટ સેશનમાં 97021 રૂપિયા પર ક્લોઝ થયો હતો. જ્યારે ચાંદીમાં 556 રૂપિયાનો ઘટાડો જોવા મળ્યો છે અને ભાવ 107024 રૂપિયા પર પહોંચ્યો જે લાસ્ટ સેશનમાં 107580 રૂપિયા પર ક્લોઝ થયો હતો. 

વાયદા બજાર (MCX) પર સોનું 547 રૂપિયા તૂટીને 96443 પર પહોંચ્યો છે. જ્યારે ચાંદી 879 રૂપિયા તૂટીને 107550 પર જોવા મળી. ટેરિફ પર જે ઘમાસાણ થઈ રહ્યું છે તેની અસર સોના અને ચાંદી પર જોવા મળી રહી છે. 

અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)