ગુજરાતમાં ભુક્કા બોલાવશે મેઘરાજા, શરૂ થશે વરસાદનો નવો રાઉન્ડ, અંબાલાલ-પરેશ ગોસ્વામીની આગાહી

હવામાન વિભાગની આગાહી સિવાય હવામાન નિષ્ણાંત અંબાલાલ પટેલ અને પરેશ ગોસ્વામીએ પણ ફરી ચોમાસું સક્રિય થવાની આગાહી કરી છે. 15 ઓગસ્ટ આસપાસ ચોમાસું સિસ્ટમ સક્રિય થઈ શકે છે અને ગુજરાતમાં વરસાદ લાવશે.

હવામાન નિષ્ણાંત અંબાલાલ પટેલે કહ્યુ કે હાલમાં વરસાદી ઝાપટા જોવા મળી શકે છે. ગુજરાતમાં 12 ઓગસ્ટ સુધી વરસાદી ઝાપટા વધી શકે છે. તેમણે કહ્યું કે 17 ઓગસ્ટથી બંગાળના ઉપસાગરમાં એક મજબૂત સિસ્ટમ બનશે જેનો ટ્રેક મધ્યપ્રદેશ અને ગુજરાતના ભાગોમાં આવવાથી 20 ઓગસ્ટથી કેટલીક જગ્યાએ અતિભારે વરસાદ થશે.

અંબાલાલ પટેલની આગાહી પ્રમાણે નવસારી, સુરત, આહવા, વલસાદ, ડાંગમાં ભારેથી અતિભારે વરસાદની સંભાવના છે. તો દક્ષિણ સૌરાષ્ટ્ર અને સૌરાષ્ટ્રના અન્ય ભાગમાં પણ ભારે વરસાદ પડી શકે છે. આ સિવાય ઉત્તર ગુજરાતમાં પણ ફરી મેઘરાજા સક્રિય થશે. અંબાલાલ પટેલે કહ્યુ કે 17 ઓગસ્ટ પછી વરસાદી પાણી કૃષિ પાક માટે સારૂ ગણાશે અને 30 ઓગસ્ટ પછી વરસાદી પાણી સારૂ ગણાતું નથી.  

હવામાન નિષ્ણાત પરેશ ગોસ્વામીએ પણ ઓગસ્ટમાં સારો વરસાદ વરસાદની આગાહી કરી છે. તેમના જણાવ્યા મુજબ, 10 ઓગસ્ટ સુધી સારા વરસાદના કોઈ વાવડ નથી. 10 ઓગસ્ટ પછી બંગાળની ખાડીમાં વરસાદી સિસ્ટમ સક્રિય બનશે, ત્યારબાદ તેનો ટ્રેક નક્કી થયા બાદ આગળના વરસાદના રાઉન્ડ વિશે ચોક્કસ જાણકારી મળી શકે છે. ઓગસ્ટમાં 17થી 20 તારીખ સુધી સારો વરસાદ પડશે અને આ મહિનાના છેલ્લા અઠવાડિયામાં સારો વરસાદ રહેશે. ઉત્તર ગુજરાત, મધ્ય ગુજરાત, સૌરાષ્ટ્ર-કચ્છ અને દક્ષિણ ગુજરાતનો સમાવેશ કરવામાં આવ્યો છે. 

15 ઓગસ્ટ આસપાસ ક્યાંક ક્યાંક વરસાદી ઝાપટાં પડે પરંતુ સૂર્ય મઘા નક્ષત્રમાં આવતા 17 ઓગસ્ટથી નક્ષત્ર અનુવાદ દેડકો છે. એટલે ભારે વરસાદ થવાની શક્યતાઓ રહેશે. 18 થી 22 ઓગસ્ટ સુધીમાં ભારે વરસાદ થઈ શકે. મઘા નક્ષત્રનું પાણી કૃષિ પાક અને લોકો ભૂગર્ભમાં પણ સંગ્રહ કરતા હતા. જુલાઈમાં ગુજરાતના મોટાભાગના વિસ્તારોમાં ભારેથી અતિભારે વરસાદ નોંધાયો હતો. પરંતુ ઓગસ્ટમાં હળવા વરસાદની જ આગાહી કરવામાં આવી છે. 

જો કે, ઉત્તર ગુજરાતમાં ભારે વરસાદ થશે તેવી સંભાવનાઓ છે. પેસિફિક મહાસાગરમાં ટોપિકલસ્ટ્રોમ બનવાની શક્યતાઓ રહેશે. જેના અવશેષો બંગાળના ઉપસાગરમાં આવશે. જેના કારણે બંગાળના ઉપસાગર વધુ સક્રિય થશે. હવામાન નિષ્ણાત પરેશ ગોસ્વામીએ જણાવ્યું છે કે, જુલાઈ મહિનાની જેમ ઓગસ્ટમાં પણ સારો વરસાદ વરસશે. ઓગસ્ટ મહિનો તો સારો રહેશે અને સપ્ટેમ્બર મહિનો પણ ખૂબ સારો રહે તેવું અનુમાન છે. 1 થી 10 ઓગસ્ટ સુધી સારા વરસાદના કોઈ વાવડ નથી. 15 સપ્ટેમ્બર સુધી ગરમી અને બફારાની સ્થિતિ સામાન્ય રહેશે પરંતુ 15 સપ્ટેમ્બર સુધીમાં ગરમી અને ઉકળાટનું પ્રમાણ વધશે.