ગુજરાતમાં આગામી 7 દિવસ વરસાદ ભૂક્કા કાઢી નાંખશે! NDRF-SDRFની 32 ટીમો સ્ટેન્ડ બાય

આજે હવામાન વિભાગની આગાહી મુજબ બનાસકાંઠા, સાબરકાંઠા, અરવલ્લી, મહીસાગર, દાહોદ, ગાંધીનગર, નવસારી, વલસાડ, તાપી, ડાંગમાં અતિ ભારે વરસાદ પડી શકે છે, જ્યારે અમરેલી, ભાવનગર, પાટણ, મહેસાણા, અમદાવાદ, ખેડા, આણંદ, પંચમહાલ, વડોદરા, છોટાઉદેપુર, ભરૂચ, નર્મદા, સુરતમાં પણ ભારે વરસાદની આગાહી કરાઈ છે. અમદાવાદના અમુક વિસ્તારમાં ભારે વરસાદની શકયતા દર્શાવવામાં આવી છે. માછીમારોને દરિયો ન ખેડવા સૂચના અપાઈ છે.

નોંધનીય છે કે, હવામાન વિભાગે આજે ગુજરાતના કુલ 12 જિલ્લામાં વરસાદની શક્યતા વ્યક્ત કરી છે. જેમાં વરસાદની તીવ્રતાની શક્યતા મુજબ 6 જિલ્લામાં ઓરેન્જ એલર્ટ તો 12 જિલ્લામાં યલો એલર્ટ જાહેર કર્યું છે. જુલાઈમાં સામાન્ય કરતા વધુ વરસાદની આગાહી છે. રાજ્યમાં સાત દિવસ ગાજવીજ સાથે વરસાદનું અનુમાન છે. થન્ડર સ્ટ્રોમ એક્ટિવિટી સક્રિય થતા 7 જુલાઇ સુધી ક્યાંક મધ્યમ તો ક્યાંક ભારે વરસાદનું અનુમાન છે. વરસાદગની શક્યતાને જોતા હવામાન વિભાગે  માછીમારોને દરિયો ન ખેડવા સૂચના આપી છે.

બનાસકાંઠા, અરવલ્લી, મહિસાગર, દાહોદ, નવસારી, વલસાડ, દમણ, દાદરા અને નગર હવેલીમાં  વરસાદનું ઓરેન્જ એલર્ટ

અમરેલી, ભાવનગર, ભરૂચ, સુરત, તાપી, ડાંગ, છોટાઉદેપુર, વડોદરા,પંચમહાલ અને મહેસાણામાં રસાદનું યલો એલર્ટ જાહેર કરવામાં આવ્યું છે.  

હવામાન વિભાગે આગામી 7 જુલાઇ સુધી રાજ્યમાં વરસાદની આગાહી કરી  છે. હવામાન વિભાગની આગાહી મુજબ 4 જુલાઇ બાદ ગુજરાતમાં વરસાદનું જોર વધશે. મધ્ય ગુજરાત, ઉત્તર ગુજરાત અને દક્ષિણ ગુજરાતમાં 4 જુલાઇ બાદ ભારેથી અતિભારે વરસાદની આગાહી છે. ભારે વરસાદની સંભાવનાને જોતા અગમચેતીના ભાગરૂપે  NDRF-SDRFની 32 ટીમોને સ્ટેન્ડ બાય રાખવામાં આવી છે.