મુંબઈ ઈન્ડિયન્સ માટે ગૂડ ન્યુઝ...જસપ્રીત બુમરાહની ટીમમાં વાપસી, જાણો કોની સામે રમશે પ્રથમ મેચ ?

Jasprit Bumrah Comeback : મુંબઈ ઈન્ડિયન્સ માટે રવિવારે સારા સમાચાર આવ્યા છે. BCCIના સેન્ટર ઓફ એક્સેલન્સની મેડિકલ ટીમ તરફથી  ફાસ્ટ બોલર જસપ્રિત બુમરાહને ફિટનેસ ક્લિયરન્સ મળી ગયું છે. 

મેડિકલ ટીમ તરફથી લીલી ઝંડી મળતા જસપ્રિત બુમરાહ મુંબઈ ઈન્ડિયન્સની ટીમમાં સામેલ થઈ ગયો છે. મુંબઈ ઈન્ડિયન્સે સોશિયલ મીડિયા પર 'રેડી ટુ રોર' નામે વીડિયો શેર કરીને બુમરાહના કેમ્પમાં જોડાવાની પુષ્ટિ કરી હતી.  

બોર્ડર-ગાવસ્કર ટ્રોફીમાં સિડનીમાં ટેસ્ટ દરમિયાન ઈજાગ્રસ્ત થયાના લગભગ ત્રણ મહિના બાદ જસપ્રિત બુમરાહ મેદાન પર પરત ફરવા માટે તૈયાર છે. તેને IPL 2025માં રમવા માટે ફિટ જાહેર કરવામાં આવ્યો છે. 

IPLમાં મુંબઈ ઈન્ડિયન્સ ટીમની આગામી મેચ રોયલ ચેલેન્જર્સ બેંગ્લોર સાથે છે, જે વાનખેડે સ્ટેડિયમમાં 7 એપ્રિલે રમાશે. આ મેચમાં જસપ્રીત બુમરાહના રમવા પર શંકા છે.  

આ મેચ પહેલા ટીમે માહિતી આપી છે કે જસપ્રીત બુમરાહ ટીમ સાથે જોડાઈ ગયો છે અને તે રમવા માટે તૈયાર છે. જો કે, એવા સમાચાર છે કે મેચ રમવા પહેલા બુમરાહ ટીમ સાથે પ્રેક્ટિસ મેચ રમી શકે છે.