Kidney Failure Symptoms: જો શરીરમાં જોવા મળે આ લક્ષણ તો સમજો ફેલ થવા લાગી છે કિડની! તત્કાલ કરાવો સારવાર

જો તમને વારંવાર પેશાબ લાગે છે. ખાસ કરીને રાતના સમયે પેશાબ વધુ લાગે છે તો તે કિડની ખરાબીનો સંકેત હોઈ શકે છે. તેવામાં કોઈ સારા ડોક્ટરનો સંપર્ક કરી તપાસ કરાવવી જોઈએ. તેનાથી તમારી સમસ્યાની જાણકારી મળી શકે છે.  

હેલ્થ નિષ્ણાંતોના મતે કિડની ખરાબ થવા પર શરીરમાં નબળાઈ અને થાકનો અનુભવ થાય છે. તેનું કારણ છે કે શરીરનો ખરાબ કચરો બહાર નીકળી શકતો નથી. જેનાથી તે અંદર રહીને ઈન્ફેક્શન ફેલાવે છે અને ધીમે-ધીમે બીમાર પાડે છે.

જ્યારે કિડની ખરાબ થાય છે, ત્યારે શરીરમાંથી વધારાનું પ્રવાહી અને કરચો દૂર કરી શકાતો નથી. તે લોહીમાં ભળી જાય છે અને ઓક્સિજનના પ્રવાહને અવરોધે છે. જેના કારણે શ્વાસ લેવામાં તકલીફ થાય છે. જો કોઈને આવા લક્ષણો દેખાય તો તેણે ચોક્કસપણે તેની કિડનીની તપાસ કરાવવી જોઈએ નહીંતર તેને પાછળથી પસ્તાવું પડી શકે છે.

ડોકટરોના મતે, જ્યારે કિડની યોગ્ય રીતે કામ કરવાનું બંધ કરે છે, ત્યારે આપણા શરીરમાં વધારાનું પ્રવાહી એકઠું થવા લાગે છે. જેના કારણે આપણા હાથ, પગ અને પગની ઘૂંટીઓમાં સોજા આવવા લાગે છે. જેના કારણે ચાલવું પણ મુશ્કેલ બની જાય છે.

જ્યારે કિડનીને નુકસાન થાય છે, ત્યારે તે પેશાબને યોગ્ય રીતે સાફ કરવામાં અસમર્થ હોય છે. જેના કારણે મોટી માત્રામાં પ્રોટીન પણ બહાર નીકળવા લાગે છે. જેના કારણે પેશાબમાં વધુ ફીણ બનવા લાગે છે. તેની સાથે ક્યારેક પેશાબમાં લોહી પણ દેખાવા લાગે છે. આ પણ કિડની ફેલ્યરનું એક મહત્વનું લક્ષણ છે.

Disclaimer: પ્રિય પાઠક, અમારા આ સમાચાર વાંચવા માટે આભાર. આ સમાચાર તમને જાગરૂત કરવાના ઈરાદાથી લખવામાં આવ્યા છે. અમે તેને લખવામાં ઘરેલુ નુસ્ખા અને સામાન્ય જાણકારીની મદદ લીધી છે. તમે સ્વાસ્થ્ય સાથે જોડાયેલા કોઈ ઉપાય અજમાવતા પહેલા ડોક્ટરની સલાહ લો.