કોરોનાને લઈને નવા બાબા વેંગાની ડરાવણી ભવિષ્યવાણી, શું ફરી જોવા મળશે ભયાનક તસ્વિરો ?

Baba Venga: ભારતમાં કોરોનાના કેસ ફરી વધી રહ્યા છે. આ દરમિયાન, જાપાનના 'બાબા વેંગા' તરીકે જાણીતા જાપાનના પ્રખ્યાત મંગા કલાકાર ર્યો તાત્સુકીની એક જૂની ભવિષ્યવાણી ફરી ચર્ચામાં છે. તેમણે 1999માં લખેલા તેમના પુસ્તક 'ધ ફ્યુચર એઝ આઈ સી ઈટ'માં લખ્યું હતું કે 2020માં એક અજાણ્યો વાયરસ બહાર આવશે, જે એપ્રિલમાં તેની ટોચ પર પહોંચશે અને અદૃશ્ય થઈ જશે, પરંતુ 2030ના દાયકામાં ફરી પાછો આવશે.   

તેમની ભવિષ્યવાણી કોવિડ-19 રોગચાળા સાથે સંબંધિત હોવાનું માનવામાં આવે છે. તાત્સુકીએ કહ્યું હતું કે આ વાયરસ વધુ ખતરનાક સ્વરૂપમાં પાછો ફરશે, જેના કારણે વધુ લોકો મૃત્યુ પામશે અને વૈશ્વિક આરોગ્ય વ્યવસ્થા ફરીથી હચમચી જશે.

ભારતમાં કોવિડના કેસ વધી રહ્યા છે. ઇન્ડિયન કાઉન્સિલ ઓફ મેડિકલ રિસર્ચ (ICMR) ના ડાયરેક્ટર જનરલ ડૉ. રાજીવ બહલે જણાવ્યું હતું કે હાલના મોટાભાગના કેસ હળવા છે અને ચિંતા કરવાની કોઈ વાત નથી. પશ્ચિમ અને દક્ષિણ ભારતમાંથી લેવામાં આવેલા નમૂનાઓના જીનોમ સિક્વન્સિંગથી જાણવા મળ્યું છે કે નવું વેરિઅન્ટ ગંભીર નથી.   

આ ઓમિક્રોનના પેટા પ્રકારો છે, જેમ કે LF.7, XFG, JN.1 અને NB.1.8.1. કેરળ, તમિલનાડુ, મહારાષ્ટ્ર અને કર્ણાટકમાં કેસ વધ્યા છે, પરંતુ મોટાભાગના હળવા છે અને દર્દીઓ ઘરે જ આઇસોલેશનમાં છે.  

તાત્સુકીએ બીજી એક ભયાનક ભવિષ્યવાણી કરી છે. તેમણે કહ્યું કે જુલાઈ 2025 માં જાપાન અને ફિલિપાઇન્સ વચ્ચે સમુદ્રમાં એક મોટો ખાડો બનશે, જેના કારણે ભયંકર સુનામી આવશે. તે 2011 ના સુનામી કરતા ત્રણ ગણી મોટી હશે. તેમના મતે, જાપાનના દક્ષિણમાં સમુદ્ર ઉકળવા લાગશે, જે આ વિનાશનું કારણ બનશે. જાપાનમાં ભૂકંપનો ઇતિહાસ છે, તેથી લોકો આ ભવિષ્યવાણીથી ચિંતિત છે.  

ભૂતકાળમાં પણ તાત્સુકીની ભવિષ્યવાણીઓ સાચી સાબિત થઈ છે, જેમ કે કોરોના મહામારી અને કેટલીક સેલિબ્રિટીઓના મૃત્યુ. તેથી જ લોકો તેમના શબ્દોને ગંભીરતાથી લઈ રહ્યા છે. ભારત સહિત ઘણા દેશોમાં કોવિડના કેસોની વધતી સંખ્યા વચ્ચે, તેમની ભવિષ્યવાણીએ લોકોમાં ભય વધારી દીધો છે.