એક સમયે બેસ્ટ ફ્રેન્ડ હતી રેખા અને જયા, ફ્રેન્ડશીપને આપ્યું હતું આ ખાસ નામ; અચાનક થઈ ગયું બધું ખતમ

આ વાતનો ઉલ્લેખ યાસર ઉસ્માનના પુસ્તક 'રેખા ધ અનટોલ્ડ સ્ટોરી'માં કરવામાં આવ્યો છે. આ પુસ્તક અનુસાર રેખા અને જયા બચ્ચન એક જ એપાર્ટમેન્ટમાં રહેતી હતી. ત્યાં સુધી કે બન્ને પાડોશી પણ હતી. આ સાથે એ પણ જણાવવામાં આવ્યું કે, કેવી રીતે અમિતાભ બચ્ચન અને રેખાની મુલાકાત થઈ હતી.

આ પુસ્તકમાં કહેવામાં આવ્યું છે કે, રેખા અને જયા વચ્ચે તે સમયે એટલી ગાઢ મિત્રતા હતી કે રેખા ત્યારે જયાના ઘરે ઘણી વાર જતી હતી. જયાના એપાર્ટમેન્ટમાં જ રેખાની અમિતાભ બચ્ચન સાથે મુલાકાત થઈ હતી.

આમાં કહેવામાં આવ્યું છે કે, રેખા જયાને નામથી બોલાવી ન હતી. પરંતુ તે હંમેશા જયા બચ્ચનને ફક્ત દીદી જ નહીં, પણ દીદી ભાઈ તરીકે બોલાવતી હતી. તેના ઘરે જતી અને ઘણો સમય વિતાવતી હતી.

એવું કહેવાય છે કે, પોતાની શરૂઆતની કેટલીક ફિલ્મો હિટ થતા જ રેખાએ 1972માં મુંબઈમાં પોતાનો પહેલો ફ્લેટ ખરીદ્યો હતો. જયા પહેલાથી જ આ એપાર્ટમેન્ટમાં રહેતી હતી અને ફિલ્મોમાં ઘણી ખ્યાતિ મેળવી હતી.  

આ પુસ્તકમાં એ પણ ઉલ્લેખ છે કે, રેખા અને જયાની મિત્રતામાં તિરાડ તે સમય પડી જ્યારે અમિતાભ બચ્ચને 1973માં જયા સાથે લગ્ન કરી લીધા. અમિતાભ પ્રત્યે રેખાએ પોતાના પ્રેમને ક્યારેય ખુલ્લેઆમ વ્યક્ત કર્યો ન હતો, પરંતુ સિમી ગરેવાલના શોમાં વાતોવાતોમાં વ્યક્ત જરૂર કર્યો છે.