સાચી થઈ રહી છે બાબા વેંગાની ભવિષ્યવાણી! પૃથ્વીની તરફ આવી રહ્યું છે મેનહટન શહેરથી મોટું એલિયન શિપ, 4 મહિના પછી મચશે કોહરામ?
Alien spaceship Attack: પ્રખ્યાત બલ્ગેરિયન રહસ્યવાદી બાબા વેંગાએ આજથી ઘણા વર્ષો પહેલા એક ભયાનક ભવિષ્યવાણી કરી હતી, જે હવે સાચી પડી રહી હોય તેવું દેખાય રહ્યું છે. એવું કહેવામાં આવી રહ્યું છે કે, લગભગ ચાર મહિના પછી નવેમ્બરમાં એક રહસ્યમય એલિયન સ્પેસશીપ પૃથ્વી સાથે સંપર્ક કરશે. આ એલિયન સ્પેસશીપ પૃથ્વી તરફ ઝડપથી આગળ વધી રહ્યું છે અને નવેમ્બરમાં પૃથ્વી પર હુમલો કરી શકે છે. 16 જુલાઈના રોજ પ્રીપ્રિન્ટ સર્વર arXiv પર પ્રકાશિત તથા ન્યૂ યોર્ક પોસ્ટ અને સાઉથ વેસ્ટ ન્યૂઝ સર્વિસના રિપોર્ટ અનુસાર, વૈજ્ઞાનિકોની એક ટીમે ચેતવણી આપી છે કે, એક એલિયન સ્પેસશીપ પૃથ્વી તરફ આગળ વધી રહ્યું છે, જે નવેમ્બરની શરૂઆતમાં હુમલો કરી શકે છે.
1,30,000 માઇલ પ્રતિ કલાકની ઝડપ
હાલમાં જ શોધવામાં આવેલ આ ઈન્ટરસ્ટેલર વિશે પહેલી વાર 1 જુલાઈના રોજ જાણવા મળ્યું હતું અને 1,30,000 માઇલ પ્રતિ કલાકથી વધુની ઝડપે આગળ વધી રહી છે. વૈજ્ઞાનિકોએ તેનું નામ 3I/ATLAS આપ્યું છે. જ્યારે તેની શોધના એક દિવસ પછી ખગોળશાસ્ત્રીઓએ સ્પષ્ટતા કરી હતી કે, તેનો ઉદ્ભવ આપણા સૌરમંડળની બહારથી થયો છે. પ્રારંભિક અવલોકનો દર્શાવે છે કે, તે એક ધૂમકેતુ હોઈ શકે છે, જેનો વ્યાસ લગભગ 15 માઇલ છે - જે તેને મેનહટન કરતા મોટો બનાવે છે.
3I/ATLAS
જો કે, તેમના રિસર્ચ પેપરમાં ઇનિશિયેટિવ ફોર ઇન્ટરસ્ટેલર સ્ટડીઝના રિસર્ચર એવી લોએબ, એડમ હિબર્ડ અને એડમ ક્રોઉલે પ્રસ્તાવ મૂક્યો છે કે, 3I/ATLAS કોઈ કુદરતી વસ્તુ ન હોઈ શકે, પરંતુ આ અતરિક્ષીય જાસૂસ ટેકનોલોજી (Extraterrestrial Espionage Technology)નો એક ભાગ હોઈ શકે છે.
Astrophysicist લોએબ
હાર્વર્ડ ખગોળભૌતિકશાસ્ત્રી લોએબ, જે તેમના વિવાદાસ્પદ સિદ્ધાંત માટે જાણીતા છે, તેમણે જણાવ્યું કે, 2017નો ઓબ્જેક્ટ 'ઓઉમુઆમુઆ' એક એલિયન રિકોનિસન્સ તપાસ હોઈ શકે છે. લોએબનો તર્ક છે કે 3I/ATLASમાં ઘણી અસામાન્ય સુવિધાઓ છે, જેમાં એક અનોખો ટ્રેજેક્ટરી સામેલ છે.
'પૃથ્વીની નજરથી અદૃશ્ય થઈ જશે રહસ્યમય એલિયન સ્પેસશિપ'
એક બ્લોગ પોસ્ટમાં લોએબે લખ્યું કે, સૌરમંડળમાં આ ઓબજેક્ટનો માર્ગ તેને ગુરુ, મંગળ અને શુક્રની નજીકથી પસાર થવાની પરવાનગી આપે છે. લોએબના મતે, આ એલિયન્સ માટે આ ગ્રહો પર ગુપ્ત રીતે સર્વેલન્સ 'ગેજેટ્સ' તૈનાત કરવાની એક તક છે. તેનાથી પણ વધુ ચિંતાજનક બાબત એ છે કે, નવેમ્બરના અંતમાં જ્યારે 3I/ATLAS સૂર્યની સૌથી નજીક બિન્દુ (પેરિહેલિયન) પર પહોંચશે, ત્યારે તે અસ્થાયી રૂપે પૃથ્વીની નજરથી અદૃશ્ય થઈ જશે. લોએબ સૂચવ્યું છે કે, આ પૃથ્વી-આધારિત ટેલિસ્કોપની નજર ટાળવા માટે આ ઇરાદાપૂર્વકનું પગલું હોઈ શકે છે. આ કદાચ તે ક્ષણ છે જ્યારે એલિયન ટેકનોલોજી આપણા ગ્રહ તરફ મોકલી શકાય છે.
ચેતવણીઓ અને રક્ષણાત્મક પગલાં
જો 3I/ATLAS ખરેખર એક ટેકનોલોજીકલ પ્રોટોટાઇપ છે, તો તે 'ડાર્ક ફોરેસ્ટ પૂર્વધારણા' ને સમર્થન આપી શકે છે. લોએબ ચેતવણી આપે છે કે, આ પરિસ્થિતિ ફક્ત દેખરેખ જ નહીં, પણ સંભવિત એલિયન હુમલાનો પ્રારંભિક સંકેત હોઈ શકે છે, અને તેમણે વિનંતી કરી છે કે 'રક્ષણાત્મક પગલાં' પર વિચાર કરવાની જરૂર પડી શકે છે. શું આ પદાર્થ ઓબ્જેક્ટ ધૂમકેતુ કે કોસ્મિક ટ્રોજન હોર્સ સાબિત થશે, વૈજ્ઞાનિક સમુદાય અને સામાન્ય લોકો - નવેમ્બર નજીક આવતાની સાથે નજીકથી નજર રાખશે.
(Disclaimer: પ્રિય વાચક, અમારા સમાચાર વાંચવા બદલ આભાર. આ સમાચાર ફક્ત તમને જાગૃત કરવા માટે લખવામાં આવ્યા છે. અમે આ લખવામાં સામાન્ય માહિતીની મદદ લીધી છે. Z 24 કલાક આની પુષ્ટિ કરતું નથી.)
Trending Photos
- 12
- 6
- 5
- 5
