બંધ થઈ જશે ઈન્ટરનેટ, ગેસ પણ થશે મોંઘો; ચારે તરફ અંધારું છવાશે... સૂરજે કેવી રીતે વધારું ધરતી પર ટેન્શન?

વૈજ્ઞાનિકોએ હાલમાં જ એક મોટી ચેતવણી આપી છે. તેમણે જણાવ્યું કે, સૂર્ય છેલ્લા ઘણા દિવસોથી એક્ટિવ છે અને તેના વાતાવરણમાં એક મોટો ડાઘ દેખાય રહ્યો છે, જેનું નામ AR4087 છે. ખતરનાક વાત એ છે કે, આ દાઘ ધીમે-ધીમે પૃથ્વી તરફ આગળ વધી રહ્યો છે અને જેમ-જેમ તે પૃથ્વી તરફ આગળ વધી રહ્યો છે તેમ-તેમ તે મોટો થઈ રહ્યો છે. વૈજ્ઞાનિકોનું કહેવું છે કે, આ એક મોટો ખતરો સાબિત થઈ શકે છે અને પૃથ્વી આ સમયે કોઈ મોટા તોફાનનો સામનો કરવા માટે તૈયાર છે.

આ ડર એટલા માટે પણ વધી જાય છે, કારણ કે ગયા અઠવાડિયે આ જ જગ્યાએથી એક વિશાળ સૌર વિસ્ફોટ (Solar Flare) થયો હતો. જો કે, આ વિસ્ફોટ પૃથ્વીની દિશામાં નહોતો, તેથી વધારે નુકસાન થયું ન હતું. આ વાતને ધ્યાનમાં રાખીને વૈજ્ઞાનિકોને હવે લાગે છે કે, જો પૃથ્વી તરફ આવો વિસ્ફોટ થાય તો પરિસ્થિતિ વધુ ગંભીર બની શકે છે. આ ઉપરાંત પૃથ્વી આવા ખતરાનો સામનો કરી શકશે નહીં.

વૈજ્ઞાનિકોએ ચાર પ્રકારની પરિસ્થિતિઓની આગાહી કરી છે. જેમાં સૌથી ખતરનાક પરિસ્થિતિને 'સોલર સુપરસ્ટ્રોમ' (Solar Superstrom) નામ આપવામાં આવ્યું છે. તેમણે જણાવ્યું કે, જો તે જમીનથી ટકરાશે તો ઇન્ટરનેટ સેવા કેટલાક અઠવાડિયા સુધી બંધ થઈ શકે છે. અમેરિકા સહિત ઘણા દેશોમાં વીજળી ગુલ થઈ શકે છે, આ અસર ખાસ કરીને પૂર્વીય પ્રદેશોમાં જોઈ મળી શકે છે. આ ઉપરાંત દરેક પ્રકારનો પરિવહન અને ગેસ પાઇપલાઇનમાં પણ મોટી સમસ્યાઓનો સામનો કરવો પડી શકે છે.

જોખમોને સમજ્યા પછી વૈજ્ઞાનિકોએ સરકારોને અપીલ કરી છે કે, તેઓ આવી પરિસ્થિતિઓનો સામનો કરવા માટે શક્ય તેટલી વહેલી તકે જરૂરી પગલાં છે. સાથે જ અવકાશ હવામાન પર નજર રાખવા માટે વધુ સેટેલાઈટ્સની જરૂર છે. આ ઉપરાંત સૌર તોફાનની વહેલી ચેતવણી આપતી સિસ્ટમને વધુ સારી બનાવવાની જરૂરી છે.

જે પરિસ્થિતિમાં વૈજ્ઞાનિકોએ ઈમરજન્સીની કવાયત માટે 2028ની તારીખ નક્કી કરી હતી, તે જ પરિસ્થિતિ હવે આ અઠવાડિયે વાસ્તવિકતા બનતી દેખાય છે. જો સૂર્ય તરફથી વધુ એક શક્તિશાળી સૌર વિસ્ફોટ પૃથ્વી તરફ થાય છે, તો તેની અસર ખૂબ વ્યાપક અને ગંભીર હોઈ શકે છે.

તાજેતરમાં 19 મે 2025ના રોજ સૂર્યમાં એક ખૂબ જ શક્તિશાળી X-class સૌર વિસ્ફોટ થયો હતો, જેની લંબાઈ લગભગ 10 લાખ કિલોમીટર હતી. આ વિસ્ફોટથી પૃથ્વીની તરફ X-rays અને અલ્ટ્રાવાયોલેટ (UV) કિરણો આવ્યા, જેના કારણે કેટલીક જગ્યાએ રેડિયો સિગ્નલોમાં સમસ્યા આવી.

Disclaimer: પ્રિય પાઠક, અમારા આ સમાચાર વાંચવા માટે આભાર. આ સમાચાર તમને જાગૃત કરવાના ઈરાદાથી લખવામાં આવ્યા છે. અમે તેને લખવા માટે સામાન્ય જાણકારીની મદદ લીધી છે. Zee 24 કલાક આ વાતની પુષ્ટિ કરતું નથી.