Bonus Share: 1 શેર પર 1 બોનસ શેર આપી રહી છે આ કંપની, કાલે રેકોર્ડ ડેટ

Bonus Share: આ કંપનીના શેર 5 માર્ચના રોજ શેરબજારમાં એક્સ-બોનસ સ્ટોક તરીકે ટ્રેડ કરશે. કંપની દ્વારા એક શેર પર એક શેર બોનસ આપવામાં આવી રહ્યું છે. બોનસ શેરનો લાભ લેવા માંગતા રોકાણકારોએ 04 માર્ચના રોજ શેર ખરીદી લીધા હોવા જોઈએ, જે રોકાણકારોના નામ 05 માર્ચના રોજ રેકોર્ડ બુકમાં હશે તેમને મફત શેરનો લાભ મળશે.  

કંપનીએ સ્ટોક એક્સચેન્જને જાણ કરી હતી કે રોકાણકારોને દરેક શેર માટે એક શેર બોનસ તરીકે આપવામાં આવશે. કંપનીએ આ બોનસ ઇશ્યૂ માટે રેકોર્ડ ડેટ 5 માર્ચ, 2025 નક્કી કરી છે. જે કાલે એટલે કે બુધવાર છે. જે રોકાણકારોના નામ આવતીકાલે કંપનીની રેકોર્ડ બુકમાં દેખાશે તેમને દરેક શેર માટે બોનસ તરીકે એક શેર મળશે.   

ચાલો તમને જણાવી દઈએ કે, બોનસ શેર હોય કે ડિવિડન્ડ, તેનો લાભ લેવા માટે, રોકાણકારો પાસે રેકોર્ડ ડેટ પર શેર હોવા જોઈએ. એ રોકાણકારોને જ તેનો લાભ મળશે જેનું રેકોર્ડ ડેટના ઓછામાં ઓછા એક ટ્રેડિંગ દિવસ પહેલા નામ હશે.

કંપની કદાચ પહેલી વાર રોકાણકારોને બોનસ શેર આપી રહી છે. જ્યારે આ પહેલા કંપની ઘણી વખત ડિવિડન્ડ આપી ચૂકી છે. 2024 માં, કંપનીએ બે વાર એક્સ-ડિવિડન્ડનો વેપાર કર્યો. બંને વખત એક સાથે કંપનીએ એક શેર પર 16 રૂપિયાનું ડિવિડન્ડ આપ્યું હતું.  

મંગળવારે અને 04 માર્ચના રોજ બજાર બંધ થવાના સમયે, આનંદ રાઠી લિમિટેડ(Anand Rathi Wealth Ltd)ના શેરનો ભાવ NSE પર 3.22 ટકાના ઘટાડા સાથે ₹4009.65 ના સ્તરે હતો. આ બોનસ ઓફર કરતા શેરના ભાવમાં છેલ્લા એક મહિનામાં 14 ટકાથી વધુનો વધારો જોવા મળ્યો છે. રોકાણકારોના દૃષ્ટિકોણથી આશ્વાસન આપનારી વાત એ છે કે છેલ્લા એક વર્ષમાં કંપનીના શેરના ભાવમાં 6.96 ટકાનો વધારો થયો છે. જ્યારે આ સમયગાળા દરમિયાન, સેન્સેક્સ ઇન્ડેક્સમાં 0.98 ટકાનો ઘટાડો જોવા મળ્યો છે.  

આનંદ રાઠી લિમિટેડના શેરના ભાવમાં 2 વર્ષમાં 427 ટકાનો વધારો થયો છે.

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)