44 વખત ડિવિડન્ડ આપી ચુકી છે આ સરકારી કંપની, ફરીથી નફો વહેંચવાની કરી રહી છે તૈયારી, શેરનો ભાવ છે 100 રૂપિયાથી ઓછો

Dividend Stock:  સરકારી કંપની 45મી વખત ડિવિડન્ડ આપવાની તૈયારી કરી રહી છે. કંપનીની બોર્ડ મીટિંગ 17 માર્ચે યોજાશે. જેમાં વચગાળાના ડિવિડન્ડનો નિર્ણય લેવામાં આવશે. આ માહિતી PSU દ્વારા 7 માર્ચે, એટલે કે ગઈકાલે શેર કરવામાં આવી હતી.

તમને જણાવી દઈએ કે, શુક્રવારે અને 07 માર્ચના રોજ ફરી એકવાર કંપનીના શેરમાં વધારો જોવા મળ્યો છે. ગઈકાલે બજાર બંધ થતાં આ સરકારી કંપનીનો એક શેરનો ભાવ 0.19 ટકાના વધારા સાથે રૂ. 67.07 પર બંધ થયો હતો. આ સતત પાંચમો ટ્રેડિંગ દિવસ હતો જ્યારે આ શેરમાં વધારો જોવા મળ્યો હતો.

28 ઓગસ્ટ, 2023 થી, NMDC એ તેના રોકાણકારોને 44 વખત ડિવિડન્ડ આપ્યું છે. છેલ્લા 12 મહિના દરમિયાન, કંપનીએ એક શેર પર 1.50 રૂપિયાનું ડિવિડન્ડ ચૂકવ્યું છે. તમને જણાવી દઈએ કે, એક્સચેન્જ પર ઉપલબ્ધ માહિતી અનુસાર, કંપનીના શેર 27 ડિસેમ્બર 2024 ના રોજ એક્સ-બોનસ તરીકે ટ્રેડ થયા હતા. ત્યારે કંપનીએ લાયક રોકાણકારોને એક શેર પર 2 બોનસ શેર આપ્યા હતા.  

ડિસેમ્બર ક્વાર્ટરમાં કંપનીનો ચોખ્ખો નફો 1896.66 કરોડ રૂપિયા હતો. જે વાર્ષિક ધોરણે 29 ટકા વધુ છે. એક વર્ષ અગાઉ ડિસેમ્બર ક્વાર્ટરમાં કંપનીનો ચોખ્ખો નફો 1469.73 કરોડ રૂપિયા હતો. કંપનીને આવકના મોરચે પણ સારા સમાચાર મળ્યા છે. આ કંપનીની આવકમાં વાર્ષિક ધોરણે 21.40 ટકાનો વધારો થયો છે. ઓક્ટોબરથી ડિસેમ્બર 2024 દરમિયાન NMDC(National Mineral Development Corporation)ની કુલ આવક રૂ. 6567.83 કરોડ હતી.  

એક તરફ, આ વર્ષે અત્યાર સુધીમાં સેન્સેક્સ ઇન્ડેક્સમાં 5 ટકાથી વધુનો ઘટાડો જોવા મળ્યો છે. તો આ PSU સ્ટોક 1.65 ટકાનું વળતર આપવામાં સફળ રહ્યો છે. જોકે, પોઝિશનલ રોકાણકારોએ વાર્ષિક ધોરણે 15 ટકાથી વધુ ગુમાવ્યા છે. જ્યારે સેન્સેક્સે 0.29 ટકાનું સકારાત્મક વળતર આપ્યું છે.

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)