સ્વર્ગ જેવા આ દેશમાં રહેવા માટે સરકાર આપી રહી છે 93 લાખ રૂપિયા, જાણો આ દેશનું નામ

આ દેશની સરકારે ગામોમાં લોકોને વસાવવા માટે નવી યોજના શરૂ કરી છે. લોકોને પૈસા આપીને સ્થાયી થવાનું આમંત્રણ આપવામાં આવી રહ્યું છે.

આ પગલું એટલા માટે ઉઠાવવું પડ્યું કારણ કે દેશના ઘણા ગામો ખાલી થઈ રહ્યા છે, એક સમય હતો જ્યારે ત્યાં ઘણી વસ્તી રહેતી હતી. પરંતુ, ધીરે ધીરે અહીં ગામો ખાલી થવા લાગ્યા છે. 

અમે વાત કરી રહ્યા છીએ ઈટાલીની, જે પોતાની સુંદરતા માટે જાણીતું છે. લોકોને અહીં સ્થાયી થવા માટે બોલાવવામાં આવી રહ્યા છે. અહીં સ્થાયી થનાર વ્યક્તિને એક ઘર અને અંદાજે રૂપિયા 93 લાખ આપવામાં આવશે.

મીડિયા રિપોર્ટ્સ અનુસાર, આ ઓફર ઈટાલીના ઉત્તરી પ્રાંત ટ્રેન્ટિનોમાં આપવામાં આવી રહી છે. તે ટ્રેન્ટોના સ્વાયત્ત પ્રાંત તરીકે પણ ઓળખાય છે. અહીં વિરાન પડેલા મકાનોમાં રહેવા આવનાર કોઈપણ વ્યક્તિને 92,69,800 રૂપિયા આપવામાં આવશે. એટલું જ નહીં, ત્યાં જનારા લોકોને ઘરના સમારકામ માટે 74,20,880 રૂપિયા ગ્રાન્ટ તરીકે મળશે અને બાકીના 18,55,220 રૂપિયા ઘર ખરીદવા માટે આપવામાં આવશે.

આ ઓફર ઇટાલિયન નાગરિકો અને વિદેશમાં સ્થાયી થયેલા લોકો માટે છે. એવી પણ શરત છે કે અહીં રહેવા આવનાર વ્યક્તિએ ઓછામાં ઓછા 10 વર્ષ સુધી અહીં રહેવું પડશે. જો તે તે પહેલા જતા રહેશે તો તેણે ગ્રાન્ટ તરીકે આપેલા તમામ પૈસા પરત કરવાના રહેશે.

આ પ્રોજેક્ટમાં લગભગ 33 ગામોનો સમાવેશ થાય છે, જે ખાલી થવાના આરે છે. આ પ્રોજેક્ટ અંગે ટ્રેન્ટોના પ્રમુખ મૌરિઝિયો ફુગાટી કહે છે કે અમારો ધ્યેય સ્થાનિક સમુદાયોને મજબૂત કરવાનો અને પ્રાદેશિક એકતા વધારવાનો છે.