એશિયા કપમાં સૌથી વધુ સિક્સ ફટકારનાર ટોપ-5 ક્રિકેટર, રોહિત શર્મા સામે શાહિદ આફ્રિદી પણ ફિક્કો

એશિયા કપના ઇતિહાસમાં સૌથી વધુ છગ્ગા ફટકારવાનો રેકોર્ડ 'હિટમેન' રોહિત શર્માના નામે નોંધાયેલો છે. તેણે ટૂર્નામેન્ટમાં 37 મેચમાં કુલ 40 છગ્ગા ફટકાર્યા હતા. 'હિટમેન' રોહિતે એશિયા કપના ODI ફોર્મેટમાં 28 અને T20 ફોર્મેટમાં 12 છગ્ગા ફટકાર્યા હતા. રોહિતે ટેસ્ટ અને T20 આંતરરાષ્ટ્રીય ક્રિકેટમાંથી નિવૃત્તિ લઈ લીધી છે.

યાદીમાં બીજા સ્થાને ભૂતપૂર્વ પાકિસ્તાની ઓલરાઉન્ડર શાહિદ આફ્રિદી છે. આફ્રિદીએ એશિયા કપમાં 23 મેચમાં 26 છગ્ગા ફટકાર્યા હતા. તે ટૂર્નામેન્ટમાં ફક્ત ODI ફોર્મેટમાં જ રમ્યો હતો.

શ્રીલંકાના ભૂતપૂર્વ ઓપનર સનથ જયસૂર્યાએ કુલ 23 છગ્ગા ફટકાર્યા હતા. 1990થી 2008 સુધી એશિયા કપમાં તેણે 25 મેચ રમી હતી. આ ટુર્નામેન્ટ 2016માં પહેલી વાર T20 ફોર્મેટમાં યોજાઈ હતી.

ભૂતપૂર્વ ભારતીય બેટ્સમેન સુરેશ રૈના યાદીમાં ચોથા ક્રમે છે. રૈનાએ 2008થી 2012 સુધી એશિયા કપમાં 13 મેચ રમી હતી. આ સમયગાળા દરમિયાન તેણે 18 છગ્ગા ફટકાર્યા હતા.  

અફઘાનિસ્તાનનો ઓલરાઉન્ડર મોહમ્મદ નબી યાદીમાં પાંચમા ક્રમે છે. તેણે ટુર્નામેન્ટમાં 19 મેચમાં 16 છગ્ગા ફટકાર્યા છે. નબીએ ODI ફોર્મેટમાં 13 છગ્ગા અને T20 ફોર્મેટમાં 2 છગ્ગા ફટકાર્યા છે.