કોણ છે ટીમ ઈન્ડિયાના ડ્રેસિંગ રૂમમાં જોવા મળેલી 'મિસ્ટ્રી ગર્લ' ? પંત અને ગિલને ચીયર કરતી જોવા મળી

Team India Mystery Girl : ભારત અને ઇંગ્લેન્ડ વચ્ચે એન્ડરસન-તેંડુલકર ટ્રોફીની પ્રથમ મેચ લીડ્સમાં રમાઈ રહી છે. આ મેચ દરમિયાન જ્યારે ભારતીય ઇનિંગ્સ પહેલા દિવસે સમાપ્ત થઈ, ત્યારે ટીમ ઇન્ડિયાના ડ્રેસિંગ રૂમમાં એક છોકરી જોવા મળી હતી.

રિષભ પંત અને શુભમન ગિલ પેવેલિયનમાં પરત ફરી રહ્યા હતા ત્યારે તે ટીમ ઇન્ડિયાને ચીયર કરતી જોવા મળી હતી. જે બાદ સોશિયલ મીડિયા પર આ 'મિસ્ટ્રી ગર્લ' કોણ છે તે અંગે ચર્ચાઓ ચાલી રહી છે.

જો કે, આ છોકરી કોણ છે તે અંગે કોઈ ઓળખ જાહેર કરવામાં આવી નથી. પરંતુ એવું માનવામાં આવે છે કે તે ટીમ ઇન્ડિયાના સ્ટાફ સાથે સંકળાયેલી હોઈ શકે છે.

ભારતીય ટીમના મહિલા સ્ટાફમાં રાજલ અરોરા સોશિયલ મીડિયા મેનેજર તરીકે સંકળાયેલી છે. ગમે તે હોય, લીડ્સમાં ઇંગ્લેન્ડ અને ભારત વચ્ચેની મેચ રોમાંચક તબક્કામાં છે.

ભારતીય ટીમ પ્રથમ ઇનિંગ્સમાં 471 રન પર ઓલ આઉટ થઈ હતી, જ્યારે ઇંગ્લેન્ડે તેની પ્રથમ ઇનિંગ્સમાં બીજા દિવસના અંતે 209/3 બનાવ્યા હતા. જ્યારે ત્રીજા દિવસની રમત ચાલુ છે.