'PoK છોડવું જ પડશે...', UNમાં ભારતે પાકિસ્તાનને ફરી દેખાડ્યો અરીસો, ખરાબ રીતે ઠપકો આપ્યો!

ભારતે કાશ્મીર મામલામાં ફરી એકવાર પાકિસ્તાન પર આકરા પ્રહારો કર્યા છે. યુએનમાં શાંતિ જાળવવા જેવા મુદ્દાઓ પર ચર્ચા દરમિયાન પાકિસ્તાને ફરી એકવાર જમ્મુ-કાશ્મીરનો મુદ્દો ઉઠાવ્યો હતો. આ પછી ભારતે પાકિસ્તાનને અરીસો દેખાડ્યો અને તેને ખરાબ ઠપકો આપ્યો હતો.

યુએનમાં ભારતના સ્થાયી પ્રતિનિધિ હરીશ પીએ પાકિસ્તાનને કહ્યું કે પાકિસ્તાન આપણા જમ્મુ-કાશ્મીર પર વારંવાર પાયાવિહોણા અને બિનજરૂરી નિવેદનો આપે છે. આવા નિવેદનો ન તો તેમના દાવાઓને સમર્થન આપે છે કે ન તો તેમની આતંકવાદ ફેલાવવાની નીતિ. ભારતીય રાજદૂતે વધુમાં જણાવ્યું હતું કે પાકિસ્તાને જમ્મુ-કાશ્મીરના કેટલાક ભાગો પર ગેરકાયદેસર કબજો જમાવ્યો છે. તેમણે તે વિસ્તાર આજ નહીં તો કાલે ખાલી કરવો પડશે.

ખાલી કરવો તો પડશે...
ભારતે  પાકિસ્તાનને સલાહ આપતાં કહ્યું કે પાકિસ્તાને સમજવું પડશે કે તે જ્યાં બેઠો છે તે વિસ્તાર ખાલી કરવો પડશે. તેમણે પોતાની નાની વિચારસરણી અને દેશને વિભાજીત કરતી નીતિઓ છોડીને શાંતિ તરફ આગળ વધવું જોઈએ. જો પાકિસ્તાન શાંતિ ઈચ્છતું હોય તો તેમણે પહેલા આતંકવાદ અને નફરત ફેલાવવાનું બંધ કરવું પડશે.

યુએન જેવા મંચનો દુરુપયોગ ના કરે....
ભારતીય રાજદૂતે વધુમાં કહ્યું કે તે પાકિસ્તાન સાથે સારા સંબંધો ઈચ્છે છે પરંતુ તેમની જવાબદારી છે કે તે પહેલા આતંકવાદને ખતમ કરે અને શાંતિનું વાતાવરણ બનાવે. જેથી બંને દેશો ફરી વાતચીતના પાટા પર આવી શકે. આ સિવાય ભારતે પાકિસ્તાનને સલાહ આપી કે તે યૂએન જેવા મંચોનો ઉપયોગ નાની-મોટી રાજનીતિ કરવા માટે ના કરે. અહીં અમે શાંતિથી વાત કરીએ છીએ, ન કે જૂના વિવાદોને જન્મ આપવા માંગીએ છીએ.