ଦହି ସହ ଭୁଲରେ ବି ଖାଆନ୍ତୁନି ଏହି ୫ଟି ଜିନିଷ, ଜାଣନ୍ତୁ କାରଣ

ପିଆଜ

ଦହି ଏବଂ ପିଆଜ ଉଭୟକୁ ମିଶାଇ ଖାଇବା ଦ୍ୱାରା ଏସିଡିଟି, ଗ୍ୟାସ, ବାନ୍ତି ଜନିତ ସମସ୍ୟା ଦେଖା ଦେଇପାରେ। ତେଣୁ, ଆପଣ ଏହାକୁ ରାଇତା ଆକାରରେ ଖାଇପାରିବେ।

ଆମ୍ବ

ଦହି ଥଣ୍ଡା ହୋଇଥାଏ କିନ୍ତୁ ଆମ୍ବ ଗରମ ହୋଇଥାଏ । ଉଭୟର ଭିନ୍ନ ଭିନ୍ନ ପ୍ରଭାବ ଆମ ଶରୀର ଉପରେ ଥାଏ। ଉଭୟକୁ ଏକାଠି ଖାଇବା ଦ୍ୱାରା ଶରୀରରେ ଉତ୍ତାପ ବୃଦ୍ଧି ହୋଇପାରେ, ଯାହା ଚର୍ମ ସମସ୍ୟା ଯେପରିକି ଫୋଟକା କିମ୍ବା ପେଟ ସମସ୍ୟା ଇତ୍ୟାଦି ସୃଷ୍ଟି କରିପାରେ।

ଖଟା ଫଳ

କମଳା, ଲେମ୍ବୁ କିମ୍ବା ଅନ୍ୟାନ୍ୟ ଖଟା ଫଳ ଦହି ସହିତ ଖାଇବା ଉଚିତ୍ ନୁହେଁ ବୋଲି ବିବେଚନା କରାଯାଇଥାଏ । ଦହି ଏବଂ ଫଳ ଉଭୟ ଖଟା। ଯେତେବେଳେ ଆପଣ ସେଗୁଡ଼ିକୁ ଏକାଠି ଖାଆନ୍ତି, ସେମାନେ ପେଟରେ ଅଧିକ ଏସିଡ୍ ସୃଷ୍ଟି କରିପାରନ୍ତି । ଯାହା ଫଳରେ ପେଟ ଖରାପ, କୋଷ୍ଠକାଠିନ୍ୟ ଏବଂ ପେଟ ଜଳିବାର କାରଣ ହୋଇପାରେ।

ଭଜା ଖାଦ୍ୟ

ଭଜା ଖାଦ୍ୟ ଯେପରିକି ପକୋଡା, ପରଟା କିମ୍ବା ଯେକୌଣସି ଭଜା ଜିନିଷ ସହ ଦହି ଖାଇବା ଉଚିତ୍ ନୁହେଁ। ଭଜା ଜିନିଷ ଭାରୀ ହୋଇଥାଏ ଏବଂ ଦହି ସହିତ ଖାଇବା ଦ୍ୱାରା ପେଟରେ ଭାରୀତା ଏବଂ ବଦହଜମୀ ହୋଇପାରେ। ଏହା ଆପଣଙ୍କ ପାଚନ ତନ୍ତ୍ରକୁ କ୍ଷତି ପହଞ୍ଚାଇପାରେ।

ମାଛ

ଆୟୁର୍ବେଦ ଅନୁସାରେ, ଦହି ଏବଂ ମାଛ ଏକାଠି ଖାଇବା ଉଚିତ୍ ନୁହେଁ। ଯଦି ଆପଣ ଏହି ଦୁଇଟିକୁ ଏକାଠି ଖାଆନ୍ତି, ସେତେବେଳେ ଏହାକୁ ହଜମ କରିବା କଷ୍ଟକର ହୋଇପାରେ। ଏହା ପେଟ ଯନ୍ତ୍ରଣା ଏବଂ ଗ୍ୟାସ୍ ସମସ୍ୟା ସୃଷ୍ଟି କରିପାରେ।

Disclamer: ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହା ପ୍ରଦାନ କରାଯାଇଛି। ଆପଣଙ୍କ କୌଣସି ଆପତ୍ତି ପାଇଁ ZEE ODISHA NEWS ଦାୟୀ ରହିବ ନାହିଁ ।