Online Ambulance Service: ଅନଲାଇନ୍ ଆମ୍ବୁଲାନ୍ସ ସେବା ଆରମ୍ଭ କରିବେ ରାଜ୍ୟ ସରକାର, ଏହି ଆପ୍ ମାଧ୍ୟମରେ କରିପାରବେ ବୁକିଂ

Online Ambulance Service: ରାଜ୍ୟ ସରକାର ଘୋଷଣା କରିଛନ୍ତି ଯେ ଜରୁରୀକାଳୀନ ସ୍ୱାସ୍ଥ୍ୟସେବା ଉପଲବ୍ଧତାକୁ ଡିଜିଟାଇଲାଜ କରିବା ଦିଗରେ ଏକ ପ୍ରମୁଖ ପଦକ୍ଷେପ ସ୍ୱରୂପ ଆମ୍ବୁଲାନ୍ସ ସେବାକୁ ଖୁବ୍ ଶୀଘ୍ର ଓଡ଼ିଶା ଯାତ୍ରୀ ମୋବାଇଲ୍ ଆପ୍ ସହିତ ସଂଯୁକ୍ତ କରାଯିବ। ଯାହା ଦ୍ୱାରା ଲୋକମାନେ କ୍ୟାବ୍ କିମ୍ବା ଅଟୋ ବୁକ୍ କରିବା ପରି ସରକାରୀ ଏବଂ ବେସରକାରୀ ଆମ୍ବୁଲାନ୍ସ ଅନଲାଇନରେ ବୁକ୍ କରିପାରିବେ।

ରାଜ୍ୟ ପରିବହନ ବିଭାଗ ଦ୍ୱାରା CRUT (କ୍ୟାପିଟାଲ୍ ରିଜିଅନ୍ ଅର୍ବାନ୍ ଟ୍ରାନ୍ସପୋର୍ଟ) ସହଯୋଗରେ ଆରମ୍ଭ କରାଯାଇଥିବା ଏହି ପ୍ରୟାସର ଲକ୍ଷ୍ୟ ହେଉଛି ଜରୁରୀକାଳୀନ ପରିବହନ ସେବାକୁ ସୁବ୍ୟବସ୍ଥିତ କରିବା ଏବଂ ସାରା ରାଜ୍ୟରେ ଦ୍ରୁତ ଚିକିତ୍ସା ପ୍ରତିକ୍ରିୟା ସୁନିଶ୍ଚିତ କରିବା।

ପରିବହନ ମନ୍ତ୍ରୀ ବିଭୂତି ଭୂଷଣ ଜେନା କହିଛନ୍ତି, "ଲୋକମାନେ ଓଡ଼ିଶା ଯାତ୍ରୀ ଆପ୍ ବ୍ୟବହାର କରି ଘରୋଇ ଏବଂ ସରକାରୀ ଉଭୟ ଆମ୍ବୁଲାନ୍ସ ବୁକ୍ କରିପାରିବେ। ମୂଲ୍ୟ ଶୁଳ୍କ ସରକାର ସ୍ଥିର କରିବେ।" 

#OdishaCares

In its bid to build a future-ready, inclusive emergency care system, Odisha to regulate private ambulances—ensuring registration, fair fare SOPs, GPS tracking & integration with Odisha Yatri App.#ViksitOdisha2036@CMO_Odisha @IPR_Odisha @HFWOdisha pic.twitter.com/Bw4eHxkHnQ

— ବାଣିଜ୍ୟ ଓ ପରିବହନ ବିଭାଗ । Commerce & Transport (@CTOdisha) May 17, 2025

ମିଳିବ ଏହି ସବୁ ସୁବିଧା:
ଓଡି଼ଶା ଯାତ୍ରୀ ଆପ୍ ମାଧ୍ୟମରେ ଆମ୍ବୁଲାନ୍ସ ବୁକିଂ ଉପଲବ୍ଧ ହେବ
ବ୍ୟବହାରକାରୀମାନେ ପ୍ରକୃତ ସମୟରେ ନିକଟତମ ଉପଲବ୍ଧ ଆମ୍ବୁଲାନ୍ସକୁ ଦେଖିପାରିବେ, ଚୟନ କରିପାରିବେ ଓ ବୁକ୍ କରିପାରିବେ।
ସରକାର-ନିୟନ୍ତ୍ରିତ ଭଡ଼ା ଘରୋଇ ଆମ୍ବୁଲାନ୍ସ ସେବା ପାଇଁ ପ୍ରଯୁଜ୍ୟ ହେବ।
ପ୍ରାଇଭେଟ ଅପରେଟରମାନଙ୍କ ପାଇଁ ଅନବୋର୍ଡିଂ ପ୍ରକ୍ରିୟା ଖୁବ୍ ଶୀଘ୍ର ଆରମ୍ଭ ହେବ ବୋଲି ଆଶା କରାଯାଉଛି।

ଏହି ସେବା କାର୍ଯ୍ୟକାରୀ ହେବା ପରେ ଜରୁରୀକାଳୀନ ପ୍ରତିକ୍ରିୟାରେ ବିଳମ୍ବ ସମୟକୁ ଯଥେଷ୍ଟ ହ୍ରାସ ହେବ ବୋଲି କୁହାଯାଉଛି। ଡିଜିଟାଲ ଭିତ୍ତିଭୂମିର ଉପଯୋଗ କରି ରାଜ୍ୟ ମେଡିକାଲ ପରିବହନ ଉପଲବ୍ଧତାରେ ଥିବା ବ୍ୟବଧାନକୁ ପୂରଣ କରିବାକୁ ଏବଂ ଜରୁରୀକାଳୀନ ସମୟରେ ଜନସାଧାରଣଙ୍କ ସୁବିଧାକୁ ବୃଦ୍ଧି କରିବାକୁ ଆଶା ରଖିଛନ୍ତି।