ସ୍ବାଧିନତା ଦିବସ ପାଇଁ ଭୁବନେଶ୍ବରରେ ଟ୍ରାଫିକ୍ କଟକଣା ଜାରି,ଜାଣନ୍ତୁ କେଉଁସବୁ ରୁଟ୍ ରହିବ ଆଜିଠୁ ବନ୍ଦ?

ବିଶେଷକରି,ମହାତ୍ମା ଗାନ୍ଧୀ ମାର୍ଗ ଏବଂ ଏହାର  ନିକଟତମ ଅଞ୍ଚଳରେ  ଅଗଷ୍ଟ ୧୨ ତାରିଖ  ଅପରାହ୍ନ ୨ଟାରୁ ସଂନ୍ଧ୍ୟା ୬ଟା ପର୍ଯ୍ୟନ୍ତ , ଅଗଷ୍ଟ ୧୩ ତାରିଖ ସକାଳ ୭ଟାରୁ ୧୧.୩୦ ପର୍ଯ୍ୟନ୍ତ  ଏବଂ ଅଗଷ୍ଟ ୧୩ ତାରିଖ ସକାଳ ୭ଟାରୁ ୧୧.୩୦ ପର୍ଯ୍ୟନ୍ତ ଓ ଅଗଷ୍ଟ ୧୫ ତାରିଖ ସକାଳ ୬ଟାରୁ ପରେଡ କାର୍ଯ୍ୟକ୍ରମ ସମାପ୍ତ ହେବା ପର୍ଯ୍ୟନ୍ତ  ଟ୍ରାଫିକ୍ କଟକଣା ଜାରି ରହିବ।  

ALSO READ: Krishna Janmashtami 2025: ୫୦୦ ବର୍ଷ ପରେ ଜନ୍ମାଷ୍ଟମୀରେ ପଡୁଛି ଦୁର୍ଲଭ ଯୋଗ, ଟଙ୍କା ଗଦିରେ ଶୋଇବେ ଏହିସବୁ ରାଶି!

କେବଳ ସେତିକି ନୁହେଁ, ଅଗଷ୍ଟ ୧୫ ତାରିଖ ସକାଳ ୬ଟା ରୁ ପରେଡ୍ ସମାପ୍ତି ପର୍ଯ୍ୟନ୍ତ ପିଏମ୍-ଜି ସ୍କୋୟାର୍ ଏବଂ ମାଷ୍ଟର କ୍ୟାଣ୍ଟିନ୍ ସ୍କୋୟାର ମଧ୍ୟରେ ଗ୍ୟାସ୍ ବେଲୁନ୍ ବିକ୍ରିୟକୁ ବାରଣ କରାଯାଇଛି।  ଯଦି କୌଣସି ବ୍ୟକ୍ତି ଏହି ନିୟମ ଉଲଘଂନ କରେ । ତେବେ,  ଓଡିଶା ପୋଲିସ୍ ଆଇନ୍ ୨୦୦୩ ର ଧାରା ୯୬ ଅନୁଯାୟୀ ଦଣ୍ତନୀୟ ଅପରାଧ। ଏଥିପାଇଁ ସର୍ବାଧିକ ୫୦୦ ଟଙ୍କା ଜରିମାନା ଓ ୧୦୦୦ ଟଙ୍କା ପର୍ଯ୍ୟନ୍ତ ବୃଦ୍ଧି କରାଯାଇପାରେ ।

କେଉଁ ସବୁ ଅଞ୍ଚଳରେ ଲାଗୁ ହୋଇଛି ଟ୍ରାଫିକ୍ କଟକଣା, ଜାଣନ୍ତୁ:- 1-ପରେଡ୍ ଦିନ ମହାତ୍ମା ଗାନ୍ଧୀ ମାର୍ଗ ଏବଂ ଏହାର ପରିଧିରେ ଟ୍ରାଫିକ ଡାଇଭର୍ସନ ବା କଟକଣା ବଳବତ୍ତର ରହିବ। 2-ମହାତ୍ମା ଗାନ୍ଧୀ ମାର୍ଗକୁ ସ୍ପର୍ଶ କରୁଥିବା ସମସ୍ତ ରାସ୍ତାକୁ ସିଲ୍ କରାଯିବ ଏବଂ କେବଳ ପଦଯାତ୍ରୀମାନଙ୍କୁ ମହାତ୍ମା ଗାନ୍ଧୀ ମାର୍ଗକୁ ଯିବାକୁ ଅନୁମତି ଦିଆଯିବ। 3-୧୨୦ ବାଟାଲିୟନ ଛକ ପାର୍ଶ୍ୱରୁ ଆସୁଥିବା ସମସ୍ତ ପ୍ରକାରର ଯାନବାହନକୁ ଏମଏଲଏ କଲୋନି କ୍ରସିଂରେ ୟୁନିଟ୍-୪ ଆଡକୁ ସ୍ଥାନାନ୍ତର କରାଯିବ। 4-ଏଜି ସ୍କୋୟାର ପାର୍ଶ୍ୱରୁ କୌଣସି ଯାନକୁ ପିଏମଜି ସ୍କୋୟାର ଆଡକୁ ଯିବାକୁ ଅନୁମତି ଦିଆଯିବ ନାହିଁ ଏବଂ ଜୟଦେବ ଭବନ ସ୍କୋୟାରରେ ଇଡକଲ୍ ଅଡିଟୋରିୟମ୍ ପାର୍ଶ୍ୱ ଆଡକୁ ଗତି କରାଯିବ। 5-ରାମ ମନ୍ଦିର ପାର୍ଶ୍ୱ କିମ୍ବା ରାଜମହଲ ପାର୍ଶ୍ୱରୁ ମାଷ୍ଟର କ୍ୟାଣ୍ଟିନ୍ ଛକ ଆଡ଼କୁ ଭାରୀ ଯାନ ଚଳାଚଳ ବନ୍ଦ ରହିବ । 6-ରାଜମହଲ ପାର୍ଶ୍ୱରୁ କେବଳ ମାଷ୍ଟର କ୍ୟାଣ୍ଟିନ୍ ଛକ ଦେଇ ରାମ ମନ୍ଦିର ପାର୍ଶ୍ୱକୁ ଦୁଇ ଚକିଆ ଏବଂ ହାଲୁକା ମୋଟର ଯାନ ଯିବାକୁ ଅନୁମତି ଦିଆଯିବ। 7-ପରେଡ୍ ସମାପ୍ତ ନହେବା ପର୍ଯ୍ୟନ୍ତ ମାଷ୍ଟର କ୍ୟାଣ୍ଟିନ୍ ଛକରୁ ପିଏମଜି ଛକ ଆଡକୁ ଯାନବାହନ ଯିବାକୁ ଅନୁମତି ଦିଆଯିବ ନାହିଁ। 8-ହାଉସିଂ ବୋର୍ଡ ପାର୍ଶ୍ୱରୁ ରବୀନ୍ଦ୍ର ମଣ୍ଡପ ପାର୍ଶ୍ୱକୁ କୌଣସି ଯାନବାହନ ଆସି ପାରିବ ନାହିଁ ଏବଂ କେଶରୀ ଟକିଜ୍ କ୍ରସିଂରେ ଗତି ପରିବର୍ତ୍ତନ କରାଯିବ।

ଏହିସବୁ ସ୍ଥାନରେ ହେବ ପାର୍କିଂ:-

ପରେଡ୍ ଦେଖିବାକୁ ଆସୁଥିବା ଲୋକଙ୍କ ପାଇଁ ପାର୍କିଂର ସୁବିଧା ମଧ୍ୟ ହୋଇଛି। ଜୟଦେବ ଭବନ ସାମ୍ନାରେ ଖୋଲା ସ୍ଥାନ, ୟୁନିଟ୍-୩ ରେ ଏସବିଆଇ ସାମ୍ନାରେ ଖୋଲା ସ୍ଥାନ, ରବୀନ୍ଦ୍ର ମଣ୍ଡପ ଭିତରେ ଖୋଲା ସ୍ଥାନ,ରେଳ ଷ୍ଟେସନ ନିକଟରେ ବିଡିଏ ବସ୍ ଷ୍ଟାଣ୍ଡ, କଂଗ୍ରେସ ଭବନ ସାମ୍ନାରେ ଖୋଲା ସ୍ଥାନ,ଇଡକଲ ଅଡିଟୋରିୟମ ସାମ୍ନାରେ ଖୋଲା ସ୍ଥାନ ଓ ୟୁନିଟ୍-୨ ବାଳିକା ଉଚ୍ଚ ବିଦ୍ୟାଳୟ ପଡିଆରେ ପାର୍କିଂର ବ୍ୟବସ୍ଥା ହୋଇଛି।