New Tatkal Ticket Rules 2025: ୧ ଜୁଲାଇରୁ ଟିକେଟ ବୁକ୍ କରିପାରିବେ ନାହିଁ ଏହି ସବୁ ଲୋକ, ନିୟମରେ ବଡ଼ ପରିବର୍ତ୍ତନ କଲା ରେଳବାଇ

ସରକାରୀ ବିଜ୍ଞପ୍ତିରେ କୁହାଯାଇଛି ଯେ '୦୧-୦୭-୨୦୨୫ ରୁ ତତ୍କାଳ ସ୍କିମ୍ ଅଧୀନରେ ଟିକେଟ୍ କେବଳ ଆଧାର ଭେରିଫିକେସନ ହୋଇଥିବା ବ୍ୟବହାରକାରୀଙ୍କ ଦ୍ୱାରା ଭାରତୀୟ ରେଳବାଇ କ୍ୟାଟରିଂ ଏବଂ ପର୍ଯ୍ୟଟନ ନିଗମ (IRCTC) ର ୱେବସାଇଟ୍ / ଆପ୍ ମାଧ୍ୟମରେ ବୁକ୍ କରାଯିବ।'

ଏହା ସହିତ ମନ୍ତ୍ରଣାଳୟ ସର୍ତ୍ତ ରଖିଛି ଯେ ୧୫ ଜୁଲାଇ ୨୦୨୫ ରୁ ଯାତ୍ରୀମାନଙ୍କୁ ତତ୍କାଳ ବୁକିଂ ପାଇଁ ଆଧାର-ଆଧାରିତ OTP ପ୍ରମାଣୀକରଣର ଏକ ଅତିରିକ୍ତ ଷ୍ଟେପ୍ ଦେଇ ଗତି କରିବାକୁ ପଡିବ।

୧ ଜୁଲାଇ ୨୦୨୫ ଠାରୁ ଭାରତୀୟ ରେଳବାଇର ତତ୍କାଳ ସ୍କିମ୍ ଅଧୀନରେ ଟ୍ରେନ୍ ଟିକେଟ୍ କେବଳ IRCTC ୱେବସାଇଟ୍ କିମ୍ବା ମୋବାଇଲ୍ ଆପ୍ ମାଧ୍ୟମରେ ବୁକ୍ କରାଯିବ ଏବଂ କେବଳ ଆଧାର ଭେରିଫିକସନ୍ ପୂରା କରିଥିବା ଉପଭୋକ୍ତାଙ୍କ ପାଇଁ ଉପଲବ୍ଧ ହେବ।

ଏହା ସହିତ ୧୫ ଜୁଲାଇ  ୨୦୨୫ ଠାରୁ ମନ୍ତ୍ରଣାଳୟ ତତ୍କାଳ ବୁକିଂ ସମୟରେ ଏକ ଅତିରିକ୍ତ ଆଧାର-ସଂଯୁକ୍ତ OTP ଯାଞ୍ଚ ପ୍ରକ୍ରିୟାକୁ ବାଧ୍ୟତାମୂଳକ କରିଛି।

ନିର୍ଦ୍ଦେଶନାମାରେ ଭାରତୀୟ ରେଳବାଇର ଅଧିକୃତ ଟିକେଟ୍ ଏଜେଣ୍ଟମାନଙ୍କ ପାଇଁ ତତ୍କାଳ ବୁକିଂ ଉପରେ ପ୍ରତିବନ୍ଧକ ମଧ୍ୟ ଉଲ୍ଲେଖ କରାଯାଇଛି।

ଏହି ଏଜେଣ୍ଟମାନେ ପ୍ରଥମ ଦିନରେ ତତ୍କାଳ ଟିକେଟ୍ ବୁକିଂର ପ୍ରଥମ ୩୦ ମିନିଟ୍ ମଧ୍ୟରେ ବୁକିଂ କରିପାରିବେ ନାହିଁ। ଏହି ପ୍ରତିବନ୍ଧକ ସକାଳ ୧୦.୦୦ ରୁ ସକାଳ ୧୦.୩୦ ପର୍ଯ୍ୟନ୍ତ ଏୟାର କଣ୍ଡିସନିଂ ଶ୍ରେଣୀ ପାଇଁ ଏବଂ ସକାଳ ୧୧.୦୦ ରୁ ସକାଳ ୧୧.୩୦ ପର୍ଯ୍ୟନ୍ତ ନନ୍-ଏୟାର କଣ୍ଡିସନିଂ ଶ୍ରେଣୀ ପାଇଁ ଲାଗୁ ହେବ।

ସେଣ୍ଟର ଫର ରେଳବାଇ ଇନଫର୍ମେସନ୍ ସିଷ୍ଟମ୍ (CRIS) ଏବଂ IRCTCକୁ ସିଷ୍ଟମରେ ଆବଶ୍ୟକୀୟ ପରିବର୍ତ୍ତନ କରିବାକୁ ଏବଂ ସମସ୍ତ ଜୋନାଲ ରେଳ ବିଭାଗକୁ ଏହି ଅପଡେଟ୍ ପ୍ରସାରିତ କରିବାକୁ ମନ୍ତ୍ରଣାଳୟ ପକ୍ଷରୁ ନିର୍ଦ୍ଦେଶ ଦିଆଯାଇଛି।