Odisha Weather Updates: ଭୁବନେଶ୍ୱର: ଶ୍ରାବଣ ମାସରେ ବର୍ଷା ବଦଳରେ ଗୁଳୁଗୁଳୁରେ ହନ୍ତସନ୍ତ ହେଉଛନ୍ତି ରାଜ୍ୟବାସୀ।ବର୍ଷା ପ୍ରକୋପ ବି କମିଯାଇଛି । ତେବେ ଆଗାମୀ ୧୩ ତାରିଖ ବେଳକୁ ଆଉ ଏକ ଲଘୁଚାପ ସୃଷ୍ଟି ହେବାକୁ ଯାଉଛି। ଓଡ଼ିଶା ଉପକୂଳରେ ଦାନା ବାନ୍ଧିବା ସମ୍ଭାବନା ଅଛି । ଏହା ପ୍ରଭାବରେ ରାଜ୍ୟରେ ଭଲ ବର୍ଷା ହେବ । ୨୦ ତାରିଖ ବେଳକୁ ପୁଣି ଏକ ଘୂର୍ଣ୍ଣିବଳୟ କିମ୍ବା ଲଘୁଚାପ ସୃଷ୍ଟି ହୋଇପାରେ ।
)
ରାଜ୍ୟରେ ଗୁରୁବାର ପାରଳାଖେମୁଣ୍ଡି ତାପମାତ୍ରା ୩୭ ଡିଗ୍ରୀ, ବୌଦ୍ଧ ୩୬.୮, ଟିଟିଲାଗଡ଼ ୩୬.୫, ପୁରୀ ୩୫.୩, ସମ୍ବଲପୁର ୩୫.୨, ଛତ୍ରପୁର ୩୫, ଭବାନୀପାଟଣା ୩୪.୮, ଭୁବନେଶ୍ୱର ୩୪.୪, ଗୋପାଳପୁର ୩୪.୪, ହୀରାକୁଦ ୩୪.୧ ଡିଗ୍ରୀ ସେଲସିୟସ୍ ଥିଲା ।
)
ଅଧିକାଂଶ ସ୍ଥାନରେ ପାରଦ ୩୩ ଡିଗ୍ରୀ ପାର୍ କରିଥିଲା । ଆର୍ଦ୍ରତା ପରିମାଣ ସକାଳେ ୮୦-୯୦% ଥିବାବେଳେ ଅପରାହ୍ନରେ ୭୦-୯୦% ଭିତରେ ରହୁଛି । ଟିଟିଲାଗଡ଼ରେ ସ୍ୱାଭାବିକଠାରୁ ସାଢ଼େ ୫ ଡିଗ୍ରୀ ତାତି ଅଧିକ ଥିବା ବେଳେ ଉପକୂଳ ଓଡ଼ିଶାର ପୁରୀରେ ୩.୮ ଡିଗ୍ରୀ ଅଧିକ ଥିଲା ।
)
ଗୁରୁବାର ସନ୍ଧ୍ୟା ସୁଦ୍ଧା ଅନୁଗୁଳ, ଛତ୍ରପୁର, ବଲାଙ୍ଗିର, ଖୋର୍ଦ୍ଧା, ହୀରାକୁଦ, ଟିଟିଲାଗଡ଼ ସମେତ ବିଭିନ୍ନ ସ୍ଥାନରେ ହାଲୁକାରୁ ମଧ୍ୟମ ବର୍ଷା ହୋଇଥିଲା ।
)
ପାଣିପାଗ ବିଶେଷଜ୍ଞ କହିଛନ୍ତି, ମୌସୁମୀ ବର୍ତ୍ତମାନ ଦୁର୍ବଳ ଅଛି । ଅନେକ ସ୍ଥାନରେ ସପ୍ତାହେରୁ ଅଧିକ ସମୟ ହେବ ବର୍ଷା ହୋଇନାହିଁ ।
)
ପାଣିପାଗ ବିଭାଗର ବିସ୍ତାରିତ ପୂର୍ବାନୁମାନ ଅନୁସାରେ, ୧୩ ତାରିଖ ବେଳକୁ ଉତ୍ତର-ପଶ୍ଚିମ ବଙ୍ଗୋପସାଗରର ଓଡ଼ିଶା ଉପକୂଳରେ ଏକ ଲଘୁଚାପ ସୃଷ୍ଟି ହେବା ସମ୍ଭାବନା ଅଛି ।
)
ସେହିପରି ପରବର୍ତ୍ତୀ ସପ୍ତାହରେ (୨୦-୨୧ ତାରିଖ ବେଳକୁ) ଆଉ ଏକ ଘୂର୍ଣ୍ଣିବଳୟ କିମ୍ବା ଲଘୁଚାପ ଉତ୍ତର ପଶ୍ଚିମ ବଙ୍ଗୋପସାଗରର ଓଡ଼ିଶା-ପଶ୍ଚିମବଙ୍ଗ ଉପକୂଳରେ ଦାନା ବାନ୍ଧିପାରେ । ଏମିତି ହେଲେ ରାଜ୍ୟରେ ବର୍ଷା ବଢ଼ିବ ।
)
ରାଜ୍ୟରେ ଗତ ଦେଢ଼ ସପ୍ତାହ ହେବ ବର୍ଷା କମ୍ ରହିଛି । ଜୁନ୍ ପହିଲାରୁ ଏବେ ସୁଦ୍ଧା ରାଜ୍ୟରେ ହାରାହାରି ୬୩୪ ମିଲିମିଟର ବର୍ଷା ହୋଇଛି।
)
ମାତ୍ର ୯ଟି ଜିଲ୍ଲାରେ ବର୍ଷା ନିଅଣ୍ଟିଆ ରହିଛି । ପୁରୀରେ ସର୍ବାଧିକ ୪୩% ବର୍ଷା କମ୍ ଥିବା ବେଳେ ଗଜପତିରେ ୩୯%, ରାୟଗଡ଼ାରେ ୩୨%, ଗଞ୍ଜାମରେ ୩୧%, କଳାହାଣ୍ଡିରେ ୩୧%, ଖୋର୍ଦ୍ଧାରେ ୨୬%, ନୂଆପଡ଼ାରେ ୨୧%, ବଲାଙ୍ଗିରରେ ୨୩%. ନବରଙ୍ଗପୁରରେ ୨୩% ବର୍ଷା କମ୍ ହୋଇଛି ।
)
ସୁନ୍ଦରଗଡ଼, ଦେବଗଡ଼, କେନ୍ଦୁଝର, ମୟୂରଭଞ୍ଜ, ବୌଦ୍ଧରେ ବର୍ଷା ଅଧିକ ଥିବା ବେଳେ ୧୬ ଜିଲ୍ଲାରେ ବର୍ଷା ସ୍ୱାଭାବିକ ଅଛି।
ट्रेन्डिंग फोटोज़
8)
13)
5)
13)
)
