Bathinda News: ਜਦੋਂ ਪੀਆਰਟੀਸੀ ਦੀ ਬੱਸ ਵਿੱਚ ਵੜਿਆ ਸੱਪ; ਮਚੀ ਭਾਜੜ

Bathinda News:ਅੱਜ ਬਠਿੰਡਾ ਦੇ ਬੱਸ ਸਟੈਂਡ ਉੱਪਰ ਉਦੋਂ ਹਫੜਾ ਦਫੜੀ ਮੱਚ ਗਈ ਜਦੋਂ ਇੱਕ ਬਠਿੰਡਾ ਤੋਂ ਲੁਧਿਆਣਾ ਜਾਣ ਲਈ ਪੀਆਰਟੀਸੀ ਬਠਿੰਡਾ ਡਿਪੂ ਦੀ ਬੱਸ ਵਿੱਚ ਸੱਪ ਵੜ ਗਿਆ ਜੋ ਕਿ ਤਿੰਨ ਤੋਂ ਚਾਰ ਫੁੱਟ ਦਾ ਦੱਸਿਆ ਜਾ ਰਿਹਾ ਹੈ। ਇਸ ਬੱਸ ਨੇ ਬਠਿੰਡਾ ਤੋਂ ਲੁਧਿਆਣਾ ਜਾਣਾ ਸੀ ਪਰ ਅਜੇ ਬੱਸ ਕਾਊਂਟਰ ਉਤੇ ਨਹੀਂ ਲੱਗੀ ਸੀ। ਖਾਲੀ ਬੱਸ ਹੋਣ ਕਾਰਨ ਕੋਈ ਜਾਨੀ ਮਾਲੀ ਨੁਕਸਾਨ ਤੋਂ ਬਚਾਅ ਹੋ ਗਿਆ। ਡਰਾਈਵਰ ਨੂੰ ਜਦ ਪਤਾ ਲੱਗਿਆ ਕਿ ਬੋਨਟ ਦੇ ਉੱਪਰ ਤਿੰਨ ਚਾਰ ਫੁੱਟ ਦਾ ਸੱਪ ਫਿਰ ਰਿਹਾ ਸੀ ਤਾਂ ਉਸ ਨੇ ਤੁਰੰਤ ਆਪਣੇ ਸਾਥੀਆਂ ਨੂੰ ਦੱਸਿਆ ਜਿਸ ਤੋਂ ਬਾਅਦ ਵੱਡੀ ਗਿਣਤੀ ਵਿੱਚ ਲੋਕ ਸੱਪ ਨੂੰ ਲੱਭਣ ਲੱਗੇ ਪਰ ਲੁੱਕ ਗਿਆ। ਹੁਣ ਕਿਸੇ ਸੱਪ ਫੜਨ ਵਾਲੇ ਮਾਹਿਰ ਨੂੰ ਬੁਲਾਇਆ ਜਾ ਰਿਹਾ ਹੈ।