પેની સ્ટોક બન્યો મલ્ટીબેગર, 12000% ની આવી તેજી, 2 વર્ષમાં 1 લાખના બનાવી દીધા 1.29 કરોડ

Stock Market News: એક સમયે પેની સ્ટોક રહેલો આયુષ વેલનેસનો શેર હવે પોતાના લાઇફ-ટાઇમ હાઈ પર પહોંચી ગયો છે. આયુષ વેલનેસનો શેર સોમવારે BSEમાં 2 ટકાની તેજી સાથે 223.90 રૂપિયા પર પહોંચ્યો છે. પેકેઝ્ડ ફૂડ્સ ઈન્ડસ્ટ્રી સાથે જોડાયેલી આ મલ્ટીબેગર કંપનીના શેરમાં બે વર્ષમાં 12842 ટકાનો જોરદાર વધારો થયો છે. આયુષ વેલનેસના સ્ટોકે બે વર્ષમાં 1 લાખ રૂપિયાના રોકાણને 1 કરોડથી વધુ બનાવી દીધુ છે. આયુષ વેલનેસના શેરનું 52 સપ્તાહનું લો લેવલ 16.80 રૂપિયા છે.

1 લાખ રૂપિયાના બનાવી દીધા 1.29 કરોડ રૂપિયા
આયુષ વેલનેસ (Aayush Wellness) ના શેર 7 જુલાઈ 2023ના 1.73 રૂપિયા પર હતા. કંપનીના શેર 7 જુલાઈ 2025ના 223.90 રૂપિયા પર બંધ થયા છે. આયુષ વેલનેસે બે વર્ષમાં 12842 ટકાનું જોરદાર રિટર્ન આપ્યું છે. જો કોઈ વ્યક્તિએ 7 જુલાઈ 2023ના આયુષ વેલનેસના શેરમાં 1 લાખ રૂપિયા લગાવ્યા હોત અને પોતાનું રોકાણ બનાવી રાખ્યું હોત તો 1 લાખ રૂપિયાથી ખરીદવામાં આવેલા કંપનીના શેરની વેલ્યુ આજે 1.29 કરોડ રૂપિયા હોત. આયુષ વેલનેસ લિમિટેડનું માર્કેટ કેપ 7 જુલાઈ 2025ના 1090 કરોડ રૂપિયા નજીક પહોંચી ગયું છે.

1 વર્ષમાં 1109 ટકાનો ઉછાળો
આયુષ વેલનેસના શેરમાં છેલ્લા એક વર્ષમાં 1109 ટકાનો ઉછાળો આવ્યો છે. કંપનીના શેર આ દરમિયાન 18.51 રૂપિયાથી વધી 223.90 રૂપિયા પર પહોંચી ગયા છે. છેલ્લા 5 મહિનામાં આયુષ વેલનેસના શેરમાં 300 ટકાની તેજી જોવા મળી છે. તો છેલ્લા એક મહિનામાં કંપનીના શેરમાં 48 ટકાથી વધુની તેજી જોવા મળી છે.

આ પણ વાંચોઃ LIC New Plan: ₹5 લાખ સમ એશ્યોર્ડ અને દર વર્ષે 9.50% સુધી રિટર્ન!

બોનસ શેર અને શેરનું વિભાજન પણ
આયુષ વેલનેસ લિમિટેડે ડિસેમ્બર 2024મા બોનસ શેરની ભેટ આપી છે. મલ્ટીબેગર કંપનીએ 1:2 ના રેશિયોમાં બોનસ શેર આપ્યા હતા. એટલે કે કંપનીએ દરેક 2 શેર પર એક બોનસ શેર આપ્યો હતો. કંપનીએ ઓગસ્ટ 2024મા શેરને સ્પ્લિટ કર્યા હતા. કંપનીએ પોતાના શેરને 10 ટુકડામાં વિભાજીત કર્યો હતો. કંપનીએ 10 રૂપિયાની ફેસ વેલ્યુ ઘટાડી 1 રૂપિયા કરી દીધી હતી.

(ડિસ્ક્લેમરઃ અહીં માત્ર શેરના પરફોર્મંસની જાણકારી આપવામાં આવી છે. આ રોકાણની સલાહ નથી. શેરબજારમાં રોકાણ જોખમો અધીન હોય છે. રોકાણ કરતા પહેલા તમારા નાણાકીય એડવાઇઝરની સલાહ લો)