Blocked Nose: બંધ નાકથી પરેશાન છો? ફોલો કરો ડોક્ટરે જણાવેલી આ 5 સરળ ટીપ્સ, 5 મિનિટમાં નાક ખુલી જશે

Blocked Nose Home Remedies: ચોમાસામાં વાતાવરણમાં ઠંડક તો પ્રસરી જાય છે પરંતુ ભેજવાળા વાતાવરણના કારણે વાયરલ સંક્રમણ ઝડપથી ફેલાય છે. આજ કારણ છે કે ચોમાસામાં શરદી, ઉધરસના કેસ વધી જતા હોય છે. શરદી હદ કરતા વધી જાય તો નાક બંધ થઈ જાય છે. નાક બંધ હોવાથી શ્વાસ લેવામાં સમસ્યા થાય છે, માથું દુખે છે અને ઊંઘ પણ સારી રીતે આવતી નથી. સૌથી વધારે તકલીફ ત્યારે પડે છે જ્યારે રાત્રે સૂવાની સાથે જ નાક બંધ થઈ જાય 

આ પણ વાંચો: Cardiac Arrest: કાર્ડિયાક અરેસ્ટના 5 સૌથી મોટા રિસ્ક ફેક્ટર્સ વિશે જાણો

વરસાદી વાતાવરણમાં નાક બંધ થઈ જાય તો આ સમસ્યાને દૂર કેવી રીતે કરવી તે અંગે ડોક્ટરો કેટલીક સલાહ આપે છે. ડોક્ટરના જણાવ્યા અનુસાર ચોમાસામાં વાતાવરણમાં ભેજ અને ઠંડકના કારણે વાયરલ ઇન્ફેક્શન અને એલર્જી વધી જતી હોય છે.. જેના કારણે નાકની અંદર સોજો આવી જતો હોય છે અને કફ જમા થઈ જાય છે. આ કારણથી નાક બંધ થઈ જાય છે. પરંતુ તેનાથી ગભરાવાની જરૂર નથી. કેટલાક ઘરેલુ ઉપાયની મદદથી તમે મિનિટોમાં બંધનાખથી મુક્તિ મેળવી શકો છો. 

બંધ નાક ખોલવાના ઉપાય 

આ પણ વાંચો: પગમાં સોજા સહિત આ 5 ફેરફાર દેખાય તો ડોક્ટર પાસે જવું, ગંભીર બીમારીનું લક્ષણ હોય શકે

સ્ટીમ લેવી 

એક વાસણમાં ગરમ પાણી કરો અને તેમાં બામ કે નીલગીરી ઓઈલના થોડા ટીપા ઉમેરી દો. ત્યાર પછી ટુવાલ વડે માથું ઢાંકીને સ્ટીમ લ્યો. સ્ટીમ લેવાથી નાકમાં જામેલો મ્યુકસ ઢીલો પડી જશે અને નાક ખુલી જશે. 

નેઝલ સ્પ્રે 

સેલાઈન વોટરથી નાક ધોવાથી નાકમાં જામેલો મ્યુકસ ઓગળી જાય છે અને નાક ખુલી શકે છે તેના માટે નેઝલ સ્પ્રેનો ઉપયોગ પણ ડોક્ટરની સલાહ લીધા પછી કરી શકાય છે. 

આ પણ વાંચો: હાડકાનું કેન્સર થાય ત્યારે જોવા મળે છે આ લક્ષણો, 90 ટકા લોકો સામાન્ય સમજી ઈગ્નોર કરે

હાઇડ્રેશન 

જો તમારું નાક વારંવાર બંધ થઈ જતું હોય તો દિવસ દરમિયાન હુંફાળું પાણી અથવા તો ગરમ પીણા પીવાનું રાખો.. ગરમ પેય પદાર્થ શરીરમાં જશે તો શરીર હાઇડ્રેટ થશે અને પાતળો થઈને શરીરમાંથી નીકળવા લાગશે. 

હર્બલ ચા 

કફના કારણે નાક બંધ થઈ ગયું હોય તો તુલસી, આદુ, કાળા મરી પાણીમાં ઉકાળી ચા બનાવો અને આ ચામાં થોડું મધ ઉમેરીને પીવાનું રાખો. તેનાથી ઇમ્યુનિટી બુસ્ટ થશે અને કફ પણ મટી જશે. દિવસમાં બે વખત આ ચા પીવી લાભદાયક સાબિત થઈ શકે છે. 

આ પણ વાંચો: કોલેસ્ટ્રોલ વધી ગયું હોય તો આ 3 વસ્તુ અજમાવો, નસોમાં જામેલું બ્લોકેજ ઝડપથી સાફ થશે

માથું ઊંચુ રાખી સુવું 

રાત્રે સુતી વખતે નાક બંધ ન થઈ જાય તે માટે માથું ઊંચું રાખીને સૂવાનું રાખો. એટલે કે શરીર કરતાં માથું થોડું ઊંચું રહે તે રીતે તકિયા ગોઠવીને સુવાથી નાકમાં મ્યુકસ નહીં જામે અને શ્વાસ લેવામાં સરળતા રહેશે. 

આ પણ વાંચો: લીવર સડવા લાગે ત્યારે રાત્રે દેખાય છે આ લક્ષણ, આ લક્ષણ દેખાય તો ન કરતા ઈગ્નોર

આ ટીપ્સ ફોલો કર્યા પછી પણ 5 દિવસથી વધારે સમય સુધી નાક બંધ રહે અને શરદી, ઉધરસની સાથે ગળામાં દુખાવો, તાવ જેવી તકલીફ રહેતી હોય તુરંત જ ડોક્ટરનો સંપર્ક કરવો.

(Disclaimer: અહીં આપેલી માહિતી સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)