Gold Rate Today: સોનાના ભાવમાં મોટો ઘટાડો, ચાંદી પણ ફિક્કી પડી, લેવાનું વિચારતા હોવ તો ફટાફટ રેટ ચેક કરો

ઈન્ડિયા બુલિયન જ્વેલર્સ એસોસિએશનના જણાવ્યાં મુજબ 24 કેરેટ 10  ગ્રામ સોનાના ભાવમાં 837 રૂપિયાનો કડાકો જોવા મળ્યો છે અને ભાવ 96135 રૂપિયા પર પહોચ્યો છે જે કાલે સાંજે 96972 રૂપિયા પર ક્લોઝ થયો હતો. જ્યારે ચાંદીમાં 137 રૂપિયાનો ઘટાડો જોવા મળ્યો છે અને ભાવ 107363 રૂપિયા પર પહોંચ્યો છે જે કાલે 107500 રૂપિયા પ્રતિ કિલોગ્રામ પર ક્લોઝ થયો હતો. 

અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)