10,44,81,56,24,400 કરોડની સંપત્તિ અને 52 દેશોમાં બિઝનેસ, જાણો કોણ છે આજની હાઈટેક યુગની દેશની 'રાણી'

Who is Roshni Nadar: વાત રાજા મહારાજાઓની હોયા કે મુઘલ કાળની રાણીઓ અને બેગમોની...ભારત પાસે જબરદસ્ત સમૃદ્ધ ઇતિહાસ છે. ઈતિહાસમાં રાણીઓએ માત્ર સત્તા જ સંભાળી નથી, પરંતુ અબજો રૂપિયાની સંપત્તિની માલિક પણ રહી છે. આલીશાન મહેલોથી લઈને કરોડોની સંપત્તિના માલિક, રાણીઓ માત્ર ઈતિહાસની વાત નથી, પરંતુ આજે પણ દેશમાં એવી મહિલાઓ છે જે સંપત્તિ અને પ્રસિદ્ધિમાં કોઈથી ઓછી ઉતરતી નથી.

આજે આપણે જેની વાત કરી રહ્યા છીએ તે કોઈ સામ્રાજ્ય કે કોઈ વિરાસતની નથી પરંતુ હાઈટેક યુગની રાણી છે. આ 'રાણી' 3 લાખ કરોડ રૂપિયાની કંપનીનું નેતૃત્વ કરી રહી છે. રોશની નાદર..એક સફળ બિઝનેસવુમન અને રોલ મોડલ છે અને દેશની સૌથી ધનિક મહિલાઓમાંની એક જે 52 દેશોમાં ફેલાયેલી આ કંપની સંભાળે છે અને કરોડોની સંપત્તિની માલિક છે.

HCLના સ્થાપક શિવ નાદર ( Shiv Nadar)ની પુત્રી રોશનીએ દિલ્હીની વસંત વેલી સ્કૂલમાં અભ્યાસ કર્યો છે. વધુ અભ્યાસ માટે તે અમેરિકા ગઈ. કોમ્યુનિકેશન સ્ટડીઝ, રેડિયો, ફિલ્મ અને ટીવીનો અભ્યાસ કરીને પરત ફરેલી રોશનીએ પ્રોડ્યુસર તરીકે કામ કર્યું. તેણે CNN, CNBC જેવી ચેનલોમાં પણ કામ કર્યું.

શિવ નાદરની એકમાત્ર પુત્રી રોશની માત્ર 27 વર્ષની વયે HCL કોર્પોરેશનની એક્ઝિક્યુટિવ અને CEO બની હતી. રોશની, જેણે નાની ઉંમરે ખૂબ જ ઊંચાઈ હાંસલ કરી છે, તે ફોર્બ્સની 100 સૌથી શક્તિશાળી મહિલાઓની યાદીમાં પણ સામેલ થઈ ગઈ છે. તેના પિતા શિવ નાદરના પગલે ચાલીને રોશની પોતાની કુશળતા સાબિત કરીને કંપનીના વિકાસમાં મોટી ભૂમિકા ભજવી રહી છે.

શિવ નાદરે વર્ષ 1976માં HCL ટેક્નોલોજીની સ્થાપના કરી હતી. રોશની નાની ઉંમરે પિતાની કંપનીમાં જોડાઈ, પિતાની દેખરેખમાં કામ શીખી અને 27 વર્ષની ઉંમરે સીઈઓ બની.  

ફોર્બ્સની ધનિક મહિલાઓની યાદીમાં તે 54મા નંબરે હતી. વર્ષ 2019માં દેશની સૌથી અમીર મહિલા બની. HCL ઉપરાંત શિવ નાદર ફાઉન્ડેશનની જવાબદારી પણ તેમના ખભા પર છે.

ફોર્બ્સની બિલિયોનેર્સ લિસ્ટ અનુસાર રોશની નાદર 10,44,81,56,24,400 કરોડ રૂપિયાની માલિક છે. વર્ષ 2009માં રોશનીએ શિખર મલ્હોત્રા સાથે લગ્ન કર્યા હતા. તેમના પતિ HCL હેલ્થના વાઇસ ચેરપર્સન છે.