Tulsi Dudh: તુલસીના પાન ઉકાળેલું 1 કપ દૂધ રોજ પીવાથી 5 સ્વાસ્થ્ય સમસ્યામાં થશે ફાયદો

તુલસીવાળુ દૂધ પીવાથી રોગપ્રતિકારક શક્તિ સ્ટ્રોંગ થાય છે. રોજ તુલસી દૂધ પીવાથી બીમારીથી બચાવ થશે. જેને વારંવાર ઉધરસ, શરદી થઈ જતા હોય તેમણે રોજ 1 કપ આ દૂધ પીવું જોઈએ.   

માઈગ્રેનના દર્દી અને જેમને માથાનો દુખાવો રહેતો હોય તેઓ પણ તુલસીવાળુ દૂધ પી શકે છે. આ દૂધ પીવાથી મન શાંત થાય છે. નિયમિત આ દૂધ પીવાથી માઈગ્રેનની સમસ્યા ઘણી હદે કંટ્રોલમાં આવી શકે છે. 

મેન્ટલ સ્ટ્રેસ, ચિંતા, ડિપ્રેશનની સમસ્યા ખૂબ સામાન્ય છે. તુલસી અને દૂધનું કોમ્બિનેશન માનસિક શાંતિ આપવાનું કામ કરે છે. દૂધમાં તુલસી ઉકાળીને પીવાથી નર્વસ સિસ્ટમ રિલેક્સ થાય છે.   

દમ, અસ્થમા જેવી શ્વાસ સંબંધિત સમસ્યામાં તુલસી અને દૂધ ફાયદાકારક છે. તુલસી લંગ્સ સાફ કરે છે અને કફ હટાવવાનું કામ કરે છે. તુલસીના પાનને દૂધમાં ઉકાળીને પીવાથી શ્વાસ સંબંધિત તકલીફમાં રાહત મળે છે.   

તુલસી એન્ટી ઓક્સીડન્ટ ગુણથી ભરપુર હોય છે. દૂધમાં પ્રોટીન અને કેલ્શિયમ હોય છે. આ બંને વસ્તુને સાથે લેવાથી ત્વચા અને વાળને જરૂરી પોષણ મળે છે. જેના કારણે સ્કિન અને વાળ પર નેચરલ ગ્લો આવે છે.