ગુજરાતમાં ફરી એકવાર મેઘરાજા કરશે ધમાકેદાર એન્ટ્રી! આ જિલ્લામાં ભારેથી અતિભારે વરસાદનું એલર્ટ

હવામાન વિભાગ દ્વારા આગામી 24 કલાકમાં વરસાદનું ઓરેન્જ એલર્ટ આપવામાં આવ્યું છે. દક્ષિણ ગુજરાતના નવસારી, વલસાડ, દમણ અને દાદરા નગર હવેલીમાં વરસાદનું ઓરેન્જ એલર્ટ જાહેર કરાયું છે. જ્યારે ભરૂચ, સુરત, તાપી અને નર્મદામાં વરસાદનું યલો એલર્ટ જાહેર કરાયું છે. અમદાવાદમાં હળવા વરસાદની શક્યતાઓ છે. માછીમારોને 12થી 14 ઓગસ્ટ સુધી દરિયો ન ખેડવા સૂચના અપાઈ છે. રાજ્યમાં 14 ઓગસ્ટથી ભારેથી અતિભારે વરસાદ આગાહી વ્યક્ત કરવામાં આવી છે.

ઓગસ્ટના પ્રારંભથી ગુજરાતમાં ભારે વરસાદનું જોર ઘટી ગયું છે, આવામાં ફરી વરસાદ ક્યારે આવશે તે વિશે હવામાન નિષ્ણાત અંબાલાલ પટેલે આગાહી કરી છે કે, વરસાદે વિરામ લીધા બાદ 15 ઓગસ્ટ પછી વરસાદી સિસ્ટમ સક્રિય થશે. અરબ સાગરમાં સાઈક્લોનિક સર્ક્યુલેશન થવાની શક્યતા છે, બંગાળના ઉપસાગરમાં 17 ઓગસ્ટથી મજબૂત સિસ્ટમ બનશે.   

અરબ સાગરની સિસ્ટમના કારણે 19થી 22 ઓગસ્ટ દરમિયાન દક્ષિણ સૌરાષ્ટ્રના ભાગોમાં ભારેથી અતિભારે વરસાદ થવાની શક્યતા છે. 17 ઓગસ્ટે બનનારી સિસ્ટમ લગભગ 19 અને 20 તારીખે મધ્ય પ્રદેશ થઈને ગુજરાતના ભાગોમાં આવશે. આ કારણે ગુજરાતના અનેક જિલ્લાઓમાં ભારેથી અતિભારે વરસાદ થવાની શક્યતા છે. 

ઓગસ્ટના વરસાદના બીજા રાઉન્ડમાં પૂર જેવો વરસાદ આવે તેવી શક્યતા છે. આગાહી મુજબ, સરદાર સરોવર ડેમની જળ સપાટી વધી શકે છે. આ વરસાદના કારણે કેટલીક નદીઓમાં પૂરની સ્થિતિનું નિર્માણ થઈ રશકે છે. તાપી નદીના જળસ્તરમાં વધારો થવાની શક્યતા છે. 15 ઓગસ્ટ પછી વરસાદનો નવો રાઉન્ડ થવાની શક્યતા વ્યક્ત કરીને હવામાન નિષ્ણાત અંબાલાલ જણાવે છે કે, મહીસાગર, વડોદરા, અમદાવાદ, - ગાંધીનગર, ભરૂચ, નવસારી, સુરત, - આહવા, ડાંગ, વલસાડમાં ભારે વરસાદ થવાની શક્યતા છે. કેટલાક ભાગોમાં ભારેથી અતિભારે વરસાદ પણ વરસી શકે છે. કચ્છ, સાબરકાંઠા, પાટણ, સમી, હારીજ, મહેસાણા, પંચમહાલ, રાજકોટ સહિતના ભાગોમાં પણ ભારે વરસાદની શક્યતા છે. 

બીજી તરફ હવામાન નિષ્ણાત પરેશ ગોસ્વામીએ પણ ઓગસ્ટમાં સારો વરસાદ વરસાદની આગાહી કરી છે. તેમના જણાવ્યા મુજબ, 10 ઓગસ્ટ સુધી સારા વરસાદના કોઈ વાવડ નથી. 10 ઓગસ્ટ પછી બંગાળની ખાડીમાં વરસાદી સિસ્ટમ સક્રિય બનશે, ત્યારબાદ તેનો ટ્રેક નક્કી થયા બાદ આગળના વરસાદના રાઉન્ડ વિશે ચોક્કસ જાણકારી મળી શકે છે. ઓગસ્ટમાં 17થી 20 તારીખ સુધી સારો વરસાદ પડશે અને આ મહિનાના છેલ્લા અઠવાડિયામાં સારો વરસાદ રહેશે. ઉત્તર ગુજરાત, મધ્ય ગુજરાત, સૌરાષ્ટ્ર-કચ્છ અને દક્ષિણ ગુજરાતનો સમાવેશ કરવામાં આવ્યો છે. 

ઓગસ્ટમાં આમ તો હળવા વરસાદની આગાહી કરવામાં આવી છે. પરંતુ ઉત્તર ગુજરાતમાં ફરી મેઘો ધબધબાટી બોલાવશે. ઓગસ્ટમાં સક્રિય થનારી વરસાદની નવી સિસ્ટમ વિશે વાત કરીએ તો, પેસિફિક મહાસાગરમાં ટોપિકલસ્ટ્રોમ બનવાની શક્યતાઓ છે, જે બંગાળના ઉપસાગરમાં આવશે. જેના કારણે બંગાળનો ઉપસાગર વધુ સક્રિય થશે અને વરસાદ લાવશે. બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, અમદાવાદમાં વરસાદ પડવાની શક્યતાઓ છે. તો ભરૂચ, સુરત, ખેડા, આણંદ, પંચમહાલ સહિત સૌરાષ્ટ્રમાં પણ વરસાદની આગાહી કરવામાં આવી છે.