Upcoming IPO: 56 વર્ષ જૂની કંપનીનો આવી રહ્યો છે IPO, જયપુરની છે કંપની

Upcoming IPO: વધુ એક કંપની આઈપીઓ માર્કેટમાં આવવાની છે. આ કંપનીએ પ્રારંભિક પબ્લિક ઓફરિંગ (IPO) દ્વારા ભંડોળ ઊભું કરવા માટે બજાર નિયમનકાર સેબી પાસે પ્રારંભિક દસ્તાવેજો ફાઇલ કર્યા છે. ડ્રાફ્ટ રેડ હેરિંગ પ્રોસ્પેક્ટસ (DRHP) અનુસાર જયપુર સ્થિત કંપનીનો IPO એ 200 કરોડ રૂપિયાના શેરના નવા ઇશ્યૂ અને પ્રમોટરો અને અન્ય શેરધારકો દ્વારા 19.2 લાખ શેરના વેચાણની ઓફર (OFS)નું મિશ્રણ છે. કંપની આઈપીઓ પહેલાના રાઉન્ડમાં રૂ. 40 કરોડ એકત્ર કરવાની આશા રાખી રહી છે અને જો આવી પ્લેસમેન્ટ પૂર્ણ થશે તો નવા ઈશ્યુનું કદ ઘટશે.

30 માર્ચે ફાઈલ કરાયેલા ડ્રાફ્ટ દસ્તાવેજો દર્શાવે છે કે તાજા ઈશ્યૂમાંથી ઊભા કરાયેલા 145 કરોડ રૂપિયાના વર્કિંગ કેપિટલની વધારાની જરૂરિયાતોને ભંડોળ આપવા માટે ફાળવવામાં આવ્યા છે. વધુમાં, એક ભાગનો ઉપયોગ સામાન્ય કોર્પોરેટ હેતુઓ માટે કરવામાં આવશે. તમને જણાવી દઈએ કે સ્વસ્તિક ઈન્ફ્રા એ એન્જિનિયરિંગ, પ્રોક્યોરમેન્ટ એન્ડ કન્સ્ટ્રક્શન (EPC) કંપની છે, જે પાવર ડિસ્ટ્રિબ્યુશન ઈન્ફ્રા પ્રોજેક્ટ્સના અમલીકરણમાં વિશેષતા ધરાવે છે.  

તેના પોર્ટફોલિયોમાં ચાર ભારતીય રાજ્યોમાં પૂર્ણ થયેલા 34 પાવર વિતરણ માળખાગત પ્રોજેક્ટ્સનો સમાવેશ થાય છે. તેના EPC પાવર પ્રોજેક્ટ્સમાંથી થતી આવક ઉપરાંત, કંપની પાવર કેબલ અને અન્ય ઇલેક્ટ્રિકલ સામાનની ખરીદી અને વેચાણમાંથી પણ આવક મેળવે છે. સૃજન આલ્ફા કેપિટલ એડવાઇઝર્સ એલએલપી અને ફિલિપકેપિટલ (ઇન્ડિયા) બુક-રનિંગ લીડ મેનેજર્સ છે. આ કંપનીની સ્થાપના 56 વર્ષ પહેલાં 1969માં થઈ હતી.  

નાણાકીય વર્ષ 2023-24માં કંપનીનો ચોખ્ખો નફો પાછલા નાણાકીય વર્ષની સરખામણીમાં 36.4 ટકા વધીને 13.98 કરોડ રૂપિયા થયો. તે જ સમયે, આવક 36.7 ટકા વધીને 209.6 કરોડ રૂપિયા થઈ. સપ્ટેમ્બર 2024માં પૂરા થયેલા 6 મહિનાના સમયગાળા માટે નફો 99.7 કરોડ રૂપિયાની આવક પર 5.96 કરોડ રૂપિયા રહ્યો છે.

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)