આજથી શત્રુ ગ્રહ શનિ-મંગળનો ખતરનાક સમસપ્તક યોગ કરશે તહસનહસ, 13 સપ્ટેમ્બર સુધી આ 3 રાશિઓની મુશ્કેલીમાં થશે વધારો!

મંગળ કન્યા રાશિમાં ગોચર કરી ચૂક્યો છે અને 13 સપ્ટેમ્બર 2025 સુધી કન્યા રાશિમાં રહેશે. ત્યાર બાદ મંગળ તુલા રાશિમાં પ્રવેશ કરશે. જ્યારે ન્યાયના દેવતા શનિ મીન રાશિમાં સંચરણ કરી રહ્યા છે.

મંગળ કન્યા રાશિમાં અને શનિ મીન રાશિમાં છે. જેના કારણે મંગળ અને શનિ વચ્ચે સમસપ્તક યોગ બની રહ્યો છે. જ્યોતિષશાસ્ત્રમાં શનિ અને મંગળ બન્નેને દુશ્મન ગ્રહ માનવામાં આવે છે, સાથે જ આ બન્ને ઉગ્ર ગ્રહો પણ છે. આ રીતે બન્ને દુશ્મન ગ્રહ શનિ અને મંગળ સામસામે આવવાથી 3 રાશિઓ માટે ખૂબ જ અશુભ છે. આ 3 રાશિના જાતકોને 13 સપ્ટેમ્બરે મંગળનું તુલા રાશિમાં ગોચર કરે ત્યાં સુધી સતર્ક રહેવું જોઈએ.

મેષ રાશિના જાતકો માટે આ સમય આર્થિક પડકારો લાવી શકે છે. ઓફિસમાં સહકર્મી સાથે વિવાદ થઈ શકે છે. અંગત જીવનમાં પણ સંબંધો જોખમમાં મુકાઈ શકે છે. તમારી વાણી પર નિયંત્રણ રાખો. આવક કરતાં ખર્ચ વધુ થશે. નિર્ણયો કાળજીપૂર્વક લો.

મિથુન રાશિના જાતકોને પણ આ સમય દરમિયાન ઘણી સમસ્યાઓનો સમાનો કરવો પડી શકે છે. તમે તણાવમાં રહી શકો છો. નાણાકીય બાબતો બગડી શકે છે. રૂપિયાનો અભાવ તમને પરેશાન કરશે. કાળજીપૂર્વક વાત કરો, નહીં તો વિવાદ થઈ શકે છે. કરિયરમાં ઉતાર-ચઢાવ આવી શકે છે. તમારી છબી બગડી શકે છે.

કર્ક રાશિના જાતકોને આર્થિક સમસ્યાઓનો સામનો કરવો પડી શકે છે. બજેટ બનાવવું અને બિનજરૂરી ખર્ચ ટાળવો વધુ સારું છે. નહીં તો તમારે લોન લેવી પડી શકે છે અથવા ક્રેડિટ કાર્ડ બિલનો બોજ પડી શકે છે. સમજદારીપૂર્વક નિર્ણયો લો. રોકાણ થોડા સમય માટે મુલતવી રાખો.

(Disclaimer: પ્રિય વાચક, અમારા સમાચાર વાંચવા બદલ આભાર. આ સમાચાર ફક્ત તમને જાગૃત કરવા માટે લખવામાં આવ્યા છે. અમે આ લખવામાં સામાન્ય માહિતીની મદદ લીધી છે. Z 24 કલાક આની પુષ્ટિ કરતું નથી.)