તૈયાર રહેજો, આવી રહ્યો છે વરસાદનો ખતરનાક રાઉન્ડ! આ તારીખથી ગુજરાતમાં અતિભારે વરસાદની આગાહી

ગુજરાતમાં ફરી ભારેથી અતિભારે વરસાદની આગાહી કરવામાં આવી છે. હવામાન વિભાગે ગુજરાતના કેટલાક જિલ્લાઓ માટે એલર્ટ જાહેર કર્યું છે. સાથે જ બંગાળની ખાડીમાં વાવાઝોડાની શક્યતા વ્યક્ત કરવામાં આવી છે. આગામી દિવસોમાં દેશભરમાં તેમજ ગુજરાતમાં ભારે વરસાદની આગાહી છે. 

હવામાન વિભાગે જણાવ્યું કે, 12 -14 ઓગસ્ટ સુધી માછીમારોને દરિયો ન ખેડવા સૂચના આપી દેવાઈ છે. અપરએર સાયકલોનિક સર્ક્યુલેશન સક્રિય થતા વરસાદની આગાહી આવી છે. 4 ઓગસ્ટથી શરુ થનારા અઠવાડિયે ફરી રાજ્યમાં ભારેથી અતિભારે વરસાદની આગાહી છે. આજે રાજ્યના કેટલાક ભાગોમાં ગાજવીજ સાથે હળવા વરસાદની આગાહી છે. 

હવામાન આગાહીકાર અંબાલાલ પટેલની આગાહી કહે છે કે, રાજ્યમાં 14 ઓગસ્ટથી સારા વરસાદની શક્યતા છે. પૂર્વ ગુજરાતના ભાગો મધ્યમ વરસાદની શક્યતા છે. તો દક્ષિણ ગુજરાત અને સૌરાષ્ટ્રમાં વરસાદની શક્યતા છે. બંગાળ ઉપસાગરમાં એક મજબૂત સિસ્ટમ સર્જાઈ છે. જેને કારણે 17 ઓગસ્ટથી ભારેથી અતિભારે વરસાદની શક્યતા છે. રાજ્યના ભાગોમાં 8થી 10 ઈંચ વરસાદની શક્યતા છે. 

અરબ સાગરની સિસ્ટમના કારણે 19થી 22 ઓગસ્ટ દરમિયાન દક્ષિણ સૌરાષ્ટ્રના ભાગોમાં ભારેથી અતિભારે વરસાદ થવાની શક્યતા છે. 17 ઓગસ્ટે બનનારી સિસ્ટમ લગભગ 19 અને 20 તારીખે મધ્ય પ્રદેશ થઈને ગુજરાતના ભાગોમાં આવશે. આ કારણે ગુજરાતના અનેક જિલ્લાઓમાં ભારેથી અતિભારે વરસાદ થવાની શક્યતા છે. 

ઓગસ્ટના વરસાદના બીજા રાઉન્ડમાં પૂર જેવો વરસાદ આવે તેવી શક્યતા છે. આગાહી મુજબ, સરદાર સરોવર ડેમની જળ સપાટી વધી શકે છે. આ વરસાદના કારણે કેટલીક નદીઓમાં પૂરની સ્થિતિનું નિર્માણ થઈ રશકે છે. તાપી નદીના જળસ્તરમાં વધારો થવાની શક્યતા છે. 15 ઓગસ્ટ પછી વરસાદનો નવો રાઉન્ડ થવાની શક્યતા વ્યક્ત કરી છે.

હવામાન નિષ્ણાત અંબાલાલ જણાવ્યું છે કે, મહીસાગર, વડોદરા, અમદાવાદ, - ગાંધીનગર, ભરૂચ, નવસારી, સુરત, - આહવા, ડાંગ, વલસાડમાં ભારે વરસાદ થવાની શક્યતા છે. કેટલાક ભાગોમાં ભારેથી અતિભારે વરસાદ પણ વરસી શકે છે. કચ્છ, સાબરકાંઠા, પાટણ, સમી, હારીજ, મહેસાણા, પંચમહાલ, રાજકોટ સહિતના ભાગોમાં પણ ભારે વરસાદની શક્યતા છે.