પરેશ ગોસ્વામીની ભૂક્કા કાઢી નાંખે તેવી આગાહી! આ તારીખથી ગુજરાતમાં વરસાદનો શરૂ થશે 'મેગા રાઉન્ડ'

ઓગસ્ટમાં 17થી 20 તારીખ સુધી સારો વરસાદ પડશે અને આ મહિનાના છેલ્લા અઠવાડિયામાં સારો વરસાદ રહેશે. ઉત્તર ગુજરાત, મધ્ય ગુજરાત, સૌરાષ્ટ્ર-કચ્છ અને દક્ષિણ ગુજરાતનો સમાવેશ કરવામાં આવ્યો છે. વરસાદની સાથે સાથે ભારે પવન પણ ફૂંકાઈ શકે છે. 15 સપ્ટેમ્બર સુધી ગરમી અને બફારાની સ્થિતિ સામાન્ય રહેશે પરંતુ 15 સપ્ટેમ્બર સુધીમાં ગરમી અને ઉકળાટનું પ્રમાણ વધશે. 

6થી લઈ 10 ઓગસ્ટ સુધી વરાપનો માહોલ જોવા મળશે. આ દિવસો દરમિયાન ખેડૂતોએ જો ખેતીકાર્યો થઈ શકે તેમ હોય તો વહેલીતકે પૂર્ણ કરવા જોઈએ. બાદમાં 10 ઓગસ્ટના રોજ બંગાળની ખાડીમાં લો પ્રેસર બનશે. જો ફરી વરસાદી રાઉન્ડ આવે તો આ કાર્યો અધૂરા રહી શકે છે. આ વરસાદી સિસ્ટમ 10 ઓગસ્ટના બંગાળની ખાડીમાં બનશે, ત્યારબાદ તેમનો ટ્રેક નક્કી થયા બાદ આગળના વરસાદના રાઉન્ડ વિશે ચોક્કસ જાણકારી મળી શકે છે. જોકે ખેતકાર્યો સમયસર પુરા કરવા ખેડૂતોને અપીલ કરાઈ હતી. 

હવામાન નિષ્ણાત પરેશ ગોસ્વામીએ જણાવ્યું કે બંગાળની ખાડીની સિસ્ટમના કારણે ઉત્તર ગુજરાત અને મધ્ય ગુજરાતમાં સારો વરસાદ જોવા મળ્યો, પરંતુ કચ્છ અને સૌરાષ્ટ્રમાં ખાસ વરસાદ જોવા મળ્યો નથી. હવે આ સિસ્ટમ આપણાથી દૂર જઈ રહી છે અને નબળી પણ પડી રહી છે. પરંતુ હજુ બે દિવસ 30 અને 31 તારીખ સુધી વરસાદનું જોર રહેશે. આ બે દિવસ ઉત્તર ગુજરાત, મધ્ય ગુજરાત અને મધ્ય પ્રદેશ બોર્ડર લાગુ વિસ્તારમાં વરસાદ જોવા મળશે. ત્યાર બાદ 2 ઓગસ્ટ સુધી હળવા ઝાપટા જોવા મળશે.

બંગાળની ખાડીમાંથી આવેલી લો પ્રેસર સિસ્ટમ ગુજરાતમાં વરસાદ સ્વરૂપે અસર કરી છે. જેના લીધે રાજ્યના 80 ટકા વિસ્તારમાં વરસાદ પડ્યો છે. ઉત્તર ગુજરાત અને મધ્ય ગુજરાતમાં ભારે વરસાદ ખાબક્યો છે. પરંતુ હવે સિસ્ટમ આપણાથી દૂર જઈ રહી છે અને નબળી પણ પડી રહી છે. આવામાં હજુ લગભગ બે દિવસ સુધી અમુક વિસ્તારમાં વરસાદ રહેશે.

હવામાન નિષ્ણાત પરેશ ગોસ્વામીએ જણાવ્યું છે. આ સાથે જ તેમણે ખેડૂત મિત્રોને પિયત અંગે પણ ખાસ સલાહ આપી છે. 2 ઓગસ્ટ સુધી સૌરાષ્ટ્રમાં પણ છૂટાછવાયા હળવા સામાન્ય ઝાપટા જ જોવા મળી શકે છે. આ રાઉન્ડમાં સૌરાષ્ટ્ર અને કચ્છમાં વરસાદ કેમ ન મળ્યો? તેનું કારણ સિસ્ટમનો ટ્રેક છે. આ સિસ્ટમ ઉત્તર અને મધ્ય ગુજરાત તરફ આ સિસ્ટમ આગળ નીકળી એટલે ત્યાં ભારે વરસાદ પડ્યાં અને સૌરાષ્ટ્ર-કચ્છને તેનો લાભ ન મળ્યો.