ભારતમાં ગાળો બોલવામાં સૌથી આગળ છે અહીંના લોકો, મહિલાઓ પણ આપે છે આ મામલામાં પુરૂષોને કાંટાની ટક્કર!

આપણી આસપાસ એવા ઘણા લોકો હોય છે જે દરેક નાના કે મોટા મુદ્દા પર દુર્વ્યવહાર કરવાનું શરૂ કરે છે. આજના સમયમાં ગાળો આપવી લોકોની આદતનો એક ભાગ બની ગયો છે, ખાસ કરીને માતા, બહેન અને પુત્રીના નામની ગાળો.

સેલ્ફી વિથ ડોટર નામના ફાઉન્ડેશન દ્વારા એક સર્વે હાથ ધરવામાં આવ્યો છે, જેમાં જાણવા મળ્યું છે કે, ભારતના ઘણા રાજ્યોમાં ગાળો આપવી એક સામાન્ય વાત છે.

સર્વે મુજબ, ગાળો આપવામાં દિલ્હી સૌથી ઉપર છે, અહીં લગભગ 80% લોકો વાતચીતમાં ગાળોનો ઉપયોગ કરે છે, ત્યારબાદ પંજાબનો નંબર આવે છે, જ્યાં 78% લોકો દરેક નાની-નાની વાત પર ગાળોનો ઉપયોગ કરે છે.

આ પછી ઉત્તર પ્રદેશ 74% સાથે ત્રીજા નંબરે, બિહાર 74% સાથે ચોથા નંબરે અને રાજસ્થાન 68% સાથે પાંચમા નંબરે છે.

સૌથી ચોંકાવનારી વાત એ છે કે, મહિલાઓ પણ ગાળો આપવામાં પાછળ નથી. સર્વેમાં સામેલ 30% મહિલાઓ અને યુવતીઓ પણ ગાળો આપે છે. શાળાઓ અને કોલેજોમાં આ આદત ઝડપથી વધી રહી છે.

આ સર્વે છેલ્લા 11 વર્ષમાં 70 હજાર લોકોને સામેલ કરવામાં આવ્યા હતા. જેમાં યુવાનો, માતા-પિતા, શિક્ષકો, પંચાયત સભ્યો અને પ્રોફેસરો જેવા લોકોને સામેલ કરવામાં આવ્યા હતા.