રૂપિયાનો ભંડાર છે આ 5 સરકારી સ્કીમ, ધમાકેદાર રિટર્નની સાથે નફાની ગેરંટી અને ટેક્સ બચાવવા માટે છે બેસ્ટ!

દરેક વ્યક્તિ રોકાણ માટે યોગ્ય વિકલ્પ શોધી રહ્યો છે. આ જ કારણ છે કે લોકોના હિત માટે સરકાર પણ રોકાણની બેસ્ટ સ્કીમ ચલાવી રહ્યું છે. પોસ્ટ ઓફિસની આવી જ 5 સલામત અને હાઈ રિટર્નવાળી સ્કીમ છે, જેમાં રોકાણ કરવું એ દરેક માટે ફાયદાનો સોદો હોય છે. પોસ્ટ ઓફિસની કેટલીક સ્કીમ માત્ર ટેક્સ જ બચાવવામાં મદદ નથી કરતી, પરંતુ લાંબા ગાળે નાણાકીય સુરક્ષા પણ પૂરી પાડે છે, તો ચાલો જાણીએ પોસ્ટ ઓફિસની આવી 5 પ્રખ્યાત સ્કીમ વિશે.

સુકન્યા સમૃદ્ધિ યોજના સરકારની ખૂબ જ ફાયદાકારક સ્કીમ માનવામાં આવે છે. આ સ્કીમ ખાસ કરીને દીકરીઓના ભવિષ્યને સુરક્ષા પૂરી પાડવા માટે કામ કરે છે. આ સ્કીમમાં દીકરીના નામે વાર્ષિક ઓછામાં ઓછા 250 રૂપિયાથી વધુમાં વધુ 1.5 લાખ રૂપિયાનું રોકાણ કરી શકો છો. આ સ્કીમમાં લગભગ 8.20% વ્યાજ દર ઉપલબ્ધ છે. આમાં કલમ 80C હેઠળ કર મુક્તિનો લાભ મેળવી શકાય છે.

પબ્લિક પ્રોવિડન્ટ ફંડ (PPF) પણ રોકાણ માટે સલામત અને લાંબા ગાળાની ફાયદો પહોંચાડનાર સ્કીમ છે. સરકાર દ્વારા ચલાવવામાં આવતી આ સ્કીમમાં વાર્ષિક રૂ. 500 થી રૂ. 1.5 લાખ સુધીના રોકાણ વિકલ્પો મળી શકે છે. આ શાનદાર યોજનામાં તમને લગભગ 7.10% વ્યાજ મળે છે. પીપીએફનો કુલ સમયગાળો 15 વર્ષનો હોય છે. આ યોજના બચત અને ટેક્સ બચાવવા માટે સારી માનવામાં આવે છે.

NSC VIII ઇશ્યૂ (નેશનલ સેવિંગ સર્ટિફિકેટ) પોસ્ટ ઓફિસની બેસ્ટ રોકાણ વિકલ્પ માનવામાં આવે છે. હાઈ અને સુરક્ષિત રિટર્ન માટે આ સ્કીમમાં લોકો ખૂબ જ રોકાણ કરે છે. તમે આ યોજનામાં ઓછામાં ઓછા ₹1,000 થી રોકાણ શરૂ કરી શકો છો અને તેમાં કોઈ મહત્તમ રોકાણ મર્યાદા નથી. આ યોજનામાં રોકાણકારોને 7.70% સુધી વ્યાજ મળે છે. આ યોજના કલમ 80C હેઠળ કર મુક્તિની સુવિધા પણ પૂરી પાડે છે.

વરિષ્ઠ નાગરિક બચત યોજના (SCSS)એ સિનિયર સિટીઝન માટે સૌથી બેસ્ટ ફાયદાકારક સ્કીમ માનવામાં આવે છે. સારું રિટર્ન આપતી આ સ્કીમ 60 વર્ષ કે તેથી વધુ ઉંમરના લોકો માટે બેસ્ટ છે. SCSS સ્કીમમાં ₹ 1,000થી રોકાણ શરૂ થાય છે અને મહત્તમ રોકાણ ₹ 30 લાખ સુધી કરી શકાય છે. લગભગ 8.20% વાર્ષિક વ્યાજ આપવાની સાથે તે કલમ 80C હેઠળ કર મુક્તિ પણ આપે છે.

રૂપિયાને ડબલ કરવા માટે પ્રખ્યાત કિસાન વિકાસ પત્ર (KVP) રોકાણ માટે સલામત સ્કીમ હંમેશા માનવામાં આવે છે. આ સ્કીમમાં રોકાણ ₹ 1,000 થી શરૂ થાય છે અને તેમાં કોઈ મહત્તમ રોકાણ મર્યાદા નથી. તે લગભગ 7.50% વાર્ષિક વ્યાજ દર આપે છે. રોકાણકારો આ સ્કીમને 2.5 વર્ષ પછી જ રિડીમ કરી શકે છે. 

(નોંધ- આ સમાચાર સામાન્ય માહિતી પર આધારિત છે, રોકાણ કરતા પહેલા વ્યાજ દર ચકાસી લો.)