ભારતમાં મોબાઇલ નંબર આગળ +91 કેમ લગાવવામાં આવે છે ? જાણો શું છે તેની પાછળનું કારણ

જ્યારે આપણે કોઈને ફોન કરીએ છીએ, ત્યારે તેના નંબરની આગળ +91 લખેલું હોય છે. ઘણા લોકોને આ પાછળનું કારણ ખબર નથી. +91 એ ભારતનો આંતરરાષ્ટ્રીય ડાયલિંગ કોડ છે. ભારતમાં કોઈપણ નંબર પર કોલ કરતા પહેલા +91 ડાયલ કરવો જરૂરી છે, તેવી જ રીતે અલગ અલગ દેશો માટે અલગ અલગ કોડ છે. આંતરરાષ્ટ્રીય કોલ કરવા માટે આ કોડ ખાસ જરૂરી છે. 

જો કોઈ બીજા દેશનો વ્યક્તિ ભારતમાં કોઈને કોલ કરવા માંગે છે, તો નંબરની આગળ +91 લખવું જરૂરી છે. જો તે નંબરની આગળ +91 નહીં લગાવે, તો કોલ કનેક્ટ થશે નહીં.

બીજી બાજુ જો તમે વિદેશમાં કોઈને ફોન કરો છો, તો આ કોડ તમારા નંબર આગળ આપમેળે લાગુ થઈ જાય છે. આમાં તમારે આ કોડ અલગથી ઉમેરવાની જરૂર નથી. બીજા દેશમાંથી ફોન કરતી વખતે આ કોડ લાગુ કરવો પડશે.

1960ના દાયકામાં આંતરરાષ્ટ્રીય કોલિંગ કોડની જરૂરિયાત અનુભવાઈ હતી આને ધ્યાનમાં રાખીને કન્ટ્રી કોડ શરૂ કરવામાં આવ્યો હતો. આ તે જ સમય હતો જ્યારે સમગ્ર વિશ્વમાં ટેલિકોમ્યુનિકેશન નેટવર્ક ઝડપથી વિકાસ કરી રહ્યું હતું.

આ સમય દરમિયાન, વિવિધ દેશો વચ્ચે કોલિંગ કરવા માટે એક માનક સિસ્ટમની જરૂરિયાત અનુભવાઈ. આને ધ્યાનમાં રાખીને કન્ટ્રી કોડ સિસ્ટમ વિકસાવામાં આવી. જેના હેઠળ વિશ્વના વિવિધ દેશોને દેશના કોડ આપવામાં આવ્યા હતા.