આ છે દુનિયાનો સૌથી અમીર સેલિબ્રિટી, ક્યારેય કેમેરાની સામે નથી બતાવ્યો ચહેરો; તેમની સામે શાહરૂખ તો શું ટોમ ક્રૂજ પણ છે ફેલ

આપણે જે સ્ટાર વિશે વાત કરી રહ્યા છીએ તે ન તો અભિનેતા છે કે ન તો ડાયરેક્ટર. તેમણે સંપત્તિમાં ઘણા ધનિક હોલીવુડ સ્ટાર્સને પાછળ છોડી દીધા છે. આમાં ટોમ ક્રૂઝ, સ્ટીવન અને ડ્વેન જોહ્ન્સનનો સમાવેશ થાય છે. આ સ્ટાર હવે 82 વર્ષનો છે. ખાસ વાત એ છે કે તે આજ સુધી ક્યારેય કેમેરા સામે આવ્યો નથી. પરંતુ, રૂપિયાની બાબતમાં તેણે બોલીવુડથી લઈને હોલીવુડ સુધીના બધા સ્ટાર્સને પાછળ છોડી દીધા છે.

આ સ્ટારનું નામ ડેવિડ ગેફેન છે જે એક પ્રખ્યાત ફિલ્મ પ્રોડ્યૂસર છે. ડેવિડ ગેફેને ઇન્ટરટેનમેન્ટ ઈન્ડસ્ટ્રીમાં બાળ કલાકાર તરીકે પોતાના કરિયરની શરૂઆત કરી હતી. બાદમાં 1960ના દાયકાના અંતમાં તેઓ ટેલેન્ડ મેનેજમેન્ટ તરફ વળ્યા. 1971માં તેઓ અસાયલમ રેકોર્ડ્સના કો-ફાઉન્ડર બન્યા.

આ સાથે જ તેમણે ઇગલ્સ, જોની મિશેલ, બોબ ડિલન, ટોમ વેઇટ્સ, લિન્ડા રોનસ્ટાડ અને અન્ય જેવા નામચીન સ્ટાર્સ સાથે કોલૅબરેટ કર્યું. આ સમયગાળાની વાત કરીએ તો, થોડા સમય પછી તેઓ ફિલ્મ જગતમાં પ્રવેશ્યા અને વોર્નર બ્રધર્સના વાઇસ પ્રેસિડેન્ટ બન્યા. 1980માં તેમણે પોતાનું નામ એટલે કે ગેફેન રેકોર્ડ્સ શરૂ કર્યું. જે ગ્લોબલ મ્યુઝિક આઈકન્સને રિપ્રજેન્ટ કરે છે. જેમાં એલ્ટન જોન, ચેર, ઓલિવિયા ન્યૂટન-જોન, ગન્સ એન રોઝેઝ નિરવાના અને નીલ યંગના નામ શામેલ છે.

ગેફેને થોડા જ સમયમાં પોતાની છાપ છોડી દીધી. આ પછી 1982માં ગેફેને 'ધ ગેફેન ફિલ્મ' કંપની ખોલી. જેના બેનર હેઠળ ઘણી ડાર્ક કોમેડી ફિલ્મો 'બીટલજ્યુસ', 'ડ્રીમગર્લ્સ' અને 'કેટ્સ' બની. આ પછી ગેફેને 1994માં સ્ટીવન સ્પીલબર્ગ અને જેફરી કેટઝેનબર્ગ સાથે મળીને ડ્રીમ વર્ક્સ SKGની સહ-સ્થાપના કરી. જેણે ઘણી બ્લોકબસ્ટર ફિલ્મો બનાવી. આ ફિલ્મોમાં 'શ્રેક', 'ટ્રાન્સફોર્મર્સ', 'ગ્લેડીયેટર', 'સેવિંગ પ્રાઇવેટ રયાન' અને 'અમેરિકન બ્યુટી'નો સમાવેશ થાય છે.

ફોર્બ્સ મેગેઝિન મે 2025 મુજબ, ડેવિડ ગેફેન દુનિયાના સૌથી મોંઘા સેલિબ્રિટી છે. તેમની કુલ સંપત્તિ 8.3 બિલિયન ડોલર છે. જે ભારતીય ચલણમાં 7,27,68,01,64,700 ટ્રિલિયન થાય છે. ઈન્ડસ્ટ્રીમાં છેલ્લા 55 વર્ષથી ડેવિડ ગેફેન એક્ટિવ છે. તેમણે આ આટલા વર્ષોમાં માત્ર ઇન્ટરટેનમેન્ટ ઈન્ડસ્ટ્રીમાં જ પોતાની છાપ નથી છોડી. જેના કારણે તેમનું દુનિયાભરમાં એક અલગ જ સ્થાન છે.