Ketu Transit 2025: କେତୁ ଚଳନ ପ୍ରଭାବ, ୨୦୨୬ ପର୍ଯ୍ୟନ୍ତ ୩ ରାଶିକୁ ମିଳିବ ଲାଭ

କେତୁ ୨୦୨୬ ପର୍ଯ୍ୟନ୍ତ ସିଂହ ରାଶିରେ ରହିବା ପରେ ରାଶି ପରିବର୍ତ୍ତନ କରିବେ। ସିଂହ ରାଶିରେ କେତୁ ରହିବା କାରଣରୁ କିଛି ରାଶିର ଜୀବନରେ ହଠାତ୍ ଅନେକ ପ୍ରକାରର ପରିବର୍ତ୍ତନ ଦେଖିବାକୁ ମିଳିବ। ଆସନ୍ତୁ ଜାଣିବା ସେହି ଭାଗ୍ୟବାନ ରାଶିଗୁଡ଼ିକ କିଏ।

ଧନୁ ରାଶି

ଆପଣଙ୍କ ପାଇଁ ସିଂହ ରାଶିରେ କେତୁଙ୍କ ଚଳନ ବହୁତ ସକାରାତ୍ମକ ସାବ୍ୟସ୍ତ ହେବ । ବିଭିନ୍ନ ଦିଗରୁ ଶୁଭଫଳ ମିଳିବ । କେତୁ ଆପଣଙ୍କ ରାଶିରୁ ନବମ ଘରେ ଚଳନ କରୁଛନ୍ତି। ଏପରି ପରିସ୍ଥିତିରେ, ଯେପର୍ଯ୍ୟନ୍ତ କେତୁ ସିଂହ ରାଶିରେ ରହିବେ, ସେପର୍ଯ୍ୟନ୍ତ ଆପଣଙ୍କୁ ଭାଗ୍ୟର ସମର୍ଥନ ମିଳିବ। ଏହି ସମୟରେ ଅନେକ ଅସମ୍ପୂର୍ଣ୍ଣ କାମ ଶେଷ କରିବେ । ଚାକିରି କ୍ଷେତ୍ରରେ ପଦୋନ୍ନତି ଏବଂ ଦରମା ବୃଦ୍ଧି ହେବାର ସମ୍ଭାବନା ଅଛି। ବ୍ୟବସାୟରେ ବଡ଼ ଲାଭ ମିଳିପାରେ। କିଛି ପୁରାଣା ସ୍ୱପ୍ନ ଶାକାର ହୋଇପାରେ।

ବିଛା ରାଶି

କେତୁଙ୍କ ଚଳନ ଆପଣଙ୍କ ଦଶମ ଘରେ ଅର୍ଥାତ୍ କର୍ମ ଘରେ ଘଟିଛି। ଏହି ଚଳନ ଆପଣଙ୍କ ପାଇଁ କୌଣସି ଚମତ୍କାରଠାରୁ କମ୍ ନୁହେଁ। କ୍ୟାରିଅର ଏବଂ ବ୍ୟବସାୟ ଦୃଷ୍ଟିରୁ ଶୁଭ ଫଳ ପାଇବେ । କାମରେ ସଫଳତା ମିଳିବାର ସମ୍ଭାବନା ଅଧିକ । ଦୀର୍ଘ ସମୟ ଧରି ଚାକିରି ପରିବର୍ତ୍ତନ କରିବା ବିଷୟରେ ଚିନ୍ତା କରୁଥିଲେ ନୂତନ ସୁଯୋଗ ମିଳିପାରେ। ଟଙ୍କା ରୋଜଗାର କରିବାର ଭଲ ସୁଯୋଗ ମିଳିପାରେ। ପୈତୃକ ସମ୍ପତ୍ତିରୁ ଲାଭ ମିଳିବାର ସମ୍ଭାବନା ରହିଛି।

କର୍କଟ ରାଶି

ଆପଣଙ୍କ କୁଣ୍ଡଳୀରେ ଧନ ଘରେ କେତୁ ଚଳନ କରୁଛନ୍ତି। ଏପରି ପରିସ୍ଥିତିରେ, କେତୁର ଚଳନ ଆପଣଙ୍କ ପାଇଁ ବହୁତ ଶୁଭ ପ୍ରମାଣିତ ହେବ। ଅଧିକ ଟଙ୍କା ରୋଜଗାର କରିବାର ସୁଯୋଗ ମିଳିବ। ଭାଗ୍ୟର ପୂର୍ଣ୍ଣ ସମର୍ଥନ ପାଇବେ। ଆର୍ଥିକ ସ୍ଥିତିରେ ଉନ୍ନତି ଘଟିବ। କୌଣସି କାମକୁ ନେଇ ଚିନ୍ତିତ ଥିଲେ ସମସ୍ୟାର ସମାଧାନ ହେବ। ପ୍ରଗତି ପାଇଁ ନୂତନ ପଥ ଖୋଲିବ। ଆପଣ ଅନ୍ୟମାନଙ୍କୁ ଆକର୍ଷିତ କରିବାରେ ସଫଳ ହେବେ।

Disclamer: ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ ।