TOP 10 News: ଶୀଘ୍ର ଆରମ୍ଭ ହେବ ସ୍ନାତକୋତ୍ତର ପାଠ୍ୟକ୍ରମରେ ନାମଲେଖା, ୧୦ ମାର୍ଚ୍ଚରେ ବନ୍ଦ ରହିବ CM ଜନ ଅଭିଯୋଗ ଶୁଣାଣି, ୧୦ ବଡ଼ ଖବର

Top 10 News Headlines: ଆଗାମୀ ଶିକ୍ଷାବର୍ଷ ୨୦୨୫-୨୬ ନିମନ୍ତେ ସ୍ନାତକୋତ୍ତର ପାଠ୍ୟକ୍ରମରେ ନାମଲେଖା ପ୍ରକ୍ରିୟାକୁ ଶୀଘ୍ର ଆରମ୍ଭ କରିବା ପାଇଁ ରାଜ୍ୟ ସରକାରଙ୍କ ତରଫରୁ ନିଷ୍ପତ୍ତି ଗ୍ରହଣ କରାଯାଇଛି। ଏଠାରେ ସଂକ୍ଷେପରେ ପଢ଼ନ୍ତୁ ଦିନ ତମାମର ୧୦ଟି ବଡ଼ ଖବର।

Top 10 News Headlines 7 March 2025: H1. Odisha Govt To Begin PG Admission Process: ଆଗାମୀ ଶିକ୍ଷାବର୍ଷ ୨୦୨୫-୨୬ ନିମନ୍ତେ ସ୍ନାତକୋତ୍ତର ପାଠ୍ୟକ୍ରମରେ ନାମଲେଖା ପ୍ରକ୍ରିୟାକୁ ଶୀଘ୍ର ଆରମ୍ଭ କରିବା ପାଇଁ ରାଜ୍ୟ ସରକାରଙ୍କ ତରଫରୁ ନିଷ୍ପତ୍ତି ଗ୍ରହଣ କରାଯାଇଛି। ଏଥିନିମନ୍ତେ ଆବେଦନକାରୀମାନଙ୍କ ପାଇଁ ଆସନ୍ତା ମାର୍ଚ୍ଚ ୧୦ ତାରିଖ (୧୦.୦୩.୨୦୨୫) ଠାରୁ Common Application Form (CAF) ଭରଣ ପ୍ରକିୟା ଆରମ୍ଭ ହେବ।

H2. Puri Admin Seals Jaya Hotel: ପୁରୀ ଜିଲ୍ଲା ପ୍ରଶାସନ ଦ୍ୱାରା ଜାତୀୟ ରାଜପଥ-୨୧୬ ରେ ଥିବା 'ଜୟା ହୋଟେଲ' ନାମକ ଏକ ଭୋଜନାଳୟକୁ ସିଲ୍ କରିଦିଆଯାଇଛି। ଏହି ହୋଟେଲରେ ମଟନ୍ କହି ଗ୍ରାହକମାନଙ୍କୁ ଗୋମାଂସ ପରିବେଷଣ କରୁଥିବା ଅଭିଯୋଗ ଆସିବା ପରେ ଏହା ଉପରେ ଆକ୍ସନ ନିଆଯାଇଛି।

H3. Odisha Assembly faces disruptions: ବଜେଟ୍‍ ଅଧିବେଶନର ଦ୍ୱିତୀୟ ଦିନ ଆରମ୍ଭରୁ ଗୃହମଧ୍ୟରେ ବିରୋଧୀଙ୍କ ପ୍ରଭାବ ଦେଖିବାକୁ ମିଳିଛି। ଦୁଇ ପ୍ରମୁଖ ବିରୋଧୀ ଦଳ ବିଜେଡି ଓ କଂଗ୍ରେସ ନିଜର ବଳ ଦେଖାଇବାକୁ ପ୍ରୟାସ କରିଛନ୍ତି। ଫଳରେ ବାତିଲ ହୋଇଛି ପ୍ରଶ୍ନୋତ୍ତର କାଳ। ଆଉ ବାଚସ୍ପତି ବାଧ୍ୟ ହୋଇ ଗୃହକୁ ମୁଲତବୀ କରିଛନ୍ତି। 

H4. Over 55% Faculty Positions Vacant At UU: ଉତ୍କଳ ବିଶ୍ୱବିଦ୍ୟାଳୟରେ ୫୫% ରୁ ଅଧିକ ମଞ୍ଜୁରୀପ୍ରାପ୍ତ ଅଧ୍ୟାପକ ପଦବୀ ଖାଲି ରହିଛି। ଯାହା ଏହି ପ୍ରତିଷ୍ଠାନରେ ଏକ ଗୁରୁତ୍ୱପୂର୍ଣ୍ଣ କର୍ମଚାରୀ ଅଭାବକୁ ଦର୍ଶାଉଛି। ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜଙ୍କ ଅନୁଯାୟୀ, ବିଭିନ୍ନ ବିଭାଗରେ ୨୩୮ ମଞ୍ଜୁରୀପ୍ରାପ୍ତ ଅଧ୍ୟାପକ ପଦବୀ ମଧ୍ୟରୁ କେବଳ ୧୦୫ ଟି ପୂରଣ ହୋଇଛି। ଯାହା ଫଳରେ ୧୩୩ ଟି ଖାଲି ପଡ଼ିଛି।

H5. Srimandir Ratna Bhandar Repair Suspended: ପୁରୀର ଜଗନ୍ନାଥ ମନ୍ଦିରରେ ରତ୍ନ ଭଣ୍ଡାର ମରାମତି କାର୍ଯ୍ୟ ମାର୍ଚ୍ଚ ୯ ରୁ ୧୫ ପର୍ଯ୍ୟନ୍ତ ସାତ ଦିନ ପାଇଁ ସ୍ଥଗିତ ରହିବ। ହୋଲି ଏବଂ ଦୋଳ ପୂର୍ଣ୍ଣିମା ଅବସରରେ ସ୍ୱତନ୍ତ୍ର ପୂଜାର୍ଚ୍ଚନା ପାଇଁ ଛତିଶା ନିଜୋଗାଙ୍କ ପରାମର୍ଶ ଆଧାରରେ ଶ୍ରୀ ଜଗନ୍ନାଥ ମନ୍ଦିର ପ୍ରଶାସନ (SJTA) ଏହି ନିଷ୍ପତ୍ତି ନେଇଛି।

H6. Odisha CM’s Grievance Cell on March 10: ଆଗାମୀ ମାର୍ଚ୍ଚ ୧୦ ତାରିଖରେ ମୁଖ୍ୟମନ୍ତ୍ରୀଙ୍କ ଜନ ଅଭିଯୋଗ ଶୁଣାଣି ବନ୍ଦ ରହିବ। ସପ୍ତଦଶ ବିଧାନସଭାର ତୃତୀୟ ଅଧିବେଶନ ବଳବତ୍ତର ଥିବା ହେତୁ ଆସନ୍ତା ସୋମବାର ମାର୍ଚ୍ଚ ୧୦ ତାରିଖ ଦିନ ଭୁବନେଶ୍ଵର, ୟୁନିଟ-୫ ସ୍ଥିତ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ ଠାରେ ଜନ ଅଭିଯୋଗ ଶୁଣାଣି ବନ୍ଦ ରହିବ। ପରବର୍ତ୍ତୀ ଅଭିଯୋଗ ଶୁଣାଣିର ତାରିଖ ସମ୍ବାଦପତ୍ର ଓ ଅନ୍ୟ ଗଣମାଧ୍ୟମ ଜରିଆରେ ଜଣାଇ ଦିଆଯିବ। ଏ ସଂପର୍କରେ ରାଜ୍ୟ ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ ପକ୍ଷରୁ ସୂଚନା ଦିଆଯାଇଛି ।

H7.Fighter Aircraft Crashed: ଆଜି ହରିୟାଣାର ଅମ୍ବାଲାରେ ଭାରତୀୟ ବାୟୁସେନାର ଏକ ଜାଗୁଆର ଲଢ଼ୁଆ ବିମାନ ଦୁର୍ଘଟଣାଗ୍ରସ୍ତ ହୋଇଛି। ସୂଚନା ଅନୁଯାୟୀ ବିମାନଟି ଅମ୍ବାଲା ଏୟାରବେସରୁ ଏକ ତାଲିମ ଉଡ଼ାଣରେ ଉଡ଼ାଣ କରିଥିଲା। ଯଦିଓ ପାଇଲଟ୍ ବିମାନରୁ ବାହାରିବାରେ ସଫଳ ହୋଇଥିଲେ। ଭାରତୀୟ ବାୟୁସେନା ଅଧିକାରୀମାନେ କହିଛନ୍ତି ଯେ ଦୁର୍ଘଟଣା ଯାଞ୍ଚ କରିବା ପାଇଁ କୋର୍ଟ ଅଫ୍ ଇନକ୍ୱାରୀ ପାଇଁ ନିର୍ଦ୍ଦେଶ ଦିଆଯାଇଛି।

H8. PM Modi likely to visit Sri Lanka: ପ୍ରଧାନମନ୍ତ୍ରୀ ମୋଦି ଏପ୍ରିଲ ପ୍ରଥମ ସପ୍ତାହରେ ଶ୍ରୀଲଙ୍କା ଗସ୍ତ କରିପାରନ୍ତି। ପ୍ରଧାନମନ୍ତ୍ରୀ ମୋଦିଙ୍କ ଏହି ଗସ୍ତ ଶ୍ରୀଲଙ୍କା ରାଷ୍ଟ୍ରପତି ଅନୁରା କୁମାର ଦିସାନାୟକଙ୍କ ସରକାରୀ ନିମନ୍ତ୍ରଣ ଯୋଗୁଁ ହେବ। ପ୍ରଧାନମନ୍ତ୍ରୀ ମୋଦିଙ୍କ ଏହି ଗସ୍ତ ଭାରତ ଏବଂ ଶ୍ରୀଲଙ୍କା ମଧ୍ୟରେ ଦ୍ୱିପାକ୍ଷିକ ସମ୍ପର୍କକୁ ମଜବୁତ କରିବ। କହିରଖୁଛୁ ଯେ ବେ ଅଫ୍ ବଙ୍ଗୋପ ଇଣ୍ଡେସିଟିଭ୍ ଫର୍ ମଲ୍ଟି-ସେକ୍ଟରାଲ୍ ଟେକ୍ନୋଲୋଜିକାଲ୍ ଆଣ୍ଡ୍ ଇକୋନୋମିକ୍ କୋଅପରେସନ୍ (BIMSTEC) ଶିଖର ସମ୍ମିଳନୀ ୨ ରୁ ୪ ଏପ୍ରିଲ ପର୍ଯ୍ୟନ୍ତ ବ୍ୟାଙ୍କକରେ ଆୟୋଜିତ ହେଉଛି ଯେଉଁଥିରେ ପ୍ରଧାନମନ୍ତ୍ରୀ ମୋଦି ଅଂଶଗ୍ରହଣ କରିବେ। 

H9. Manmohan Singh Memorial: ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ସ୍ମାରକୀ ରାଷ୍ଟ୍ରୀୟ ସ୍ମୃତୀ ସ୍ଥଳରେ ହିଁ ନିର୍ମାଣ କରାଯିବ। ଏହା ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ସ୍ମାରକୀ ନିକଟରେ ନିର୍ମାଣ କରାଯିବ। ମନମୋହନ ସିଂହଙ୍କ ପରିବାର ଗୃହ ଏବଂ ନଗର ଉନ୍ନୟନ ମନ୍ତ୍ରଣାଳୟକୁ ଏକ ଚିଠି ଲେଖି ପ୍ରସ୍ତାବିତ ସ୍ଥାନକୁ ଅନୁମୋଦନ କରିଛନ୍ତି। ପରିବାର ବିଭାଗକୁ ସ୍ୱୀକାର ପତ୍ର ପଠାଇ ଦେଇଛନ୍ତି।

H10. New zealand bowler matt henry doubtful for india match: କାନ୍ଧରେ ଆଘାତ ଯୋଗୁଁ ନ୍ୟୁଜିଲାଣ୍ଡର ଦ୍ରୁତ ବୋଲର ମ୍ୟାଟ୍ ହେନରୀ ଭାରତ ବିପକ୍ଷରେ ଚାମ୍ପିଅନ୍ସ ଟ୍ରଫି ଫାଇନାଲରୁ ବାଦ ପଡ଼ିପାରନ୍ତି। ଯଦିଓ କୋଚ୍ ଗ୍ୟାରି ଷ୍ଟିଡ୍ ଆଶାବାଦୀ ଯେ ସେ ରବିବାର ଫାଇନାଲ୍ ପାଇଁ ଫିଟ୍ ହେବେ। ହେନରୀ ଏପର୍ଯ୍ୟନ୍ତ ଟୁର୍ଣ୍ଣାମେଣ୍ଟରେ ସର୍ବାଧିକ ୧୦ଟି ୱିକେଟ ନେଇଛନ୍ତି। ଏଥିରେ ଭାରତ ବିପକ୍ଷ ଗ୍ରୁପ୍ ମ୍ୟାଚ୍‌ରେ ପାଞ୍ଚଟି ୱିକେଟ୍ ଅନ୍ତର୍ଭୁକ୍ତ।