PAN Card: ଆପଣଙ୍କ ପାନ କାର୍ଡରେ ଅନ୍ୟ କେହି ନେଇଛନ୍ତି କି ଲୋନ୍? ଏହିପରି ଚେକ୍ କରନ୍ତୁ

PAN card: ଆପଣଙ୍କୁ ଯଦି ମଧ୍ୟ ସନ୍ଦେହ ହେଉଛି ଯେ ଅନ୍ୟ କେହି ଲୋନ୍ ପାଇଁ ଆପଣଙ୍କ ପାନ କାର୍ଡ ବ୍ୟବହାର କରିଛନ୍ତି। ତେବେ ଆପଣ ଏହା ବିଷୟରେ ସହଜରେ ଜାଣିପାରିବେ। ଏହା ଜାଣିବା ଗୁରୁତ୍ୱପୂର୍ଣ୍ଣ ହୋଇଯାଏ କାରଣ ଭବିଷ୍ୟତରେ ଆପଣଙ୍କୁ ଅନ୍ୟ ଜଣେ ବ୍ୟକ୍ତି ନେଇଥିବା ଲୋନ୍ ପରିଶୋଧ କରିବାକୁ ପଡ଼ିପାରେ।

PAN card loan fraud: ପାନ କାର୍ଡ ଆଜି ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ପାଲଟିଛି। ଏହା ବିନା ଆପଣ ଟଙ୍କା ସହ ଜଡିତ କୌଣସି କାମ କରିପାରିବେ ନାହିଁ। ଏହି କାର୍ଡଟି ଆପଣଙ୍କ ଦରମା ଏବଂ ପେନସନ ସମ୍ବନ୍ଧୀୟ କାମ ପାଇଁ ମଧ୍ୟ ବ୍ୟବହୃତ ହୁଏ। ଏଥିରେ ଆଇଟିଆର୍ ଫାଇଲ କରିବା, ସ୍କିମ୍ ପାଇଁ ଆବେଦନ କରିବା, ପେନସନ୍ ପାଇଁ ଓ ଲୋନ୍ ନେବା ଇତ୍ୟାଦି କାର୍ଯ୍ୟ ଅନ୍ତର୍ଭୁକ୍ତ। ଆଜି ପାନ୍ କାର୍ଡ ଆଧାର କାର୍ଡ ପରି ଗୁରୁତ୍ୱପୂର୍ଣ୍ଣ ହୋଇଯାଇଛି। ତେଣୁ ଏହି ଡକ୍ୟୁମେଣ୍ଟକୁ ସୁରକ୍ଷିତ ରଖିବା ଗୁରୁତ୍ୱପୂର୍ଣ୍ଣ।

ଆପଣଙ୍କୁ ଯଦି ମଧ୍ୟ ସନ୍ଦେହ ହେଉଛି ଯେ ଅନ୍ୟ କେହି ଲୋନ୍ ପାଇଁ ଆପଣଙ୍କ ପାନ କାର୍ଡ ବ୍ୟବହାର କରିଛନ୍ତି। ତେବେ ଆପଣ ଏହା ବିଷୟରେ ସହଜରେ ଜାଣିପାରିବେ। ଏହା ଜାଣିବା ଗୁରୁତ୍ୱପୂର୍ଣ୍ଣ ହୋଇଯାଏ କାରଣ ଭବିଷ୍ୟତରେ ଆପଣଙ୍କୁ ଅନ୍ୟ ଜଣେ ବ୍ୟକ୍ତି ନେଇଥିବା ଲୋନ୍ ପରିଶୋଧ କରିବାକୁ ପଡ଼ିପାରେ।

କିପରି ଜାଣିବେ?
ଏଥିପାଇଁ ପ୍ରଥମେ ଆପଣଙ୍କୁ CIBIL ୱେବସାଇଟ୍ ଯିବାକୁ ପଡିବ। ଯାହା CIBIL ସ୍କୋର କିମ୍ବା କ୍ରେଡିଟ୍ ସ୍କୋର ଜାରି କରେ। ଏହା ପରେ ତଳେ ଦିଆଯାଇଥିବା ଷ୍ଟେପ୍ ଗୁଡ଼ିକୁ ଅନୁସରଣ କରନ୍ତୁ।

• ଷ୍ଟେପ୍ ୧- CIBIL ୱେବସାଇଟ୍ ଭିଜିଟ୍ କରନ୍ତୁ। ଏଠାରେ ଆପଣଙ୍କୁ Get Your Cibil Score ବିକଳ୍ପ ମିଳିବ।
• ଷ୍ଟେପ୍ ୨- ଏଥିରେ କ୍ଲିକ୍ କରିବା ଦ୍ୱାରା ଆପଣଙ୍କୁ ସବସ୍କ୍ରିପସନ୍ ବିକଳ୍ପ ମିଳିବ। ଏହାକୁ Skip କରନ୍ତୁ।
• ଷ୍ଟେପ୍ 3- ଏହା ପରେ ଯଦି ଆପଣ ପ୍ରଥମ ଥର ପାଇଁ ୱେବସାଇଟ୍ ବ୍ୟବହାର କରୁଛନ୍ତି ତେବେ ରେଜିଷ୍ଟ୍ରେସନ କରନ୍ତୁ।
• ଷ୍ଟେପ୍ ୪- ରେଜିଷ୍ଟ୍ରେସନ ପାଇଁ ଆପଣଙ୍କୁ ଜନ୍ମ ତାରିଖ, ମୋବାଇଲ୍ ନମ୍ବର ଓ ଇମେଲ୍ ଆଇଡି ଭଳି ସୂଚନା ଦେବାକୁ ପଡିବ।
• ଷ୍ଟେପ୍ ୫- ଏହା ପରେ ଲଗଇନ୍ Credentials ବନାନ୍ତୁ, ତା'ପରେ ଆପଣଙ୍କୁ ଲଗଇନ୍ କରିବାକୁ ପଡିବ।
• ଷ୍ଟେପ୍ ୬- ଏହା ପରେ PAN ନମ୍ବର ଏଣ୍ଟ୍ରି କରନ୍ତୁ ଏବଂ Check Cibil Score ଉପରେ କ୍ଲିକ୍ କରନ୍ତୁ।
• ଷ୍ଟେପ୍ ୭- ଆପଣଙ୍କ ପଞ୍ଜିକୃତ ମୋବାଇଲ୍ ନମ୍ବରରେ OTP ଆସିବ। ଏହାକୁ ଏଣ୍ଟ୍ରି କରନ୍ତୁ।
• ଷ୍ଟେପ୍ 8- ଶେଷରେ ଆପଣ ସ୍କ୍ରିନରେ CIBIL ସ୍କୋର ଦେଖିବେ। ଏହା ବ୍ୟତୀତ ଲୋନ୍ ସେକ୍ସନକୁ ଯାଇ ଆପଣ ଆପଣଙ୍କ ନାମରେ କେତେ ଲୋନ୍ ନିଆଯାଇଛି ତାହା ଯାଞ୍ଚ କରିପାରିବେ।

ଏହା ବ୍ୟତୀତ ଯଦି ଆପଣ ପାନ କାର୍ଡରେ କୌଣସି ଭୁଲ ଥାଏ ତେବେ ତାହା ମଧ୍ୟ ସହଜରେ ପରିବର୍ତ୍ତନ କରିପାରିବେ। ଜାଣନ୍ତୁ ପ୍ରୋସେସ୍

• ଷ୍ଟେପ୍ ୧- ଏଥିପାଇଁ ଆପଣଙ୍କୁ ଆୟକରର ଅଫିସିଆଲ୍ ୱେବସାଇଟ୍ ଭିଜିଟ୍ କରିବାକୁ ପଡିବ।
• ଷ୍ଟେପ୍ ୨- ପାନ କାର୍ଡ ନମ୍ବର ଏବଂ ଆବଶ୍ୟକୀୟ ସୂଚନା ଦେଇ ଲଗଇନ୍ କରନ୍ତୁ।
• ଷ୍ଟେପ୍ 3- ଲଗଇନ୍ କରିବା ପରେ, ଆପଣ ପ୍ୟାନ୍ କାର୍ଡ ସଂଶୋଧନର ବିକଳ୍ପ ଦେଖିବେ।
• ଷ୍ଟେପ୍ ୪- ଏହା ଉପରେ କ୍ଲିକ୍ କରନ୍ତୁ ଏବଂ ପାନ କାର୍ଡ ନମ୍ବର ଏବଂ ଆବଶ୍ୟକୀୟ ସୂଚନା ଏବଂ ଡକ୍ୟୁମେଣ୍ଟ ଏଣ୍ଟ୍ରି କରନ୍ତୁ।
• ଷ୍ଟେପ୍ ୫- ଏହା ପରେ ଆପଣଙ୍କୁ ଫିସ୍ ଭାବରେ କିଛି ଟଙ୍କା ଦେବାକୁ ପଡିବ।
• ଷ୍ଟେପ୍ 6- ଶେଷରେ ସବମିଟ୍ କରନ୍ତୁ ଏବଂ ଟ୍ରାକ୍ ନମ୍ବରଟି ଲେଖି ରଖନ୍ତୁ।
• ଆପଣ ଟ୍ରାକ୍ ନମ୍ବର କିମ୍ବା ଦିଆଯାଇଥିବା ନମ୍ବର ମାଧ୍ୟମରେ ପାନ କାର୍ଡ ପରିବର୍ତ୍ତନ ପାଇଁ ଆପଣଙ୍କର ଅନୁରୋଧର ସ୍ଥିତି ଯାଞ୍ଚ କରିପାରିବେ।