'મારે બંદૂક ખરીદવી પડશે...' રિચા ચઢ્ઢા જ્યારે પ્રેગેન્ટ હતી ત્યારે કેમ આવ્યો આવો વિચાર, અભિનેત્રી કર્યો મોટો ખુલાસો

Richa Chadha Motherhood Fears: માં બનવું ઘણીવાર જિંદગીના સૌથી મોટા ફેરફારોમાંથી એક માનવામાં આવે છે, અને અભિનેત્રી રિચા ચઢ્ઢા માટે આ બદલાવ ડરની સાથે શરૂ થયું હતો. તેમણે હાલમાં જ આપેલ એક ઇન્ટરવ્યુમાં ખુલાસો કર્યો કે, જ્યારે તેણીને ખબર પડી કે તે માં બનવાની છે, ત્યારે તેણીની પહેલું રિએક્શન શું હતું.

કેમ ડરી ગઈ હતી રિચા?
રિચા ચઢ્ઢાએ લિલી સિંહને આપેલા એક ઇન્ટરવ્યુમાં કહ્યું કે, જ્યારે તેને ખબર પડી કે તે પ્રેગ્નેન્ટ છે ત્યારે તે ડરી ગઈ હતી. તેણે કહ્યું કે, "મને થોડો ડર લાગ્યો હતો. મારા મનમાં ફક્ત એક જ વાત આવી, હવામાન ઝડપથી બદલાઈ રહ્યું છે, ઘણી જગ્યાએ મોટી સંખ્યામાં લોકો મરી રહ્યા છે, દુનિયામાં ઘણું બધું ખોટું થઈ રહ્યું છે, આવી સ્થિતિમાં બાળકને જન્મ આપવો સારું રહેશે?"

‘હવે મારી જિંદગી ખતમ થઈ જશે?’
રિચાએ વધુમાં જણાવ્યું કે, “જ્યારે તમે આટલા બધા પોતાના પર નિર્ભર હોવ ત્યારે એક વ્યક્તિની જવાબદારી લેવી મુશ્કેલ હોય છે. ઓછામાં ઓછા પહેલા છ મહિના સુધી બાળક માટે ખાવા-પીવાની વ્યવસ્થા કરવી એ એક મોટી જવાબદારી હોય છે, તેથી હું ડરી ગઈ હતી. હું વિચારી રહી હતી, હે ભગવાન, શું હવે મારી જિંદગી હવે ખતમ થઈ જશે?”

જ્યારે ખબર પડી કે હું દીકરીને જન્મ આપવાની છે ત્યારે...
રિચાએ પોતાની વાતને પૂરી કરતા કહ્યું કે, “પછી જ્યારે મને ખબર પડી કે મને દીકરી થવાની છે, ત્યારે મારો ડર પ્રોટેક્ટિવ નેચરમાં બદલાઈ ગયો.” તેણીએ મજાકમાં કહ્યું કે, “મેં વિચાર્યું, ‘આપણે ભારતમાં રહીએ છીએ, મારે બંદૂક ખરીદવી પડશે.’ પછી મેં વિચાર્યું, ‘ના, આપણે જોઈશું. આપણે તેને આપણા જેવી મજબૂત બનાવીને મોટી કરીશું.”